JOHAN 12:16 - Pathien Lekhabu Inthieng (BSI)

¹⁶ Chuong thu chu a tîrin a închûktirhaiin an hriet nawh; nisien- lakhawm, Isu chawimawia a um hnung chun, a chanchinah chuong thu chu ziek a nih ti le, a chungah chuong thil chu an lo thaw ngei ti an hriet tah a.

JOHAN 12:16 Iomraidhean Croise

MARKA 16:19

Chuongchun, Lal Isu chu an kuoma thu a hril zo chun vâna zuk ṭhuoiin a um tah a, Pathien changtieng a hang ṭhung tah a.

MARKA 9:32

Nisienlakhawm, a thu hril chu a ngaina an hriet nawh a; ama hlak chu an indawn ngam si nawh a.

LUKA 18:34

Chun, chuong thu hrim hrim chu a ngaina an hriet nawh a; thu hril chu anni ta dingin thupin a um a, ieng hril am a ni khawm an hriet nawh.

LUKA 24:25

Chun, ama chun an kuomah, “Mi invêthai, zâwlneihai thu hril po po awi kawnga ngawnghai!

LUKA 24:45

Chuongchun, Pathien Lekha Thu hrietna dingin an lungvar a sukvar tah a,

LUKA 9:45

Nisienlakhawm, a thu hril chu a ngaina an hriet nawh a, an hriet thei nawna dingin ân thup a nih, chu thu hril chanchin chu ama hlak an indawn ngam si nawh a.

JOHAN 12:23

Chun, Isûn a dawn a, an kuomah, “Mihriem Naupa chawi- mawia a um hun chu a tlung tah.

JOHAN 14:26

Chun, Thlamuongtu, Thlarau Inthieng, Pain ka hminga a hung tir ding khan, ama chun iengkim inchûktir a ti cheu a, in kuoma ka hril po po kha inhriet suoktir nâwk a ti cheu.

JOHAN 16:4

Hieng thu hi in kuomah ka hril ta hi, a hun chu a hung tlung pha, ka hril ta cheu ti in hriet nâwkna dingin. Hieng thil hi a tîra inthawk ka la hril naw hrim cheu a nih, in kuoma ka la um leiin.

JOHAN 17:5

Aw Pa, khawvêl um hmaa i kuoma mawina ka inei khan, tuhin nangma kuoma ngei mi chawimawi rawh.

JOHAN 2:22

Chuleiin, mithi laia inthawka a thonâwkin, chu thu chu a hril tah ti a închûktirhai chun an hriet nâwk tah a; chun, Pathien Lekha Thu le Isu thu hril chu an ring tah a).

JOHAN 7:39

(Chuong thu chu ama ring- tuhaiin Thlarau an nei dingzie thu a hrilna a nih; Thlarau chu pêk a la ni hri nawh, Isu chu chawimawia a la um hri naw leiin.)

THILTHAWHAI 2:33

Pathien kut changtienga chawi- mawiin a um a, Thlarau Inthieng tiem chu Pa kuoma inthawkin a hmuh a, in hmu le in hriet hi a hung buok a ni hi.

THILTHAWHAI 2:36

“Chuongchun, Isu in hemde ngei kha, Pathienin Lal le Krista ni fâwmin a siem tah ti, Israel hnam tinin hre mawl raw se,” a ta.

THILTHAWHAI 3:13

Abraham hai, Isak hai, Jakob hai Pathien, ei thlatuhai Pathien chun, a siehlaw Isu chu a chawimawi ta a ni hi; ama chu in inmantir a, Pilatin insuo a tum khawmin a hmaah in lo dit naw kha.

HEBRAIHAI 12:2

Isu ei ringna siemtu le suk- famkimtu tieng chu en zingin; ama chun a hmaa hlimna um lei chun muolphona chu ngainêpin, kraws chu a tuor a, Pathien lalṭhungpha changtieng khin a hang ṭhung tah a.

HEBRAIHAI 8:1

Chuongchun, ei thu hrilhai laia a pawimaw tak chu hi hi a nih: Chuong ang, thiempu Laltak, vânahai khin Ropuitak lalṭhungpha chang tienga hang ṭhung chu ei nei a nih;