JOHAN 10:16 - Pathien Lekhabu Inthieng (BSI)

¹⁶ Chun, hi berâm huona mi naw khawm hi, berâm dang ka nei; anni khawm ka la hung ṭhuoi ding a nih, ka râwl khawm hrieng an tih, chuongchun, pâwl khatin um an ta, a vêngtu pakhat leh.

JOHAN 10:16 Iomraidhean Croise

INṬANNA 49:10

Lal hmawl chu Judaa inthawk hin bo naw nih a, Rorêltu hmawl chu a ke kâra inthawkin bo naw bawk a tih; A neitu takpa a hung hmakhat chun; Hnam tinin ama thu awi an tih.

INPÂKNA HLABU 86:9

Aw LALPA, i siem hnam tinrênghai chu hung an ta, i hmaah hung kûn an ta, I hming chu hung chawimawi an tih.

THUHRILTU 12:11

Mi var thuhai chu hmawl a hmawra thilzum um ang a na, chun, Berâm vêngtu pakhata inthawka pêk thuvar lâk khâwmhai chu thîrkil vuok det tlat ang chu a nih.

ISAI 11:10

Chun, chu nia chun, Jessai zung, mi tin inchikna dinga ngîr chu ama ngei chu hnam tinin râwn an ta, a châwlna hmun chu ropui a tih.

ISAI 43:6

hmârtieng kuoma chun, ‘Inthla ro,’ tîng ka ta, simtieng kuoma chun, ‘Hrên zing naw ro,’ tîng ka tih; ka naupasalhai chu hlataka inthawkin hung ṭhuoi unla, ka naunuhmeihai chu leihnuoi tâwpa inthawkin hung ṭhuoi ro;

ISAI 49:6

ama chun, “Jakobhai hnam tung- dingna ding le Israelhai laia hum- hima umhai chu inumtir nâwkna dinga, ka siehlawa i um hi, thil chiterek a la na; Jentailhai sukvartua khawm ruot bawk ka ti che; kâwl- kawdawng chena ka sandamna chu a tlung theina dingin,” a ta.

ISAI 52:10

LALPA chun hnam tinrênghai mithmua chun a bân inthieng chu a hlîm tah; chuongchun, kâwlkaw- dawnga mi po poin ei Pathien san- damna chu hmûng an tih.

ISAI 56:8

LALPA Pathien, Israelhai hnawt suoka umhai ṭhuoi khâwmtu chun, “Ama ta ṭhuoi khâwma umhai naw khawm hnam danghai a kuomah la ṭhuoi khâwm ka tih,” a ta.

EZEKIEL 34:12

Berâmpu chun sûnah a berâm ruol chu a zawng a, berâm a lo indarhai laia chun a um hlak angin, ka berâmhai chu zawng suok ka ta; inthim le sûmzîng nia an lo invâk darna hmunhai po poa inthawk chun anni chu zawng suok ka tih.

EZEKIEL 34:23

An chunga chun berâmpu pakhat sieng ka ta, ka siehlaw David ngei chu, ama chun anni chu châwm a ta, an ta dingin berâmpu nîng a tih.

EZEKIEL 34:6

Ka berâmhai chu tlâng po po le muol insâng tinahai chun an invâk a; anih, ka berâmhai chu leihnuoi pum- pui chunga chun an indar tah a ni hi; mi tukhawm anni chu zawnga hmu- suok tum an um si nawh.

EZEKIEL 37:22

chu rama chun Israel tlânghai chunga chun anni chu hnam khatah siem ka tih; chun, lal pakhat an rênga lal nîng a ta; hnam hni ni ta naw ni hai a, lalram pahnia khawm inṭhe bawk ta naw ni hai;

EZEKIEL 37:24

Chun, ka siehlaw David chu an chunga lal nîng a ta, chuongchun, berampu pakhat nei an ta, ka rorêl- hai khawm chu hrâwng an ta, ka thuruothai chu pawmin thaw bawk an tih.

HOSEA 1:10

Nisienlakhawm, Israel nauhai chu tuisuorieta phaiphin, inkhi ruol lo le tiem ruol lo zât nîng an ta; chun, an kuomah, “Ka mihai in ni nawh” tina hmun ngeia chun “Pathien hring nauhai in nih,” ti nîng a tih.

ZEKARIA 2:11

Chun, chu nia chun hnam tamtakhai chu LALPA tieng hung kawp an ta, ka mihai an hung ni ding a nih; chun, kei chu nangmaa chun chêng ka ta, chuongchun, sipaihai LALPA chun i kuomah a mi hung tir a nih ti hre tâng i tih.

MATTHAI 17:5

A la hril lai zingin ngai ta, sûm vârtakin anni a hung hlie tah a; chun, ngai ta, sûma inthawk râwlin, “Hi hi ka Naupa dittak, ka ilâwm bêk bêk chu a nih, ama thu ngai ro,” a ta.

LUKA 15:8

“Chun, nuhmei tûkhawm duli sâwm neiin pakhat inhmang ang sienla, khâwnvar insita, in phîtin, a hmu nâwk hmakhat chu nguntakin tûin am zawng nâwng a ta?

JOHAN 10:11

Kei bêram vêngtu ṭha chu ka nih; berâm vêngtu ṭha chun berâmhai ta dingin a hringna a pêk hlak.

JOHAN 10:2

Tûkhawm kawtkhâra lût ruok chu, berâm vêngtu a nih.

JOHAN 10:27

Ka berâmhaiin ka râwl an hriet hlak, kei khawmin anni chu ka hriet, anni chun an mi zui hlak.

JOHAN 10:3

Kawtkhâr vêngtuin ama chu a lo hawng pêk hlak a; berâmhaiin a râwl an hriet hlak a; ama berâmhai chu an hmingin a ko seng a, a ṭhuoi suok hlak a.

JOHAN 10:4

A ta po po ân suoktir phingleh, an hma a ṭhuoi a, berâmhaiin ama an zu i hlak a, a râwl an hriet sih a.

JOHAN 10:5

Mi dang chu zui naw ni hai a, tlân hmang san lem an tih; mi danghai râwl chu an hriet naw leiin,” a ta.

JOHAN 11:52

Chuhai chihai ai chau chun a ni nawh, Pathien nau khawvêla indarhai po po pâwl khata a ṭhuoi khâwmna dingin a ni bawk.)

JOHAN 17:20

“Hienghai ta ding chau hin ngên pêk ka ni nawh, an thu leia kei mi la hung ring dinghai ta ding khawma ngênpêk ka ni bawk ie, an rênga pumkhat an nina dingin;

JOHAN 6:37

Pain a mi pêkhai po po ka kuomah hung vawng an tih; tûkhawm ka kuoma hung chu hnawt suok naw tawp ka tih.

THILTHAWHAI 15:14

Pathienin ama hming put dingin, anni laia mihai la suok dingin Jentailhai a hung kan tîr thu kha, Simeon hin a hril tah.

THILTHAWHAI 18:10

kei i kuomah ka um annâwm, sukna ding chein tukhawmin i chungah kut thlâk naw ni hai; hi khuoa hin mi tamtak ka nei sih a,” a ta.

THILTHAWHAI 22:14

Chun, ama chun, ‘Ei thlatuhai Pathienin a ditzâwng hre ding le, Mi feltak chu hmua, a ṭawngbau khawm hre dingin a ruot ta che.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:25

Unauhai, hi thurûk hi in hriet naw ka nuom nghâl si nawh a, chuong naw chun intivar in tih; Jentail famkimna a hung tlung hma chun Israel mi ṭhenkhat chungah ngawngna a hung tlung hri phawt a nih, ti hi.

2 THESSALONIKA 2:13

Unau, Lalpa idittakhai, Thla- rau isukthiengnaa le thutak ring leia sandama um dingin a tîra inthawka Pathienin a thlang cheu leiin, in chungthua hin Pathien kuomah lâwmthu hril rawp ding hrim kan nih.

HEBRAIHAI 13:20

Chun, berâm Vêngtu ropuitak, ei Lalpa Isu chu, chatuona thu- thlungna thisen zâra mithi laia inthawka ṭhuoi suok nâwktu inrem- na Pathien khan,

1 PETER 2:10

Inhma khan mi hrim in ni nawh a, tuhin chu Pathien mi in ni tah a; inhma khan zângaina in hmu nawh a, tuhin chu zângaina in hmu tah a.

1 PETER 2:25

Berâm inhmang anga in in- hmang kha, tu ruok hin chu in thlarau vêngtu le, Hotu kuoma chun in kîr nâwk ta hi.

1 PETER 5:4

Chun, Berâm Vêngtu Laltak chu a hung inlang pha, ropuina lallu- khum chuoi thei naw chu hmûng in tih.

THUPUONGSUO 3:20

Ngai ta, kawtkhâr bula ngîrin ka nawk hi; tûkhawmin ka rawl hrea kawt a hawng chun a kuomah lût ka ta, a kuomah zânbu fâng ka ta, ama khawmin ka kuomah fa bawk a tih.