JOHAN 15:10 - Pathien Lekhabu Inthieng (BSI)

¹⁰ Nangnîn ka thupêkhai in zâwm chun ka ihmangaiin um zing in tih; keiin ka Pa thupêkhai ka zâwm a, a ihmangaia ka um zing ang bawk hin.

JOHAN 15:10 Iomraidhean Croise

2 SAMUEL 22:22

LALPA lampuihai chu ka hrawh a, Ka Pathien kuoma inthawk chun suoltakin ka fe hmang ngai si nawh a.

2 LALHAI 18:6

LALPA chu a chel tlat a; ama a zui chu a ma nuom nawh a, a thupêk LALPAIN Mosie a pêkhai chu a zâwm a.

FESUOKNA 7:6

Chun, Mosie le Aron chun LALPAIN an kuoma thu a pêk ang tak chun an thaw tah a.

ISAI 50:5

Lalpa PATHIEN chun ka na a mi sukhawngpêk a, kei chu ka hel nawh a, ka ngha kîr bawk nawh.

JOHAN 10:18

Tûkhawmin mi lâkpêk naw ni hai, keima thu thuin ka pêk lem ding a nih; pe thei ka nih, la nâwk thei khawm ka nih. Hi thupêk hi ka Pa kuoma inthawka ka hmu a nih,” a ta.

JOHAN 12:49

Keia phuokfâwmin ka hril si nawh; Pa a mi tirtu chun, ka hril ding le ka ṭawngna ding chu thu a mi pêk a ni lem.

JOHAN 14:15

“Nangnîn in mi hmangai chun, ka thupêkhai chu zâwm in tih.

JOHAN 14:21

Tukhawm ka thupêkhai nei a, zâwm chu a mi hmangaitu a nih; tûkhawm a mi hmangai chu, ka Pain hmangai a tih, kei khawmin ama chu hmangai ka tih, a kuomah inlâr rawp ka tih,” a ta.

JOHAN 14:23

Isûn a dawn a, a kuomah, “Mîn a mi hmangai chun ka thu zâwm a ta; ka Pain ama chu hmangai a ta, a kuomah hung kan ta, a kuomah um zing kan tih.

JOHAN 14:31

nisienlakhawm, keiin Pa ka hmangai le, Pain thu a mi pêk ang peiin thil ka thaw ti khawvêlin an hrietna ding a ni hi. Tho ro, hitaka hi suok ei tiu.

JOHAN 17:4

Nangin thil thaw ding i mi pêk kha ka thaw zo tah a, khawvêla hin ka chawimawi ta che.

JOHAN 4:34

Chun, Isûn an kuomah a hril a, “A mi tirtu dit zâwng thaw le, a sin thaw zo ding hi ka bu a nih.

JOHAN 8:29

A mi tirtu chu ka kuomah a um, a mi thlâthlam nawh; a thil lâwm zâwng taphawt ka thaw pei hlak leiin,” a ta.

JOHAN 8:55

nangnîn ama in hriet si nawh; kei ruok chun ama ka hriet; ‘Ama ka hriet nawh,’ ti lang nangni anga khêlhlip bawk nîng ka tih; chuong- chun, ama ka hriet a, a thu khawm ka zâwm hlak.

1 KORINTH 7:19

Pathien thupêkhai pawm chau naw chu sertan hi iengkhawm a ni nawh a, sertan naw khawm iengkhawm a ni chuong nawh.

1 THESSALONIKA 4:1

Chuongchun, unauhai, a tâwp taka chun, in um dân ding le Pathien in suklâwm dân ding (tuta in um dân hi) kan kuoma inthawka in lâk ang khan in hau nâwk zuolna dingin Lalpa Isua chun kan ngênin kan infui cheu a nih.

HEBRAIHAI 7:26

Chuong ang, Thiempu Laltak, mi inthieng, sawisêlbo, inthieng naw- na kai lo, mi suolhai laia inthawka a tuma um, vânhai nêka chunghnung lema siem ta chu ei ta dingin a âwm hrim sih a.

2 PETER 2:21

Lampui fel chu hriet hnunga, thupêk inthieng an kuoma inkawltira um chu nghatsan nêk chun, lampui fel hre naw hai sienla, an ta dingin a ṭha lem ding bah.

1 JOHAN 2:3

Chun, a thupêkhai pawm ei ni chun, chutaka chun ama chu ei hriet ti ei inhriet.

1 JOHAN 2:5

Tûkhawm a thu pawm taphawt chu amaa chun Pathien a hmangaina a famkim takzet tah a nih. Amaah ei um ti hitaka hin ei inhriet a nih.

1 JOHAN 2:6

“Amaah ka um zing hlak,” titu chu, ama a um ang bawk khan a um ve ding a nih.

1 JOHAN 5:3

Pathien ei hmangaina chu hi hi a nih, a thupêkhai ei zâwm hi. A thupêkhai chu a khir si nawh a.

THUPUONGSUO 22:14

Hringna Thing chunga chun thu an nei theina ding le, kawtkhâra chun khuoa an lût theina dinga an puon sâwpfaihai chu an hamṭha.