JOHAN 14:3 - Pathien Lekhabu Inthieng (BSI)

³ Chun, in ta dinga hmun ka hang siem chun hung kîr nâwk ka ta, ka kuomah lâng ka ti cheu; ka umnaah nangni khawm in um theina dingin.

JOHAN 14:3 Iomraidhean Croise

JOHAN 12:26

Tûkhawmin ka rawng a bâwl chun mi zui raw se; ka umnaah ka rawng bâwltu khawm um a tih. Tûkhawmin ka rawng a bâwl chun ama chu Pain chawimawi a tih.

JOHAN 14:28

‘Ka fe hmang ding a na, in kuomah hung nâwk ka tih’, ka tizie cheu kha in hriet tah. Nangnîn mi hmangai ni unla Pa kuoma ka fe ding a ni leiin in lâwm ding a nih; Pa chu keia nêkin a ropui lem sih a.

JOHAN 14:4

Ka fena ding a lampui chin in hriet ie,” a ta.

JOHAN 17:24

Pa, nangin kei i mi pêkhai hi ka umnaah ka kuoma um dingin ka dit; nangin i mi pêk ka ropuina kha an hmuna dingin; leihnuoi insieng hma khawmin nangin i mi hmangai ta sih a.

THILTHAWHAI 1:11

Chuonghai chun, “Galili rama mihai, iengdinga vân tieng nghaa in ngir am? Hi Isu in kuoma inthawka vân tienga ṭhuoia um hi, vâna a hang fe in hmu ang bawk hin ama ngei hi hung nâwk a tih,” an ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:17

Chun, nauhai ei ni chun ro- hluotuhai, Pathien rohluotu, Krista hluopuituhai ei nih; chuleiin, ama ei tuorpui ding a nih, a kuoma chawimawia ei um ve theina dingin.

PHILIPPI 1:23

Chamlakin a ngaina hre loin ka um el a nih, fe suoka Krista kuoma um inhâwkna ka nei leiin, chu chu a ṭha lem bêk bêk sih a.

2 THESSALONIKA 1:12

Chuongchun, ei Pathien le, ei Lalpa Isu Krista lunginsietna ang peiin ei Lalpa Isu hming chu nangnia chun chawimawiin um thei a ta, nangni khawm amaa chun chawi- mawiin um thei in tih.

2 TIMOTHE 2:12

Ei tuor chun, Ama leh ro rêl ei tih; Ama ei inphat chun, Ama khawmin mîn phat a tih;

HEBRAIHAI 9:28

chuong ang bawkin Krista khawm mi tamtakhai suol fepui dinga vawi khat inhlâna um tain, sandamna hmu dinga ama lo nghâktuhai kuoma chun, suol ṭhang loin vawi hninaah hung inlang nâwk a tih.

THUPUONGSUO 3:21

A hnetu taphawt chu ka lal- ṭhungphaah ka kuomah inṭhungtir ka tih; kei khawmin ka hneh a, ka pa kuomah lalṭhungphaa ka ṭhung ang khan.