JAKOB 5:10 - Pathien Lekhabu Inthieng (BSI)

¹⁰ Unauhai, Lalpa hminga thu hriltu le zâwlneihai chu, tuor dân le sel dân kawnga chun, enkhi dingin hmang ro.

JAKOB 5:10 Iomraidhean Croise

2 CHANCHIN SUINA 36:16

nisienlakhawm, Pathien tirko- hai chu an nuisan a, a thu chu an hmusit a, a zâwlneihai chu an nuiêu a, sukṭhat nâwk theina um ta lo hiel khawpa, mipuihai chunga LALPA lungsenna chu chawkthoa a um hiel chen chun.

ISAI 39:8

Hezekia chun Isai kuomah, “LALPA thu i hril hi a ṭha ie,” a ta. Ama ma chun, “Ka dam sûng hin remna le thutak a um ding a ni sih a,” a ta.

JEREMIA 2:30

A thlâwn elin in thlahai chu ka lo vuok tah a; ṭhat phanain an hmang si nawh; sakeibaknei hnukinrâwl ang elin nangni kâwlhnâm ngei chun in zâwlneihai a fâk zo a ni hi.

JEREMIA 23:22

Nisienlakhawm, ka rorêlnaa lo ngîr ta chu ni hai sienla, ka mihai chu ka thuhai chu inhriettir an ta, an thilthaw suolhaia inthawk le, an lampui suolhaia inthawk chun inkîr- tir tâng an tih.

JEREMIA 26:16

Chun, lalhai le mipuihai po po chun zâwlneihai le thiempuhai kuoma chun, “Hi mipa hi thi tlâk a ni naw ie; ama hi LALPA ei Pathien hmingin thu a hril a ni sih a,” an tih a.

LUKA 13:34

“Aw Jerusalem, Jerusalem! zâwlnei thattu, i kuoma an hung tirhai lunga lo dêng hlumtu; ârpuiin a têhai a thla hnuoia a awp khâwm angin, i nauhai vawi iengzât am awp khâwm ka tum kha! Nisienlakhawm, in nuom si nawh.

LUKA 6:23

Chu ni chun lâwm unla, hlimin inchâwm ro; ngai ta u, vânah in lâwmman a um râwn sih a; chuong ang bawkin an thlatuhaiin zâwlnei- hai chungah an thaw hlak kha.

THILTHAWHAI 3:21

Amiruokchu, iengkim siem ṭhat hun a tlung hmakhat chu vânin ama chu a la kawl hri ding a nih; chu siem ṭhat ding thu chu Pathienin leihnuoi insieng tira inthawk a zâwlnei inthieng umhai bauin a hril ta kha.

THILTHAWHAI 7:52

In thlatuhaiin zâwlnei lai an suknawmnat naw tu am an um a? Mi feltak hung ding thu hril lâwktuhai kha an sukhlum a; chun, Mi Takzet chu inmantirtu le thattuhai nangni tuhin in nih in sawnnaw.

HEBRAIHAI 13:7

In hotu, Pathien thu lo hriltuhai cheu chu, hre zing unla, an um dâna thil suok chu ngaituoin an ring dân inchûk ro.

JAKOB 4:11

Unauhai, inhrilse tuo naw ro. Tûkhawmin a unau a hrilsietin amanih, a unau a sawisêlin amanih, Dân a hrilsietin Dân a sawisêl a nih; nisienlakhawm, Dân i sawisêl chun Dân zâwmtu i ni nawh a, rorêltu i ni lem.

JAKOB 5:13

Nangni lai thil ṭha naw tuor an um am? Ṭawngṭai raw se. Hlim an um am? Inpâkna hla sak raw se.

JAKOB 5:7

Chuongchun, unauhai, Lalpa hung nâwk hmakhat chu seltakin lo um ro. Ngai ta u, lo neitu chun ruo tui tla hmasa le nuhnung chu a hmu hmakhat chu seltakin hnuoi ra hlutak chu a nghâk hlak.

JAKOB 5:9

Unauhai, thiemnaw changa in um nâwna dingin inchier khum naw ro; ngai ta u, rorêltu chu kawtkhâr bulah a ngîr zing a nih.