JOHAN 12:42 - Pathien Lekhabu Inthieng (BSI)

⁴² Nisienlakhawm, hotuhai a ṭhen tamtakin Isu an ring tah a; amiruokchu, Pharisaihai leiin an inphuong nawh; chuong naw chun, inkhâwmna in hnawngin um an tih.

JOHAN 12:42 Iomraidhean Croise

THUVARHAI 29:25

Mihriem ṭîna hin châng a hung siem a, LALPAA a ringna innghattu ruok chu him a tih.

ISAI 51:7

Felna hretu, ka dân thu lungrila vawn mihai, ka thu hi lo ngai ro, mihriemhai hrilsietna ṭi naw unla, an halna cheu leiin lunginzîng bawk naw ro.

ISAI 57:11

Tu am i ṭih a, în lau a, khêl i hril hlak a, kei i mi hriet ta nawh a, i lungrila i ngaituo ta naw hi? Sâwttak ka to zing an nâwm a nih? Ṭi khawm i mi ṭi naw hi.

ISAI 66:5

A thua inthin hlakhai, LALPA thu hi hre ro, “In unau, nangni thei- datu le ka hming leia nangni hnawt suoktuhai cheu chun, ‘In lâwmna kan hmu theina dingin LALPA chu sukro- puiin um raw se,’ an tih a, nisienla- khawm, inzak lem tâng an tih.

JEREMIA 38:19

Chun, lal Zedekia chun, Jeremia kuoma chun “Juda mihai Kaldaihai tienga va kawp tahai kha ka ṭi a nih; an kuta khan mi pe hlau an ta, mi nuisan rawi an tih,” a ta.

MATTHAI 10:32

“Chuongchun, mihai hmaa a mi ṭan taphawt chu, ka Pa vâna mi hmaah ṭan vêng ka tih.

LUKA 12:8

“Chun, ka hril cheu hi, mihai hmaa a mi ṭan taphawt chu Pathien vântirkohai hmaah Mihriem Naupa hin ṭan vêng a tih.

LUKA 23:13

Chun, Pilatin thiempu lalhai, hotuhai, mi po pohai a ko khâwm a,

LUKA 6:22

“Mihriem Naupa leia mihaiin an theida cheu a, an tuithlâra an hal cheu a, in hming a ṭha nawh tia an pei hmang dêr phaleh in la hamṭha ding a nih.

JOHAN 11:45

Chuleichun, Mari lêngpuitu Isu thilthaw hmu Juda mi tamtakin Isu an ring tah a.

JOHAN 12:11

ama leia Juda tamtakin an pakai san a, Isu an ring hlak leiin.

JOHAN 16:2

Inkhâwmna inahai inhnawngtir an ti cheu a, anih, tûkhawm a sukhlum dinghai po cheuin Pathien chungah thilṭha thawin inhrieng an tih, chuong ang hun chu a tlung ding a nih.

JOHAN 19:38

Chun, chuong thil thaw zo chun, Josef Arimathai khuoa mi, Isu inchûktir a nih, nisienlakhawm, Judahai a ṭi leiin a rûka um a na, ama chun Isu ruong chu fepui dingin Pilat kuomah a hnih a, chun Pilatin a phal a. Chuongchun, a hung a, a ruong chu a fepui tah a.

JOHAN 3:2

ama chu zânah Isu kuomah a hung a, a kuomah, “Rabbi, Pathiena inthawka inchûktirtua hung i ni ti kan hriet; Pathien an chungah a um naw chun hieng thilmak i thawhai hi tukhawmin thaw thei naw ni hai,” a ta.

JOHAN 7:13

Nisienlakhawm, Judahai an ṭi leiin tûkhawmin a chungchâng thu an hril lang nawh.

JOHAN 7:31

Mipui a ṭhen tamtak ruok chun ama chu an ring a, “Krista chu a hung tlung pha khawm, hi mipa thaw nêka tam thilmak a hung thaw ding am a nih?” an ta.

JOHAN 9:22

Judahai an ṭi leiin a nu le pa chun chuong thu chu an hril a nih; Judahaiin, chu hma khawm chun tûkhawmin “Ama chu Krista a nih,” tia an ṭan chun, inkhâwmna inah hnawng an tih ti hi an remti sa a na.

JOHAN 9:34

Chun, anni chun a kuomah, “Nang suol letdêra pieng i nih annâwm, nangin i mi hril vei maw?” an ta, an dawn a. Chuongchun, ama chu an hnawt dawk tah a.

THILTHAWHAI 5:41

Chuongchun, rorêltuhai laia inthawk chun an suok a, chu hming leia muolphona tuor tlâka ruot an ni leiin an lâwm hleh a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:10

Mihaiin an lungrilin an ring a, felna an hmu hlak, bauin an ṭan a, sandamna an hmu bawk hlak a nih.

1 JOHAN 4:15

Tûkhawm, “Isu hi Pathien Nau- pa a nih,” tia ṭan taphawt chu, amaa chun Pathien a um zing a, ama khawm chu Pathienah a um zing bawk a nih.

1 JOHAN 4:2

Hi hin Pathien Thlarau chu hrieng in tih; thlarau iengkhawm Isu Krista tisaah a hung inchang ti ṭan chu Pathiena inthawk a nih; thlarau iengkhawm Isu ṭan naw chu Pathiena inthawk a ni nawh.