JOEL 2:16 - Pathien Lekhabu Inthieng (BSI)

¹⁶ mipui inkhâwm unla, in- khâwmpuihai chu sukthieng unla, tarsiehai, naupanghai, nenê ne laihai kei khâwm unla, moneitu chu a pin- dana inthawkin hung suok sienla, mo khawm a pindan sûngrila inthawk chun hung suok raw se.

JOEL 2:16 Iomraidhean Croise

2 CHANCHIN SUINA 20:13

Chuongchun, Juda mihai po po chu LALPA hmaa chun an nauhai leh an nuhmeihai le an nautêhai rawi le chun an ngîr a.

2 CHANCHIN SUINA 29:5

an kuomah a hril a, “Mi lo ngai ta u, nangni Levi mihai; tuhin nangni le nangni insukthieng unla, in thlatu- hai Pathien LALPA in chu sukthieng unla, hmun inthienga inthawka tirdakumna chu la suok ro.

2 CHANCHIN SUINA 30:17

Mipui inkhâwmna laia chun mâni insukthieng lo mi tamtak chu an um sih a; chuleiin, Levi mihai chun, LALPA kuoma anni chu in- hlânthieng dingin ân thieng nawhai taphawt fekân ruoiṭhena ding an thatpêk a.

2 CHANCHIN SUINA 30:19

hmun inthieng inthien dân anga, thieng lo khawm ni sienla, Pathien, a thlatuhai Pathien LALPA chu zawng dinga a lungril a lo innghat ta phawt chu,” tiin.

2 CHANCHIN SUINA 35:6

Chun, fekân ruoiṭhena ding chu that unla, nangni le nangni chu in- hlân thieng ro; Mosie hmanga LALPA thu ang tak kha thaw dingin in unauhai ta ding khawm chun buotsai bawk unla,” a ta.

JOB LEKHABU (THE BOOK OF JOB) 1:5

Chun, an ruoiṭhena nihai vêl chu a kim pha chun Job chun ân chah a, anni chu a hlânthieng hlak a; zîngkâr inhmatakin a tho a, an rênga anni nizât hming kimin pumrawhmang thilinhlânhai ân hlân a: Job chun, “Ka naupasalhai hin thil lo suksuol- in, an lungrilhaiah Pathien hrilsie hlau rawi an tih,” a ti sih a. Chuong ang chun Job chun a thaw rawp hlak a.

INPÂKNA HLABU 19:5

Chu nisa chu moneitu ding a pindana inthawka suok ang a nih, Mi hrâttak angin a tlânna lampuia tlân ding chu a hlim hlak.

FESUOKNA 19:10

LALPA chun Mosie kuomah, “Mipui kuoma chun fe la, vawisûn le zîngah sukthieng rawh, an silfênhai chu sâwp hai sienla;

FESUOKNA 19:15

Chun, mipui kuoma chun, “Ni thum nia chun inzosa hieuin um unla, nuhmei khawm pâwl dêr naw ro,” a tih a.

FESUOKNA 19:22

Chun, thiempuhai LALPA hnaia hunghai khawm chu insukthieng raw hai se; chuong naw chun an chungah LALPA lungninaw rawi a tih,” a tih a.

JOEL 1:14

Bu nghei hun inser thieng unla, inkhâwmpui ursûn siem unla, LAL- PA in Pathien ina chun tarsiehai le hi rama chênghai po po chu ṭhuoi khâwm unla, LALPA chu ko ro.

MATTHAI 21:16

a kuomah, Hienghai thu hril hi i hriet am?” an ta. Chun, Isûn an kuomah, “Hre e: ‘Nautêhai le nene ne laihai baua suok chun, Inpâkna i sukṭhafamkim tah,’ ti hi in tiem ngai naw am a nih?” a ta.

MATTHAI 9:15

Isûn an kuomah, “Mo ṭhuoi- tuhai kuoma a pasal ding chu a um sûng phawt chun mo ṭhuoituhaiin an sûn thei am a nih? Nisienlakhawm, a pasal ding chu an kuoma inthawka ṭhuoi hmang nihai la tlung a ta, chu pha ruok chun la nghei an tih.

1 KORINTH 7:5

Ṭawngṭai dinga in inpêk theina ding le in inpâwl nâwk theina dingin sâwt nawtê kâr dinga rem in ti ve ve chau naw chun atu tu khawm insukdâwng naw ro, chuong naw chun, in insûm zo naw leiin Setanin thlêm a ti cheu.

JOSUA 7:13

Tho la, mipuihai hi hlânthieng phawt el rawh; chun, an kuomah, ‘Zînga dingin inhlânthieng ro khai, LALPA Israelhai Pathien chun, “Aw Israelhai, nangni lai hin thil pumpêk a um a nih, nangni laia thil pumpêk hi in lâk hmang hmakhat chun in hmêlmahai hi hne thei naw ti niu,” a ti a nih.

JOSUA 8:35

Mosie thupêk ang po po chu Israel pungkhâwm po pohai le nu- hmeihai le naupang chite tehai le anni laia hnam dang chêng vehai hrieta chun Josua chun tiem ṭhel hrim hrim a nei nawh.

1 SAMUEL 16:5

Ama chun, “Thu ṭhaa hung nih e, LALPA kuoma inthâwi dinga hung ka nih; insukthieng unla, inthâwinaah hung ve ro,” a ta. Chun, Jesai le a naupasalhai chu a sukthieng a, inthâwinaa chun a ko ve a.