13 In kâwite kei dawk unla, bu sîk a hun ta sih a: hung unla, hung sirsâwr ro; grêp sâwrna khur chu a sip a, bêlhai chu a sip liem a; an suolna a nasa sih a.
Chuongchun, bu sîktupain bu a lâk a, a vuihai chu kuta a ât bawng ang el hi nîng a tih; anih, Rephaim ruoma mihaiin buvui hmu ṭhel an rût ang el hi nîng a tih.
Keima chauin grêp sâwrna khurah ka sirsâwr a; mi tin laia mi pakhat khawm ka kuomah an um nawh a, anih, anni chu ka lungin- senin ka sir a, ka lunginsenin ka chîl a; chuongchun, an hringna thisen chu ka silfênahai hin thein a um a, ka puon po po hi ka sukpawrche tah a.
Sipaihai LALPA Israel Pathien chun hieng hin a ti sih a: “Babulon naunu chu hrizâwl bu chîl mêkna lai ang chu a nih; nakie sâwt nawtêah, ama ta dingin bu chil hun la hung tlung a tih,” tiin.
Keimaa ka mi hrâthai po po chu LALPA chun iengkhawm loah a siem a, Ka tlangvâlhai sukse dingin ka chungah pungkhâwmhai a ko a; Juda nau nunghâk inthieng chu LALPA chun uoin sâwrnaa angin a chîl a.
Chun, ka hang en a, sûm vâr tak ka hmuh a. Sûm chunga chun mihriem naupa ang tak hi, rângka- chak lallukhum khuma, kâwite ngei- tak chawia ṭhung ka hmu bawk a.
Chun, a baua inthawkin kâwl- hnâm ngeitak a suok a, chu chu hnam tin a sâtna ding a nih; chun, thîr hmawlin an ro rêl a ta; Pathien Iengkimthawthei lunginsen nasatna grêp sâwrna khura chun sir sâwr a tih.