JOHAN 11:51 - Pathien Lekhabu Inthieng (BSI)

⁵¹ (Chu thu chu ama phuok- fâwmin a hril nawh, chu kum chun Thiempu Laltak a na, an chihai nêka Isu a thi ding thu a hril lâwk a ni lem.

JOHAN 11:51 Iomraidhean Croise

FESUOKNA 28:30

Rorêlna âwmbela chun Urim le Thummim inbûk i ta, LALPA hmaha a fe laiin Aron lung chung taka chun an um ding a nih; chuongchun, Aron chun Israel thlahai rorêlpêkna chu LALPA hmaah a lung chunga chun a phur zing zing ding a nih.

DANIEL 9:26

Chun, hapta sâwmruk pahni hnunga chun Messie chu sât thlâk nîng a ta, ama ta dingin ni loin, chun, lal mihai hung dinghai chun khawpui le Hmun Inthiengtak chu suksieng an ta, a tâwpna chu tuilêt nîng a ta, a tâwpa chun indona nîng a tih; suk- rêma umna ding chu ruot a ni ta sih a.

NAMBAR 22:28

Chuongchun, LALPAIN sabeng- tung chu ân ṭawngtir a. Balaam kuoma chun, “Ieng am ka law che a, hienga vawi thum zet mi vaw am i na?” a ta.

NAMBAR 24:2

Chun, Balaam chu vântieng a tang a, Israel mihai chu a hnam hnama um chu a hmuh a, chun, Pathien thlarau a chungah a hung tlung a.

MATTHAI 20:28

Mihriem Naupa hi rawng- bâwlpêka um dinga hung a ni nawh a, rawngbâwl ding le mi tamtak intlan- na dinga, a hringna pe lem dinga a hung ang hin,” a ta.

JOHAN 10:15

Pain a mi hriet a, kei khawmin Pa ka hriet ang hin; chun, berâmhai ta ding chun ka hringna ka pêk.

JOHAN 11:49

Chun, anni laia mi pakhat, Kaiapha, chu kuma Thiempu Laltak chun an kuomah, “Nangnîn ieng- khawm in hriet dêr nawh.

JOHAN 18:13

Ana kuomah an ṭhuoi hmasah a, Kaiapha tarpupa a ni leiin, Kaiapha chu, chu kum chun Thiempu Laltak a nih.

1 KORINTH 13:2

Chun, thu hril theina neiin, thurûk po po le hrietna po po hre vawng lang khawm, tlâng sawn theina khawp hiel ringna famkim nei lang khawm, hmangaina ka nei si naw chun iengkhawm ni naw ning.

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

GALATI 3:13

Krista chu ei aia ṭawngsephur chu lo niin, Dân ṭawngsiea inthawk chun a mîn tlan suok tah a; (“Thinga khaikâng taphawt chu ṭawngsephur an nih,” ti ziek a ni sih a).

1 PETER 2:24

Suol tiengahai thi tain felna tienga ei hring theina dingin, ama ngeiin a taksain thinga khan ei suolhai a phur a, ama vuokna invuol- hai chun sukdamin in um tah a.

1 PETER 3:18

Pathien kuoma a mi ṭhuoi theina dingin Krista chun suolhai leiin vawikhat a tuor bawk sih a, mi fel chun mi fel naw aiin a tuor a, tisaa sukhlumin a um a, thlaraua ruok chun sukhringin a um tah.

1 JOHAN 2:2

Ama chu ei suolhai thupha- chawina a nih; eini suol chau ni loin, khawvêl po po suol thuphachawina khawm a nih.

1 SAMUEL 23:9

David chun Saula chun a chunga thil ṭha naw a ngaituo ti chu a lo hriet a, thiempu Abiathar kuoma chun, “Thiempu zakawsîng kha hung la ta khai,” a ta.

1 SAMUEL 28:6

Chun, Saula chun LALPA a hang rawn khawmin LALPA chun mangin amanih, Urimin amanih, zâwlneiin amani khawm a dawn hrim hrim nawh a.