JOHAN 14:21 - Pathien Lekhabu Inthieng (BSI)

²¹ Tukhawm ka thupêkhai nei a, zâwm chu a mi hmangaitu a nih; tûkhawm a mi hmangai chu, ka Pain hmangai a tih, kei khawmin ama chu hmangai ka tih, a kuomah inlâr rawp ka tih,” a ta.

JOHAN 14:21 Iomraidhean Croise

JOHAN 14:15

“Nangnîn in mi hmangai chun, ka thupêkhai chu zâwm in tih.

1 JOHAN 5:3

Pathien ei hmangaina chu hi hi a nih, a thupêkhai ei zâwm hi. A thupêkhai chu a khir si nawh a.

1 JOHAN 2:5

Tûkhawm a thu pawm taphawt chu amaa chun Pathien a hmangaina a famkim takzet tah a nih. Amaah ei um ti hitaka hin ei inhriet a nih.

2 JOHAN 1:6

Chun, hi hi hmangaina a nih, ama thupêk ang peia ei um hi. Thupêk a tîra inthawka in ihriet ang chu hi hi a nih, hmangainaa chun um ro, ti hi.

DÂN PAHNINA 11:13

“Chun, LALPA in Pathien chu hmangai ding le in lungril po po le in lungvar po poa a rawngbâwl dinga ka thupêk tuta ka pêk cheu hi ṭha- hnemngaitaka in zâwm chun,

JOHAN 16:27

Pa ngeiin a hmangai si cheu a, nangnîn kei in mi hmangai a, Pathiena suok ka nih ti in ring leiin.

LUKA 11:28

Ama ruok chun, “Anih, nisien- lakhawm, Pathien thu hrea zâwmhai hi mi hamṭha an ni lem,” a ta.

JOHAN 15:14

Thu ka pêk taphawt cheu in thaw chun, ka ruolhai nîng in tih.

THUPUONGSUO 3:20

Ngai ta, kawtkhâr bula ngîrin ka nawk hi; tûkhawmin ka rawl hrea kawt a hawng chun a kuomah lût ka ta, a kuomah zânbu fâng ka ta, ama khawmin ka kuomah fa bawk a tih.

THUPUONGSUO 22:14

Hringna Thing chunga chun thu an nei theina ding le, kawtkhâra chun khuoa an lût theina dinga an puon sâwpfaihai chu an hamṭha.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta sih a.

THUPUONGSUO 2:17

Thlarauin kohranhai kuoma thu a hril hi na nei chun hre raw se. A hnetu taphawt kuom ngeia chun manna thuphmang laia kha pêng ka ta, lung vâr khawm pêng ka tih, chu lung chunga hming thar ziek leh; chu hming chu a changtu chau naw chun tûkhawmin an hriet nawh, a tih,’ tiin.

JOHAN 17:23

kei anniah, nang keimaah, anni pumkhata an um a, an famkim theina dingin, nangin kei i mi tir ti le, i mi hmangai angin anni hi i hmangai ti, khawvêlin an hriet theina dingin.

INPÂKNA HLABU 35:27

Ka felna chunga lâwmhai chu hlima khêkin lâwmtakin um sienla, Anih, “A siehlaw vângneina chunga lâwm hlak LALPA chu, Chawimawiin um raw se,” ti rawp raw hai se.

1 JOHAN 3:1

Ngai ta u, Pain a mi hmangaina chu a va nasa de! “Pathien nauahai,” a mîn bûk ta chu; chuong ang chu ei ni hrim a nih. Hi hi lei hin khawvêlin a mi hriet naw a nih, ama chu an hriet naw leiin.

ZEPHANIA 3:17

LALPA i Pathien thilthawthei- tak, sandamtu ding chu i sûnga chun a um a; Nang chu hlimnain lâwm a ti che a, a hmangainaa chun châwl a ta, Hla sakin nangmaa chun hlim a tih.

2 THESSALONIKA 2:16

Chuongchun, ei Lalpa Isu Krista ngei le, Pathien ei Pa, a mi hmangaitu le lunginsietna leia cha- tuona thlamuongna le beiseina ṭha mi petu chun,

JEREMIA 31:31

Ngai ta u, nihai chu a hung tlung, LALPA chun a tih, Juda sûng- kuo le Israel sûngkuo le chun thuthlung thar siem ka ta;

JOHAN 16:14

Ama chun kei mi chawimawi a tih, ka taa mi lâng a ta, in kuomah ân hriettir ding cheu a ni sih a.

JOHAN 14:18

Fahrain fe san naw ning cheu; in kuomah hung nâwk ka tih.

2 TIMOTHE 4:22

Lalpa chu i thlarau kuomah um raw se. Lunginsietna in kuomah um raw se.

2 KORINTH 3:18

Chuongchun, keini chu kan rêngin hmai inkhum loin, hlimen anga Lalpa ropuina sunvarin, ropui- naa inthawka ropui peiin, chu angpui ngeia um dingin, sukdanglamin kan um hlak, Lalpaa (Thlaraua) inthawk- a kan hmu ang peiin.

THILTHAWHAI 22:18

chun, ‘Inhmaw la, Jerusalema inthawkin suok rawh; ka chanchin i hril ding chu an pawm âwm naw hi,’ a mi ti lai ka hmuh a.

2 KORINTH 12:8

Chu chungchâng thua chun, a mîn kiengsan theina dingin Lalpa chu vawi thum ka hnih a.

FESUOKNA 33:18

Mosie chun, “Ka ngên che, i ropuina chu mîn hmutir rawh,” a tih a.

DÂN PAHNINA 7:13

hmangai a ti cheu a, malsâwm a ti cheu a, sukpung a ti cheu a, pêk dinga in pi le puhai kuoma ân khâmna rama chun in rila ra le in hnuoi ra khawm malsâwm bawk a tih, in bu dâm, in uoin dâm, in hriek dâm, in bâwngtehai le in berâmtehai khawm.

THUVARHAI 8:17

A mi hmangaituhai chu ka hmangai veh a, Chun, nguntaka a mi zawngtuhai chun mi hmu suok bawk an tih.

2 LALHAI 18:6

LALPA chu a chel tlat a; ama a zui chu a ma nuom nawh a, a thupêk LALPAIN Mosie a pêkhai chu a zâwm a.