JOHAN 1:14 - Pathien Lekhabu Inthieng (BSI)

¹⁴ Chun, Thu chu tisain a hung inchang a, eini lai a hung um tah a, (Pa nau khât nei ropui angin a ropuizie ei hmuh), lunginsietna le thutakin a sip.

JOHAN 1:14 Iomraidhean Croise

INPÂKNA HLABU 2:7

Thuruot chu ka hril ding a nih: LALPA chun ka kuomah, “Nang chu ka naupa i nih; Vawisûn hin ka nei che a nih.

INPÂKNA HLABU 45:2

Mihriem nauhai nêk hin i hmêl a ṭha lem a, Lunginsietna hi i hmûra chun buok a nih; Chuleiin, Pathienin kumkhuoa dingin mal a sâwm che a nih.

INPÂKNA HLABU 85:9

A sandamna chu ama ṭituhai hnaia chun a um ngei ngei hlak a nih; Ei rama hin ropuina a um theina dingin.

ISAI 40:5

chun, LALPA ropuina chu suk- lang nîng a ta, mi po poin chu chu hmu seng an tih; LALPA bau chun a hril ta sih a,” a ta.

ISAI 53:2

A hmaa chun thil ṭo innotak angin ama chu ân dâwn suok sih a, hnuoi ṭâwla zung angin a hung kak suok bawk a nih; pienken ṭhatna le hmêl mawina hrim hrim a nei nawh a, ama ei hmuin ama ei ditna dingin mawina hrim hrim a nei nawh.

ISAI 7:14

Chuleiin, LALPA ngei chun inchikna pêng a ti cheu a, ngai ta u, nunghâk inthieng pakhat inrai a ta, naupasal nei a ta, a hmingah Im- manuel sak a tih.

EZEKIEL 37:27

Ka biekbûk khawm chu anni lai chun um a ta, an Pathien nîng ka ta, anni chu ka mihai nîng an tih.

MATTHAI 1:16

Jakobin Josef Mari pasal chu a thlah a; chu Maria chun Isu Krista an ti hi a hung insieng tah a.

LUKA 2:11

Vawisûn hin in ta dingin David khuoah Sandamtu a pieng tah, Lal Krista chu.

LUKA 2:7

Chun, a nau lutîrah naupasal a nei a; puonin a tuom a, khuolbûkah an inleng ve naw leiin ran bu pêkna thlêngah ân zâltir a.

LUKA 9:32

Peter le a ruolhai ruok chu an inlusuh a; chun, an har phingleh a ropuizie le a kâwla mi pahni ngîr chu an hmu tah a.

JOHAN 1:1

A tîrin thu a um, Thu chu Pathien kuomah a um, Thu chu Pathien a nih.

JOHAN 11:40

Isûn a kuomah, “I ring chun Pathien ropuizie hmûng i tih, ka ti naw che am a nih?” a ta.

JOHAN 14:6

Isûn a kuomah, “Kei hi lampui le thutak le hringna ka nih; keimaa fe naw chu tukhawm Pa kuom an tlung ngai nawh.

JOHAN 14:9

Isûn a kuomah, “Philip, hi chen rau hi in kuomah ka um a, chuong khawm chun in mi la hriet naw ta rawp maw? Tûkhawm a mi hmu chu Pa hmu a nih. ‘Pa chu mîn hmutir rawh,’ ieng ti tia ti am i na?

JOHAN 17:22

Chun, nangin ropuina i mi pêk kha keiin an kuomah ka pêk tah; anni chu pumkhat an nina dingin, eini pumkhat ei ni ang bawk hin;

JOHAN 17:24

Pa, nangin kei i mi pêkhai hi ka umnaah ka kuoma um dingin ka dit; nangin i mi pêk ka ropuina kha an hmuna dingin; leihnuoi insieng hma khawmin nangin i mi hmangai ta sih a.

JOHAN 18:37

Chun, Pilatin a kuomah, “Chu lal i ni am a nih?” a ta. Isûn, “Lal ka nizie i hril zing chu. Thutak inhriettir hi ka pieng san le khawvêla ka hung san a nih. Tukhawm thutaka mi taphawt chun ka thu an pawm hlak,” a ta.

JOHAN 2:11

Isûn hi a thilmak thaw phutna hi Galili ram Kana khuoa chun a thaw a nih, a ropuizie ân langtir a; chun, a inchûktirhai chun ama chu an ring tah a.

JOHAN 3:16

Pathienin khawvêl a hmangai bêk bêk a, chuongchun, a Naupa khât nei sun chu a pêk a, ama chu tûkhawm a ring taphawt chu an bohmang nawh a, chatuona hringna an nei lemna dingin.

JOHAN 3:18

“Tûkhawm ama ring chu inthiemloin um naw ni hai, tukhawm a ring naw chu tuta inthawkin in- thiemloin an um nghâl a nih, Pathien Naupa khât nei hming an ring naw leiin.

JOHAN 6:51

Kei hi vâna inthawka bei hring hung ṭum chu ka nih, tûkhawmin hi bei hi a fâk chun chatuonin hring zing a tih, anih, khawvêl hringna dinga ka ipêk ding bei chu, ka taksa hi a nih,” a ta.

JOHAN 8:32

chun, thutak hrieng in ta, thutak chun suok ni bân a ti cheu,” a ta.

THILTHAWHAI 13:33

khânga Pathienin Isu a keitho khan, eini an nauhai lei hin chuong chu a hlen a nih, Inpâkna Hla pa- hninaah, ‘Ka naupa i nih ie, vawisûn hin ka nei che a nih,’ ti ziek ang bawk khan.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:3

Tisa leiin Dân chu a hrât nawh a, a thaw thei ruol naw chu Pathienin ama Naupa ngei tisa suol ang putin suol thawina dinga hung tirin, tisaa suolna um chu thiemnaw ân changtir tah a nih,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:5

thlatu bulhai chu an ta a ni bawk a, tisa tieng thuah Krista chu anni laia inthawka hung suok a ni sih a; ama chu thil tinrêng chunga um a na, chatuona inpâk tlâk Pathien a nih. Amen.

1 KORINTH 15:47

Mihriem hmasatak chu hnuoia mi pila siem a nih; mihriem pahnina chu vâna mi a nih.

2 KORINTH 12:9

Chun, ama chun ka kuomah, “Ka lunginsietna i ta dingin a hun deh, ka thilthawtheina hi hrâtnawnaah i sawnnaw sukfamkima a um,” a ti tah a. Chuongchun, Krista thilthawthei- na chu ka chunga a um theina dingin, lâwmtakin ka hrâtnawnahai hi suong lem tâng ka tih.

GALATI 4:4

Nisienlakhawm, a hunbi a hung kim khan, Pathienin a Naupa, nuh- mei inei, Dân hnuoia hung piengin, a tir suok tah a,

EPHESI 3:8

Kei mi inthieng po po laia chîntak nêka chîn lem kuoma hin chu lunginsietna chu pêk a nih: Krista hausakzie suisuok ruollohai chan- chin chu Jentailhai kuoma hril ding le,

KOLOSSA 1:19

Pa lungni zâwngtak chu hi hi a ni sih a: Pathien famkimna tinrêng chu amaa a um zing le,

KOLOSSA 2:3

amaa chun varna le hrietna ro po po thupin a um sih a.

KOLOSSA 2:9

Amaa chun Pathien famkimna tinrêng chu taksa neiin a um zing sih a.

1 TIMOTHE 3:16

Chun, Pathien ngaisakna thu- rûk chu sêl ruol loin a ropui a nih: “Ama, tisaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”

HEBRAIHAI 1:3

Ama chu a Pathien ropuina var le, a tak angpui ngei leh, ama thil- thawtheina thuah iengkim tungding- tu niin, suolhai a sukthieng hnungin chung tienga Ropuitak changtienga khin a hang ṭhung a.

HEBRAIHAI 1:5

Vântirko hai laia tu kuom am hi thu hi a hril hlak a? “Nang chu ka Naupa i nih, Vawisûn hin ka nei che a nih,” ti le, “A ta dingin Pa ning ka ta, Ama chu keia ta dingin Naupa ning a tih,” ti hi.

HEBRAIHAI 10:5

Chuongchun, khawvêla a hung lût laiin: “Inthawina le thil inhlân i dit nawh a, Ka ta dingin taksa i mi buotsai pêk lem a;

HEBRAIHAI 2:11

A sukthiengtu le a isukthieng- hai chu an rêngin Mi pakhata suok an ni sih a; chuleiin, ama chun anni rawi chu “Unauhai,” ti ân zak nawh a:

HEBRAIHAI 5:5

Chuong ang bawkin Krista khawm chu Thiempu Laltaka siem dingin mâni ân sukropui nawh a, “Nang chu ka Naupa i na, Vawisûn hin ka nei che a nih,” tia hriltu khan a sukropui ta lem a nih;

1 JOHAN 4:14

Chun, Pain Naupa chu khawvêl sandamtua um dingin a hungtir ti ei hmu tah a, ei inhriettir a nih.

1 JOHAN 4:9

Hitaka hin Pathien hmangaina ei chungah a hung inlang tah, ama leia ei hring theina dinga Pathienin a Naupa nei sun khawvêla a hung tira hin.

2 JOHAN 1:7

Hlêmtu tamtak — Isu Krista chu tisain a hung ti ṭan nawtuhai kha — khawvêla hin an hung suok ta sih a. Chuong ang mi chu an nih, hlêmtu le Krista kaltu chu.

THUPUONGSUO 19:13

Puon thisen kai a sil a, a hminga chun, “Pathien Thu,” an ta.

THUPUONGSUO 21:3

Chun, lalṭhungphaa inthawkin rawl inring tak ka hriet a, “Ngai ta, Pathien bâwkte chu mihriem lai a hung um tah, Ama chu an kuomah um a ta, Anni chu a mihai nîng an ta, Pathien ngei chu an kuomah um a ta, An Pathien ni bawk a tih;