JOEL 2:11 - Pathien Lekhabu Inthieng (BSI)

¹¹ LALPA chun a sipai ruolhai hmaa chun râwl ân suoh a, a rie- bûkhai chu a ropui hle sih a; a thu muolsuotu chu a hrât hle sih a. LALPA ni chu a ropuiin a râpthlâk êm êm sih a; tuin am tuor thei a ta?

JOEL 2:11 Iomraidhean Croise

INPÂKNA HLABU 18:14

Chun, a thalhai chu a kâp suok a, anni chu a sukdar a, Anih, kâwlhai ân leptir zawt zawt zing a, a sukbuoi tâwl tah a.

INPÂKNA HLABU 46:6

Hnam tin an inri hum hum a, ramhai chu ân hnîng a, Ama chun a râwl ân suoh a, leihnuoi hi ân tui zo tah a.

INPÂKNA HLABU 68:18

Nang chu chungtieng i hang feh a, i manhai chu salah i ṭhuoi a, Mihriemhai lai chun thilpêkhai i dawng a, Anih, helhmanghai lai khawm, LALPA Pathien chu an kuoma a um theina dingin.

ISAI 13:4

Chu! tlânga mipui ri, mipui nasatak ri ang el chu! Chu! hnam tin rama mi um khâwmhai sa mur mur ri chu! Sipaihai LALPA chun râl thaw dingin sipaihai ân pun tâwl a ni chu.

ISAI 42:13

LALPA chu mi hrâttak angin suok a ta, indo mi angin lunginsenna chawktho a tih, khêk a ta, anih, inringtakin khêk a tih; ama dotuhai chunga chun hrâttakin châng a tih.

ISAI 7:18

Chu nia chun LALPA chu Aigupta vadung tâwp rêta tho um le, Assuria rama khuoi um chu ko dingin faifûk a tih.

JEREMIA 25:30

Chuleiin, hieng thuhai po po hi anni kalin hril la, an kuoma chun, “LALPA chu chungtienga inthawkin hung inrûm a ta, a chêngna inthienga inthawk chun a râwl chu hung in- suong a tih; a hlo petna hmuna chun thilthawtheitakin inrûm a ta; grêp sir sâwrtuhai ang chun ama chu hnuoi chung hluotuhai po po chunga chun khêk a tih.

JEREMIA 30:7

Ahei, chu ni chu a ropui sih a, chu ang hrim chu a um nawh a, Jakob buoina hun ngei chu a ni el a nih; nisienlakhawm, chutaka inthawk chun sansuokin um a tih.

JEREMIA 50:34

Anni sanhimtu chu a hrât a, a hming khawm, sipaihai LALPA a nih, ama chun an chungthu chu ṭan tlat a ta; hnuoi chunga chun châwlna a pêk thei a, Babulon hluotuhai ruok chu a sukto ṭawkṭawk nawna dingin.

EZEKIEL 22:14

Nangma chu ka sawisak nihaia che chun i kuthai chu a hrât tâwkin, i lungril chun a tuor zo ding am a nih? Kei LALPA hin ka hril tah a, thaw ngei bawk ka tih.

JOEL 1:15

Chu ni chu a chung a rik de! LALPA ni chu a hnai ta sih a, Iengkim- thawtheia inthawka bohmangna ang hung tlung a tih.

JOEL 1:6

Hnam hrâttak, tiem sênglo ka rama inthawkin a hung suok ta sih a, a ha chu sakeibaknei ha ang a na, sakeibaknei lientak hapui ang a nei bawk a.

JOEL 2:1

Ziona chun tawtawrâwt mût unla, ka tlâng inthienga chun inrâl- ringna sukri ro, hi ram sûnga mi po pohai chu inthin raw se; LALPA ni chu a hung tlung mêk a, a hnai ta sih a;

JOEL 2:2

inthimna le vâninnîmna ni, sûm zîng ni le inthim sâ ni, tlâng chunga vârtle var rên ruon ang; mipui nasa- tak le hrâttak, chuong ang la um ngai lo, chuong hnunga suon tamtak chen khawma um nâwk ta ngailo ding chu.

JOEL 2:25

Nangni laia ka sipai ruol tamtak ka itir, tawktawngang dâm, khâuṭhikṭhi dâm, thingnge dâm, tuktulung dâmin an fâk zo kumhai kha thung nâwk ka ti cheu.

JOEL 2:31

Nisa inthimin inchang a ta, thla chu thisenah inchang a ta, LALPA ni ropuitak le râpthlâktak chu a hung tlung hma chun.

JOEL 3:14

Mipuihai, thusukthlûkna kâwna mipui um mur murhai! LALPA ni chu thusukthlûkna kâwna chun a hnai ta sih a.

JOEL 3:16

“Chun, LALPA chu Zion tlânga inthawkin inrûm dur dur a ta, Jerusalema inthawkin a râwl in- suong a ta; vân le hnuoi inhnîng an ta; nisienlakhawm, LALPA chu a mihai ta dingin inhumhimna nîng a tih, Israel thlahai ta dingin kulbîng nîng a tih.

AMOS 1:2

Chun, ama chun, “LALPA chu Zion tlânga inthawk chun inrûm hum hum a ta, Jerusalema inthawkin a râwl insuong a ta, berâm vêngtuhai ran tlatna hmunhai chu lungngai an ta, Karmel tlâng sîp chu ṭuoi a tih,” a ta.

AMOS 5:18

LALPA ni dittuhai, in chung a rik ie! Iengdinga LALPA ni chu in dit am a na? Var ni loin inthim a ni lem.

AMOS 5:20

LALPA ni chu var ni loin inthim a ni naw ding am a nih? Thim sâtak, var hrim hrim khawm nei dêr lo.

OBADIA 1:15

Hnam po po chungah LALPA ni chu a hnai sih a; i lo thaw ta ang bawkin i chungah thaw nîng a ta, i thaw dân chu i lu chung ngeiah hung lêt a tih.

NAHUM 1:6

A lungninawna hmaa chun tu am ngîr thei an ta, a lunginsenna nasa- taka chun tu am um thei an ta? A lunginsenna chu mei anga bunthlâk a na, lungpuihai chu a sukkawi vawng a nih.

MALAKI 3:2

“Nisienlakhawm, a hungna nia chun tu am um thei a ta? Ama a hung inlang pha chun tu am ngîr a ta? Ama chu fiena mei ang le, puon sâwptu sabawn ang a ni sih a;

NAMBAR 24:23

Chun, thu chu a hril nâwk a, “Pathienin hienga a thaw chun tu am hring thei a ta?

1 THESSALONIKA 4:16

Lalpa ngei chu khêkri leh, vântirko chunghnungtak râwl leh, Pathien tawtawrâwt ri leh, vâna inthawkin a hung ṭum ding a ni sih a; chun, Kristaa thi tahai chu tho hmasâng an tih.

THUPUONGSUO 18:8

Chuleiin, ni khat sûngin a hrem- na hri dâm, lungngaina dâm, ṭâm dâm chu–hung tlung vawng a tih; meia rawhmangin um bawk a tih; a rorêltu, Lalpa Pathien chu a hrât sih a.

THUPUONGSUO 6:17

an lunginsenna ni ropuitak chu a hung tlung ta hi; chuongchun, tu am ngîr thei an ta?” an tih a.