JAKOB 5:1 - Pathien Lekhabu Inthieng (BSI)

¹ Mi hausahai, ngai ta u khai! In chunga rinum hung tlung ding zing lei chun ṭap unla, khêk rak rak ro.

JAKOB 5:1 Iomraidhean Croise

INPÂKNA HLABU 17:14

Aw LALPA, i kutin mihriem- haia inthawkin, Khawvêl mihriemhaia inthawk hin sanhim la, Anni chanvo chu hi dam sûnga an nei hi a na, An phîng chu i roin i suksippêk hlak a; Nauhai lungawi tâwk zetin an nei a, An sum hmang mahla chu an nautesenhai an thisanpêk hlak.

THUVARHAI 11:28

A hausaknahai ring mi chu tlûng a ta, Mi fel ruok chu hna hring angin inno a tih.

THUVARHAI 11:4

Lungsen nia chun hausakna chu a ṭhahnem chuong nawh a, Felna ruok chun thinaa inthawkin a sansuok.

ISAI 13:6

Inrûm rak rak ro, LALPA ni chu a hnai ta sih a, Iengkimthawtheia in- thawka suksietna a hung tlung angin a hung tlung ding a nih.

ISAI 15:3

An kawtthlêrahai chun saiip puon an dierkei a, an in chungahai le an tuolzâwl lienna laiahai chun mi tin chu nasataka ṭapin an khêk rak rak a.

JEREMIA 4:8

Hi hi lei hin saiip puon dierkei unla, sûn unla, ṭap inrûm ro; LALPA lunginsenna ṭium chu einia inthawk- in a hnungkîr si nawh a.

JEREMIA 9:23

LALPA chun hieng hin a tih: mi var chun a varna suong naw raw se; mi thilthawthei khawm chun a thilthawtheina suong bawk naw raw se; mi hausa khawm chu a hausakna suong bawk naw raw se;

EZEKIEL 19:2

I nu chu ieng am a na? Sakeibakneipui a nih, A bawk a, a têhai châwmin, sakeibaknei tuoihai laia chun.

EZEKIEL 30:2

“Mihriem naupa, hril la, hieng hin hril rawh, Lalpa PATHIEN chun hieng hin a tih: Ṭapinrûm unla, chungrikna ni chu!

JOEL 1:11

Aw, nangni lo neituhai, inzak unla, nangni grêp hrui enkawltuhai, bupui le buṭei leiin khêk rak rak ro; loa bu sîk ding chu a bohmang ta sih a.

JOEL 1:13

Nangni thiempuhai, saiip puon dierkei unla, ṭap ro; nangni mâichâm rawngbâwltuhai, khêk rak rak ro; nangni ka Pathien rawngbâwltuhai, hung unla, saiip puon silin zânkhaw- vârin zâl ro: in Pathien ina inthawk chun beiphit inhlân le dâwn ding inhlân chu khap a ni sih a.

JOEL 1:5

Inruihai, har unla, ṭap ro; uoin dâwn po pohai, a uoin thlum lei chun khêk rak rak unla, in baua inthawka lâk hmang a ni ta sih a.

MIKA 6:12

Chutaka mi hausahai chu pâwngnêknain an sip sih a, chutaka chênghai chun khêl an hril a, an bau sûnga an lei chu mi hlêm hmang a nih.

ZEPHANIA 1:18

LALPA lunginsenna nia chun an tangkain amanih, an rângkachak- in amani khawm sansuok thei naw nih a; amiruokchu, ram pumpui chu a thîkna mei chun kâng hmang a tih; tâwpna chu, anih, rama chêngtuhai po po tâwpna râpthlâktak el chu ân tlungtir vak ding a ni sih a.

DÂN PAHNINA 32:15

“Nisienlakhawm, Jesurun chu a hung hausa a, a hung hel a, A hung thâu a, a hung inchawm a, a hung nâm tah a; A siemtu Pathien a nghatsan a, A sandamna Lungpui chu a ngainêp a.

JAKOB 1:11

Nisa a hung suok a, thli lumtak a hung hrângin, hlo chu a sukvuoi a; chun a pâr chu a rêm a, a um dân mawizie chu a bohmang hlak; chuong ang bawkin mi hausa chu a fenaa chun a la vuoi ding a ni sih a.

JAKOB 2:6

Nangni ruok chun pasie chu in sukmuolpho ta lem a nih. Mi hau- sahai chu a suknawmnatu cheu le, rorêlna ina kei lût hlaktu cheu chu an ni naw am a nih?

JAKOB 4:13

Tuhin ngai ta u khai! nangni, “Vawisûn amanih, zinga manih, chu khawpuia chun fêng ei ta, chutaka chun kum khat va thang ei ta, sumdâwng ei ta, hlâwkna hmûng ei tih,” tituhai,

JAKOB 4:9

Rimsi unla, lungngai unla, ṭap ro; in innui chu lungngaiah inchang sienla, in hlim nguiah inchang raw se.