JOEL 2:1 - Pathien Lekhabu Inthieng (BSI)

¹ Ziona chun tawtawrâwt mût unla, ka tlâng inthienga chun inrâl- ringna sukri ro, hi ram sûnga mi po pohai chu inthin raw se; LALPA ni chu a hung tlung mêk a, a hnai ta sih a;

JOEL 2:1 Iomraidhean Croise

1 CHANCHIN SUINA 15:28

Chuongchun, Israelhai po po chun ri nasatak leh, saki mût rîk leh, tawtawrâwt ri leh, dârbenthek ri leh, ṭingṭang le perkhuonghaia inring- taka sakin LALPA thuthlungna bâwm chu an hung lâk tah a.

INPÂKNA HLABU 119:120

Ka tisa hi nangma ṭîin ân thin a, I rorêlnahai chu ka ṭî bawk a.

INPÂKNA HLABU 87:1

A lungphûm chu tlâng inthiengahai chun a um a.

FESUOKNA 10:14

Khâuhai chu Aigupta ram po po chunga chun an hung a, Aigupta ram sûng po poa chun an um khup el tah a; a râpthlâk bêk a, anni hma hin anni ang hrim hin khau an la um ngai nawh a, anni hnunga khawm um ngai ta bawk nawng an tih.

ISAI 13:6

Inrûm rak rak ro, LALPA ni chu a hnai ta sih a, Iengkimthawtheia in- thawka suksietna a hung tlung angin a hung tlung ding a nih.

ISAI 13:9

Ngai ta, ram sukbohmang ding le chutaka mi suolhai chu a sûnga inthawka sukbohmang dingin LALPA ni chu nasatakin lunginsenna le lung- inthakna nasatak leh a hung tlung ding a nih.

ISAI 2:12

Sipaihai LALPA ni chu inngai- sâng le, chapo po po chunga le chawisânga um po pohai chunga chun a la um ding a ni sih a; chuongchun, suktlâwmin um a tih;

ISAI 66:2

Hieng thil iengkim hi ka kutin ka siem a ni sih a, chuongchun, hieng thil iengkim hi a hung um tah a nih, LALPAIN a tih; amiruokchu, hi mi rimsitaka um, lungrila insîr ngawi ngawi, ka thua inthin hlaktu tieng hi en lem ka tih.

ISAI 66:5

A thua inthin hlakhai, LALPA thu hi hre ro, “In unau, nangni thei- datu le ka hming leia nangni hnawt suoktuhai cheu chun, ‘In lâwmna kan hmu theina dingin LALPA chu sukro- puiin um raw se,’ an tih a, nisienla- khawm, inzak lem tâng an tih.

JEREMIA 16:10

“Chun, hieng thuhai po po hi hieng mihai kuoma hin în entir pha chun i kuoma chun ‘Iengleiin am hieng thil ṭha naw nasatakhai hi kan chungah LALPA chun a hung sâk- suok am a na? Annawleh, ieng am a na kan khawhlona chu? LALPA kan Pathien chunga kan lo thaw tah, kan suolna chu ieng am a na?’ tîng an ta;

JEREMIA 16:7

mithihai leia anni thlamuon dingin, mihai chun sûnna dingin bei khawi naw ni hai a; an nuhai amanih, an pahai amanih dâwn dingin sûn- puina nohai chu pe bawk naw ni hai.

JEREMIA 4:5

Juda rama chun hrilfie unla, Jerusalema chun phuong ro, “Rama chun tawtawrâwt chu mût unla, khêk inring unla, hieng hin ti ro: Hung inkhâwm tâwl unla, khawpui kul- neiahai chun fêng ei tiu,” tiin.

JEREMIA 5:22

Kei chu in mi ṭi naw maw? LALPA chun a tih; Keia hmaihmaa, kumkhaw thupêk anga a liem thei nawna dinga tuisuoriet khuopnaa phaiphin sietu hmaah in inthin naw ding maw? chutaka tuifâwnhai chu an hang innawk hlaka chu, a liem thei si nawh a; an inrûm hlaka chu an fe khêl thei bawk si nawh.

EZEKIEL 12:23

Chuleiin, an kuoma chun hril la, Lalpa PATHIEN chun hieng hin a tih, ‘Hi thuvar hi suktâwp ka ta, Israel rama chun thuvarah hmang ta naw ni hai; amiruokchu, an kuoma chun hril la; thilhmulâwk thu tin tlungna chu a hnai tah,’ tiin.

EZEKIEL 21:12

Mihriem naupa, khêk la, inrûm rawh; ka mihai chunga tlung a na, Israel lalhai po po chungah a tlung sih a; anni chu ka mihai leh kâwlhnâm kuoma chun pêkin an um a; Chuleiin, i êlpui chu ben rawh.

EZEKIEL 30:3

Ni chu a hnai a, LALPA ni chu a hnai ta si a; Sûm zingna ni, Hnamhai sietna ni chu nîng a tih.

EZEKIEL 33:3

ram chunga chun kâwlhnâm chu a hung tlung phaa a lo hmu chun tawtawrâwt mût sienla, mipuihai chu vaulâwk raw se;

EZEKIEL 33:6

Nisienlakhawm, vêngtu chun kâwlhnâm hung tlung chu a hmuh a, tawtawrâwt a mût nawh a, mipuihai chu vaulâwk an ni nawh a, kâwlhnâm chu a hung tlung a, anni laia mi tukhawm chu a lâk hmang chun; a suolnaa chu lâk hmang a na; amiruokchu, a thisen maw chu vêngtu kuta chun phût ka tih,’ tiin.

EZEKIEL 7:10

Ngai ta, ni chu, ngai ta, a hung tlung; i chungrikna chu a fe suok tah a, hmawl chu ân dâwn a, chapona chu a kumûm tah.

EZEKIEL 7:12

A hun chu a hung tlung a, a ni chu a hung hnai tah; inchawtu chu hlim naw sienla, a zawrtu khawma pawiti bawk naw raw se; mi po po chungah lunginsenna chu a um si a.

DANIEL 6:26

Thupêk chu ka siem a; ka ram leilunga mi po pohai chun Daniel Pathien chu ṭiin a hmaa chun inthin raw hai se. Ama chu Pathien hring, chatuona pângngai zing a ni sih a, A ram khawm chu suksiet ni ngai naw nih a, A rorêlna chu chatuonin um zing lem a tih.

DANIEL 9:16

Aw LALPA, i felna ang peiin i lunginsenna le i ṭiumna chu i tlâng inthieng, Jerusalem i khuoa inthawk chun, ka hni che hi, herhmang ni raw se. Kan suolnahai lei le, kan thla- tuhai khawhlonahai lei chun Jerusa- lem le i mihai chu kan vêla mi po pohai hrilinsîm kan lo ni ta hi.

DANIEL 9:20

Chun, ṭawngṭaia, ka suolna le ka mi Israelhai suolna chu thupha- chawia, ka Pathien tlâng inthieng ta dinga ka Pathien LALPA hmaa ka hninahai kân tluna, ka ṭawng lai zing chun,

HOSEA 5:8

Gibea khuoa chun tawtawrâwt mût unla, Rama khuoa chun tawtawrâwt mût ro; Beth-avena chun khêk rak rak unla, Aw Benjamin, i hnung tieng kha!

HOSEA 8:1

Tawtawrâwt chu i hmûrah inbûk rawh; LALPA sûnghai chungah mupui angin a hung ie; Ka thuthlung an bawsiet a, Ka dân an helsan leiin.

JOEL 1:15

Chu ni chu a chung a rik de! LALPA ni chu a hnai ta sih a, Iengkim- thawtheia inthawka bohmangna ang hung tlung a tih.

JOEL 2:11

LALPA chun a sipai ruolhai hmaa chun râwl ân suoh a, a rie- bûkhai chu a ropui hle sih a; a thu muolsuotu chu a hrât hle sih a. LALPA ni chu a ropuiin a râpthlâk êm êm sih a; tuin am tuor thei a ta?

JOEL 2:15

Ziona chun tawtawrâwt mût unla, bu nghei hun inserthieng ro; inkhâwmpui ursûntak chu siem ro,

JOEL 2:31

Nisa inthimin inchang a ta, thla chu thisenah inchang a ta, LALPA ni ropuitak le râpthlâktak chu a hung tlung hma chun.

JOEL 3:14

Mipuihai, thusukthlûkna kâwna mipui um mur murhai! LALPA ni chu thusukthlûkna kâwna chun a hnai ta sih a.

JOEL 3:17

Chuongchun, LALPA in Pathien ka tlâng inthieng Ziona chêng ka nih ti hrieng in tih; chuongchun, Jerusa- lem khuo chu inthieng a ta, mikhuol tukhawm fethleng nâwk ta dêr naw ni hai.

AMOS 3:6

Khawpuiah mi ṭi lo dingin taw- tawrâwt an mût thei am a nih? LALPA thaw lo chun khawpuia chun sietna a tlung thei ding am a nih?

AMOS 5:18

LALPA ni dittuhai, in chung a rik ie! Iengdinga LALPA ni chu in dit am a na? Var ni loin inthim a ni lem.

AMOS 8:2

Chun, ama chun, “Amos, ieng am i hmuh a?” a ta. Keiin, “Nisapuithei bâwm,” ka tih a. Chun, LALPA chun ka kuomah, “Ka mi Israelhai chungah tâwpna a hung tlung tah; anni chu khêl nâwk ta naw ning,” a ta.

OBADIA 1:15

Hnam po po chungah LALPA ni chu a hnai sih a; i lo thaw ta ang bawkin i chungah thaw nîng a ta, i thaw dân chu i lu chung ngeiah hung lêt a tih.

ZEPHANIA 1:14

LALPA ni ropuitak chu a hnai tah a, LALPA ni râwlri ngei chu a hnai tah a, a tlung ṭêp a nih; chu huna chun mi thilthawtheitak chu rinumti- takin a khêk a nih.

ZEPHANIA 1:16

in insâng kilkhâwr takhai chunga le khawpui kul neihai chunga suklâuna le tawtawrâwt mût ni chu a nih.

ZEPHANIA 1:7

Lalpa PATHIEN hmaihmaa chun to ṭhiep unla, LALPA ni chu a hnai ta hle sih a: LALPA chun inthawina chu a buotsai tah a, a mikhuolhai khawm chu a hlânthieng ta sih a.

ZEPHANIA 3:11

Chu nia chun i thil thawhai po po, ka chunga i bawsietnahai lei chun inzak ta naw ti nih a; nanga sûnga inthawkin nasataka nang chapopui- tuhai che chu ka lâk suok ding a ni ta sih a; chuongchun, ka tlâng inthienga chun chapo ta ngai hrim hrim naw ti nih.

ZEKARIA 14:1

Ngai ta, LALPA ni chu a hung tlung ie, nangmaa inthawka râllâk sum i sûnga an insem ni ding chu.

ZEKARIA 8:3

LALPA chun hieng hin a tih, “Ziona chun ka hung kîr a, Jerusalem sûnga chun chêng ka tih; chun, Jerusalem chu, ‘Thudik khawpui,’ ti nîng a ta; sipaihai LALPA tlâng chu, ‘Tlâng inthieng,’ ti nîng a tih,” tiin.

MALAKI 4:1

Sipaihai LALPA chun a tih, “Ngai ta u, ni chu a hung tlung a, rawtuina thuk angin a chawk sih a; chapotaka thawtuhai po po le, khaw- hlotaka thawtuhai po po chu pâwl kûng el nîng an ta: chu ni hung tlung chun anni chu kâng hmang a tih, a zung amanih, a kau amani khawm mâksanpêk dêr loin.

NAMBAR 10:2

“Tangkaruo tawtawrâwt pa- hni siem la, a suta sutin siem rawh; mipuihai ko khâwmna ding le insuoktirna dingin i hmang ding a nih.

NAMBAR 10:3

Chu chu an mût pha chun mipui po po chu i kuomah intuokna puon in kawtkhâr bulah an hung inkhâwm vawng ding a nih.

1 KORINTH 14:8

Tawtawrâwt hi mumal nei loa ân ri chun tu am râl kâp dingin inbuotsai an ta?

PHILIPPI 2:12

Chuongchun, ka idittakhai, thu in zâwm rawp ang khan, ka um lai chau ni loin, tûta ka um naw kâr hin nasa lem hmanin, ṭi le inthin pumin in sandamna thaw suok ro,

1 THESSALONIKA 5:2

Lalpa Ni chu zâna inru angin a hung tlung ding a nih ti nangni ngeiin chiengtakin in hriet sih a.

JAKOB 5:8

Nangni khawm seltakin um ro; in lungril sukdet ro; Lalpa hungna chu a hnai ta sih a.

1 PETER 4:7

Nisienlakhawm, thil po po tâwpna chu a hnai tah a, chuleiin, in ṭawngṭai theina dingin lungril feltak putin fimkhur ro.

THUPUONGSUO 6:17

an lunginsenna ni ropuitak chu a hung tlung ta hi; chuongchun, tu am ngîr thei an ta?” an tih a.