JOHAN 1:17 - Pathien Lekhabu Inthieng (BSI)

¹⁷ Dân chu Mosie hmanga pêk a na, lunginsietna le thutak chu Isu Krista leiin a hung um.

JOHAN 1:17 Iomraidhean Croise

INṬANNA 22:18

i thlahaia chun khawvêla chi tin la thawveng an tih’ a tih,” tiin.

INṬANNA 3:15

nang le nuhmei hi indotir ka ti cheu a, i thlahai le a thlahai khawm lân dotir bawk ka tih; ama chun i lu la sukthitling a ta, nangin a kekhawng la sukthitling i tih,” a ta.

INPÂKNA HLABU 85:10

Ngilneina le thutak ân tuok a, Felna le remna an infâwp a.

INPÂKNA HLABU 98:3

Israel sûnghai chunga a ngilnei- zie le, a ringumzie chu a hriet zing a, Kâwlkawdawnga mi po po khawmin ei Pathien sandamna chu an hmu tah.

MIKA 7:20

Tienlaia kan puhai kuoma ṭawng i lo inkhâm tah, Jakob kuoma thutak le Abraham kuoma lungin- sietna sukpuitling i tih.

JOHAN 1:14

Chun, Thu chu tisain a hung inchang a, eini lai a hung um tah a, (Pa nau khât nei ropui angin a ropuizie ei hmuh), lunginsietna le thutakin a sip.

JOHAN 14:6

Isûn a kuomah, “Kei hi lampui le thutak le hringna ka nih; keimaa fe naw chu tukhawm Pa kuom an tlung ngai nawh.

JOHAN 18:37

Chun, Pilatin a kuomah, “Chu lal i ni am a nih?” a ta. Isûn, “Lal ka nizie i hril zing chu. Thutak inhriettir hi ka pieng san le khawvêla ka hung san a nih. Tukhawm thutaka mi taphawt chun ka thu an pawm hlak,” a ta.

JOHAN 5:45

Keiin Pa kuoma ka hêk cheu ring naw ro, nangni hêktu cheu chu pakhat a um, in iring Mosie hi.

JOHAN 7:19

Mosiein Dân chu a pêk naw cheu am a nih? Nisienlakhawm, nangni lai tukhawmin Dân chu in hraw si nawh. Nangnîn iengdinga mi sukhlum in tum am?” a ta.

JOHAN 8:32

chun, thutak hrieng in ta, thutak chun suok ni bân a ti cheu,” a ta.

JOHAN 9:29

Pathienin Mosie a biek ti kan hriet, hi mipa hrep hi khâwlaia inthawka hung suok am a na, kan hriet hrep nawh,” an ta.

THILTHAWHAI 28:23

Chun, ni an tiem a, chu ni chun a tlung inah mi tamtak a kuomah an hung a, zîngkâra inthawkin zântieng chenin an kuomah chu thu chu a hrilfie a, Pathien ram thu ân hriettir a, Mosie Dân Lekhabu thu le Zâwlneihai Lekhabu thuin Isu tieng anni a thlêm a thlêm a.

THILTHAWHAI 7:38

Ama chu thlalêra pungkhâwm- hai laia Sinai tlânga betu vântirko kuoma le ei thlatuhai kuoma um kha a nih; ama chu a mi pêk sâwng dinga thu hringhai latu kha a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:14

Suolnain in chungah thu a nei ta naw ding a ni sih a, Dân rorêla um in ni nawh a, lunginsietna rorêla um in ni lem sih a.

2 KORINTH 1:20

Pathien thutiem chu iengzât khawm ni sien la, amaa chun, “A nih,” ti chu a um sih a. Chuongchun, ama lei khawmin, “Amen,” ti chu a um a nih, keinihai leia Pathien ropuina dingin.

GALATI 3:17

Chun, hienghin ka ti a nih: Thuthlung Pathienin a lo sukdet ta chu, Dân kum za li sâwmthum hnunga hung um ta khan thutiem chu iengkhawm loa siemin a sukbo nawh a.

DÂN PAHNINA 33:4

Mosie chun dân a mi pêk a; Jakob mipuihai ta dingin ro hluo ding,

DÂN PAHNINA 4:44

Hi hi Mosien Israel thlahai dân a pêk chu a nih;

DÂN PAHNINA 5:1

Chun, Mosien Israelhai po po chu a ko khâwm a, an kuomah, “Aw Israel mihai, in inchûka in pawm dinga dânhai, thuruothai, in na hrieta vawisûna ka hril hi lo ngai ro.

HEBRAIHAI 9:22

Chun, Dân chun chu iengkim deuthaw hi thisena sukthiengin a um hlak a, thisen insuo naw chun ngai- damna hrim a um nawh.