JOHAN 14:6 - Pathien Lekhabu Inthieng (BSI)

⁶ Isûn a kuomah, “Kei hi lampui le thutak le hringna ka nih; keimaa fe naw chu tukhawm Pa kuom an tlung ngai nawh.

JOHAN 14:6 Iomraidhean Croise

MATTHAI 11:27

Ka pain thil iengkim a mîn kawltir tah; Pa naw chun Naupa hi tukhawmin an hriet nawh. Chun, Naupa le Naupain a phuong nuom- nahai chau naw chun tukhawmin Pa chu an hriet bawk nawh.

JOHAN 1:14

Chun, Thu chu tisain a hung inchang a, eini lai a hung um tah a, (Pa nau khât nei ropui angin a ropuizie ei hmuh), lunginsietna le thutakin a sip.

JOHAN 1:17

Dân chu Mosie hmanga pêk a na, lunginsietna le thutak chu Isu Krista leiin a hung um.

JOHAN 1:4

Amaa chun hringna a um; chu hringna chu mihriemhai var a nih.

JOHAN 10:28

An kuomah chatuona hringna ka pêk hlak; kumkhuoin bohmang naw ni hai a, tukhawmin ka kuta inthawkin mi lâkpêk bawk naw ni hai.

JOHAN 10:7

Chuongchun, Isûn an kuomah a hril nâwk a, “Titakzetin, titakzetin ka hril cheu hi, kei hi berâm kawtkhâr chu ka nih,

JOHAN 10:9

Kei kawtkhâr chu ka nih; tûkhawm keimaah a lût chun, humhimin um a ta, lûtin suok a ta, fâk ding hmu bawk a tih.

JOHAN 14:19

Sâwt nawtê hnungah khaw- vêlin mi hmu nâwk ta naw ni, nisienlakhawm, nangni chun mi hmûng in tih; kei ka hring leiin nangni khawm hring in tih.

JOHAN 15:1

“Kei grêp hrui tak tak ka nih, Ka Pa a huon enkawltu a nih.

JOHAN 18:37

Chun, Pilatin a kuomah, “Chu lal i ni am a nih?” a ta. Isûn, “Lal ka nizie i hril zing chu. Thutak inhriettir hi ka pieng san le khawvêla ka hung san a nih. Tukhawm thutaka mi taphawt chun ka thu an pawm hlak,” a ta.

JOHAN 5:21

Pain mithihai a keithoa a sukhring hlak angin, Naupa khawm- in a nuom nuom a sukhring hlak.

JOHAN 6:33

Pathien bei chu vâna inthawka hung ṭuma, khawvêl kuoma hringna petu hi a nih,” a ta.

JOHAN 6:51

Kei hi vâna inthawka bei hring hung ṭum chu ka nih, tûkhawmin hi bei hi a fâk chun chatuonin hring zing a tih, anih, khawvêl hringna dinga ka ipêk ding bei chu, ka taksa hi a nih,” a ta.

JOHAN 6:57

Pa hring chun a mi tir a, Pa zâra hring ka ni ang bawkin, tûkhawm a mi fa chu keia zârin hring vêng a tih.

JOHAN 6:68

Simon Peterin a kuomah, “Lal- pa, tu kuom am fêng kan ta? Nangin chatuona hringna thu i nei annâwm;

JOHAN 8:32

chun, thutak hrieng in ta, thutak chun suok ni bân a ti cheu,” a ta.

JOHAN 8:51

Titakzetin, titakzetin ka hril cheu hi, miin ka thu a zâwm chun, kumkhuoin thi ni hmêl hmu naw ni,” a ta.

THILTHAWHAI 3:15

Hringna Siemtu chu in that a; nisienlakhawm, Pathienin ama chu mithi laia inthawkin a keitho nâwk tah; chu chu a hretuhai kan nih.

THILTHAWHAI 4:12

Mi dang tu kuoma khawm san- damna a um nawh; vânkhuphnuoia mihriem isak lai, a mi sandam ding hming dang hrim a um nawh,” a ta.

THILTHAWHAI 9:2

Thiempu Laltak kuomah a fe a, Damaskaa inkhâwmna in po poa mihai kuoma pêk dingin lekha a hnih a, chu Lama mi chu tukhawm a hmu chun, nuhmei khawm, pasal khawm, Jerusalema khuop puma hung ṭhuoi theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:16

Jentailhai inhlânna chu, Thla- rau Inthieng sukthienga lâwmtlâk an ni theina dingin Pathien Chanchin Ṭha kawngah thiempu sin ka thaw a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:2

ama lei bawk chun hi lungin- sietnaa ei ngir detnaa hin ringnain ei lût tah a, Pathien ropuina beiseiin lâwmin ei um bawk a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:21

suol chun thinain ro a rêl ang takin, lunginsietna chun, felnain kumkhaw hringna changna khawp hielin ei Lalpa Isu Krista zârah ro a rêl theina dingin.

1 KORINTH 15:45

Chuong ang bawkin, “Mihriem hmasatak Adam chu mi hring a hung nih,” ti ziek a nih; Adam nuhnung lem chu hringna petu thlarau a nih.

EPHESI 2:18

Ama zârin Thlarau hmunkhata, Pa kuoma lût theina ei nei ve ve a nih.

KOLOSSA 2:17

chuonghai chu thil hung tlung dinghai hlim a nih, a tak ruok chu Krista ta a nih.

KOLOSSA 2:9

Amaa chun Pathien famkimna tinrêng chu taksa neiin a um zing sih a.

KOLOSSA 3:4

Krista in hringna chu a hung inlâr pha chun nangni khawm ama kuomah ropuiin inlâr vêng in tih.

HEBRAIHAI 7:25

Chuongchun, amaa Pathien kuoma hunghai chu a tâwp khâwk chenin a sandam thei bawk a nih; anni ṭawngṭai pêk dingin chatuona a hring zing leiin.

HEBRAIHAI 9:8

Thlarau Inthiengin hi hi ân hriettir a; Hmun inthienga lûtna lampui chu a lân lang hri nawh a, biekbûk tawntir chu a la ngîr sûng chun, ti hi;

1 PETER 1:21

ama leiin mithi laia inthawka a keithotu le a ropuina petu Pathien ringtuhai in na, in ringna le in beisei- na chu Pathiena a um theina dingin.

1 PETER 2:4

Ama chu lung hring, mihriemhai dit naw ngei, Pathien ngaia ruok chun thlang le hlutak a nih,

1 PETER 3:18

Pathien kuoma a mi ṭhuoi theina dingin Krista chun suolhai leiin vawikhat a tuor bawk sih a, mi fel chun mi fel naw aiin a tuor a, tisaa sukhlumin a um a, thlaraua ruok chun sukhringin a um tah.

1 JOHAN 1:8

“Suol ka nei nawh,” ei ti chun mâni le mâni ei inhlêm fâwm a, thutak khawm chu einiah a um naw a nih.

1 JOHAN 2:23

Tûkhawm Naupa awinaw chun Pa khawm a pawm chuong nawh; Naupa awitu ruok chun Pa khawm a pawm a nih.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.

1 JOHAN 5:6

Hi hi a nih tui le thisena hung chu, Isu Krista hi; tui chauah ni loin, tuia le thisenah a ni lem. Inhriettirtu chu Thlarau hi a nih. Thlarau chu thutak a ni leiin.

2 JOHAN 1:9

Tûkhawm Krista inchûktirna thua um zing loa, khûm chun Pathien a nei nawh. Chu inchûktirna thua um zing ruok chun, ama ngei chun Pa le Naupa a nei kawp a nih.

THUPUONGSUO 1:5

Isu Krista, thu hretu ringumtak, mithi laia inthawka tho hmasatak le hnuoia lalhai rorêltu kuoma inthawk dâm chun, lunginsietna le inremna in kuomah um raw se. A mi hmangai a, a thisenin ei suolhaia inthawkin a mîn tlan suok a,

THUPUONGSUO 19:11

Chun, vân inhawng ka hmuh a; chun, ngai ta, sakawr vâr le a chunga chuong Ringum le Indiktak, an iti chu ka hmu bawk a; ama chun feltakin ro a rêl a, mi a do hlak.

THUPUONGSUO 20:15

Tûkhawm Hringna Buah a hming ziek an hmu naw chun mei dilah an pei bawk a.

THUPUONGSUO 22:1

Chun, ama chun, a khawlai taka, hringna tui vadung, krustal lung anga tle, Pathien le Berâmte lalṭhungphaa inthawka hung suok, a mîn entir a.

THUPUONGSUO 22:17

Thlarau le mo chun, “Hung rawh,” an tih a. A hre taphawt chun, “Hung rawh,” ti raw se. Dangchâr taphawt hung raw se; a nuom taphawtin hringna tui hi a thlâwnin la raw se.

THUPUONGSUO 3:14

“Chun, Laodikeia tirko kuoma chun hieng hin ziek rawh:— “Amen, thuhretu ringum le indik- tak, Pathien thilsiem bul khan, hieng thu hi a hril a nih;

THUPUONGSUO 3:7

“Chun, Philadelphiaa kohran tir- ko kuoma chun hieng hin ziek rawh:— “ ‘Mi inthieng, mi indiktak, David chabi nei, tu ikhâr lo dinga hawnga, tu ihawng lo dinga khârtu khan, hieng thu hi a hril a nih: