JOHAN 11:19 - Pathien Lekhabu Inthieng (BSI)

¹⁹ chuongchun, an ṭapa thi chunga sukthlamuong dingin Judahai rawi tamtak Martha le Mari kuomah an hung a.

JOHAN 11:19 Iomraidhean Croise

INṬANNA 37:35

A naupasalhai po po le a nau- nuhmeihai po po chu ama thlamuon dingin an tho a; nisienlakhawm, ama chun thlamuon a nuom nawh a, “Ni lo, lusûn pumin thlânah ka naupa kuomah ka fe ding a nih,” a tih a. Chuongchun, a pa chu ama ngaiin a ṭap hlak a.

2 SAMUEL 10:2

David chun, “A pa chun a mi lo lunginsiet angin kei khawma Nahas naupa Hanun chu lunginsiet vêng ka tih,” a ta. Chuongchun, David chun a pa chungchâng thua thlamuon dingin ama mihai a tir a. Chun, David mihai chun Ammon thlahai ram chu an va tlung a.

1 CHANCHIN SUINA 10:12

mi hrât huoisenhai po po chu an tho a, Saula ruong le a naupasalhai ruonghai chu an lâk hmang a, Jabes-a chun an hung lâk a, Jabes- a thingsaisuo hnuoiah an ruhai chu an phûm a, ni sari sûng bu an nghei a.

JOB LEKHABU (THE BOOK OF JOB) 2:11

Chuongchun, Job ruol pathum hai chun ama chunga thil ṭha naw tlunghai po po chu an lo hriet chun, an hmun senga inthawk chun an rêngin an hung seng a; Eliphaz Teman mi le, Bildad Suhi mi le Zophar Naamath mi an nih; ama chu thlamuon ding le tuorpui dinga hung dingin hun rem an ruot tlâng a.

JOB LEKHABU (THE BOOK OF JOB) 42:11

Chun, a unauhai po po, a farnu- hai po po leh, a hmaa a lo hmêlhriet tahai chu a kuomah an hung a, a ina chun ama leh bu an fâk tâwl a, a chunga LALPAIN thil ṭha naw ân tlungtir po pohaia chun ama chu an thlasietpuiin an thlamuon a, mi tin chun sum tlâwmte seng le, rângka- chak kutsebi an pêk seng a.

THUHRILTU 7:2

Ruoiṭhena ina fe nêkin, lusûnna ina fe chu a ṭha lem; Chu chu mi po po tâwpna a ni sih a: Mi dam chun a lungrilah sie tlat a tih.

ISAI 51:19

Hieng thil pahni hin a bur ta che hi; tuin am a ṭhangpui ding che a na? Rausanna le sietna dâm, ṭâm le kâwlhnâm dâm hin; iengtin am thlamuon ka ti cheh a?

ṬAP HLA 1:16

Hieng thilhai lei hin ka ṭap a; ka mit chu tuiin a luong- thla a, Thlamuongtu ka lungril sukhartu ding kha keimaa inthawka a hlat êm leiin. Hmêlmahai chun an hne ta leiin, ka nauhai chu râusanin an um tah a.

ṬAP HLA 1:2

Zâna chun a ṭap ngâwi ngâwi a, a mitthli chu a bienga chun a luong a, A hmangaituhai po po lai tukhawm ama thlamuongtu ding a nei nawh; A ruolhai po po chun khaw- hlotakin ama an sawisak a; A hmêlmahai an hung ni vawng el tah ie.

ṬAP HLA 1:21

Ka thuok dawngna chu an hriet a, a mi thlamuong ding tukhawm an um nawh; Ka hmêlmahai po po chun ka buoina chu an lo hriet a, nangin i thaw a ni leiin an lâwm a; Ni i phuong ta chu la hung intlungtir i ta, anni khawm keia ang bawk nîng an tih.

ṬAP HLA 1:9

A tirdakumna chu a puonah a kai a, a tâwpna ding hrim a ngaituo nawh, Chuleiin, maktakelin a tlâwm a, thlamuongtu hrim a hmu nawh; En ta, aw LALPA, ka rimsikzie hi, ka hmêlma chu ama le ama ân chawimawi sih a!

ṬAP HLA 2:13

Ieng am inhriettir ka cheh a, ieng lêm hrilkhîng ka ti cheh a, Aw Jerusalem naunu? Nang chu ka thlamuon theina ding chein, ieng tluk chau am ka ni ding a na, Aw Zion naunu nunghâk? I sietna chu tuisuoriet angin a lien a, tuin am sukdam thei a ti cheh a?

LUKA 10:39

Ama chun zuorpui pakhat a nei a, Mari a na; ama chu Lalpa ke bulah a ṭhung a, a thu a ngai a.

LUKA 10:42

thil pakhat chau a pawimaw; Mariin chan ṭha a thlang a, chu chu lâkpêk ding a ni nawh,” a ta, a dawn a.

JOHAN 1:19

Chun, Judahaiin, “Tû am i na?” tia indawn dingin Jerusalema inthawkin a kuomah thiempuhai le Levi chia mihai an tir lai khan, hieng hi Johan thu lo inhriettir chu a nih:

JOHAN 11:1

Chun, mi pakhat, Mari le a zuorpuinu Martha umna khuo Bethania mi, Lazar damnaw a um a.

JOHAN 11:31

In sûnga a thlamuongtu a umpui Judahai chun, Mari a tho vaka, a suok an hmu phingleh, thlâna ṭap dingin a fe amanih an ta, an zui a.

JOHAN 11:33

Isu chun Mari ṭap le a hung zuitu Judahai ṭap chu a hmuin, a lungrilin ân rûm a, a lungngai a.

JOHAN 11:36

Chun, Judahai chun, “En ta u, Lazar hi a lo va hmangai deh e!” an ta.

JOHAN 11:45

Chuleichun, Mari lêngpuitu Isu thilthaw hmu Juda mi tamtakin Isu an ring tah a.

JOHAN 11:8

Chun, inchûktirhai chun a kuomah, “Rabbi, kha hma el khan Judahaiin lunga dêng an tum che kha; chuong sa sa chun chutaka chun i la fe rawp ding am a nih?” an ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:15

Lâwmhai chu lâwmpui unla, ṭaphai chu ṭappui ro.

2 KORINTH 1:4

Pathienin keini a mi thlamuonna ngeiin, rinum ieng anga umhai khawm chu kan thlamuon ve theina dingin, ama chun kan rinumna po poah a mi thlamuon hlak.

1 THESSALONIKA 4:18

Chuleiin, hieng thu hin inthla- muon tuo ro.

1 THESSALONIKA 5:11

Chuleiin, infui tuoin insukṭha- hnem tuo seng ro, in thaw hrim hlak ang khan.

1 SAMUEL 31:13

Chun, an ruhai chu an lâk a, Jabesa tamarisk thing hnuoiah an phûm a; chun, ni sari bu an nghei a.