JOEL 2:9 - Pathien Lekhabu Inthieng (BSI)

⁹ Khawpui chunga chun an in- châwm a; kul chungah an tlân a; in sûngahai chun an hang lâwn a; inru angin tukverahai an lût a.

JOEL 2:9 Iomraidhean Croise

FESUOKNA 10:14

Khâuhai chu Aigupta ram po po chunga chun an hung a, Aigupta ram sûng po poa chun an um khup el tah a; a râpthlâk bêk a, anni hma hin anni ang hrim hin khau an la um ngai nawh a, anni hnunga khawm um ngai ta bawk nawng an tih.

FESUOKNA 10:6

I inhai le i siehlaw po po inhai le Aigupta mi po po inhai chu sip vawng an ta, i pahai le i thlatuhai khawmin, hi hnuoi chunga an uma inthawk vawisûn ni chen hin chuong ang chu la hmu ngai naw bawk an tih,’ a tih,” a tih a. Chun ân her a, Pharao kuoma inthawk chun a fe suok tah a.

JEREMIA 9:21

Thina chu ei tukverhaia chun a hung a, ei in ropuiahai chun a hung lût sih a; kawtthlêra inthawka tlang- vâlhai le, puotienga inthawka nau- panghai chu sâtthla dingin.

JOEL 2:8

An inhneng bawk nawh a, mâni lampui sengah an feh a, hriemhreihai an nêrthleng a, an fe pêt nawh.

JOHAN 10:1

“Titakzetin, titakzetin ka hril cheu hi, tûkhawm berâm huona kawtkhâra lût loa, a dang tienga lâwn lût chu ama chu iengkhat inruhmang le suomhmang a nih.