JAKOB 4:2 - Pathien Lekhabu Inthieng (BSI)

² In châk a, in nei si nawh a, tuol in that a, in inhnar a, in nei thei si nawh a; in insêl a, in indo a; in hni naw leiin in nei nawh a;

JAKOB 4:2 Iomraidhean Croise

1 LALHAI 21:6

Ama chun a kuomah, “Jezreel mi Naboth chu ka va biek a, a kuomah, ‘I grêp huon hi min châwktir rawh, annawleh i dit lem chun a aiah grêp huon dang pêng ka ti che,’ ka tih a, ama chun, ‘Ka grêp huon chu pe thei naw ning che,’ tiin a mi dawn annâwm ie,” a ta.

THUVARHAI 1:19

Hlêpnaa duâm mi taphawthai lampui chu chuong ang chu a nih; A neituhai hringna chu a lâk hmang hlak.

THUHRILTU 4:8

Mi pakhat naupasal amanih, unaupa amanih khawm pakhat khawm nei lo a um a; ana hlak chu, a sininrimna po po chun tâwp hrim a nei nawh a, a mithai chu hausaknaa chun a tlai ngai bawk nawh a. “Tu ta ding taka hienga mâni inhawitirna chân raka sininrim am ka ni lie?” khawm a ti ngai nawh. Hi khawm hi teplo bawk a nih; anih, tuorna natak a ni chau a nih.

ISAI 7:12

Ahaz ruok chun, “Hni naw ning ah, LALPA khawm infie bawk naw ning ah,” a ta.

HABAKKUK 2:5

Anih, chu nawa khawm uoin he chu bawsetu, Mi chapo, a ina um ngailo chu a nih; Ama chun a châkna chu hrem- hmun angin a suklien a, Ama chu thina ang a na, suktlai ruol a ni nawh. Chi po pohai chu a kuoma chun a kei khâwmin, Hnam po pohai chu a kuomah a lâk khâwm lem a nih.

JOHAN 16:24

Tu chen hin keia hmingin iengkhawm in la hni nawh; hni ro, chuongchun hmûng in tih, in lâwm a kimna dingin.

JOHAN 4:10

Chun, Isûn a dawn a, a kuomah, “Pathien thilpêk le, ‘Dâwn ding mi pe rawh,’ i kuoma titu hi hre la chu nangin a kuomah i hni lem ding a nih; chun, ama chun tui hring a pêk ding che a nih,” a ta.

JAKOB 1:5

Nangni laia tûkhawmin varna a tlasam chun, mi po po kuoma hal lo le inro loa pe hlaktu Pathien chu hni raw se; chuongchun, a kuomah pêk nîng a tih.

JAKOB 5:6

Mi fel chu thiemnaw in inchang- tir a, in that tah a; ama chun a kal naw cheu.

1 JOHAN 3:15

Tûkhawm a unau theida chu tuolthat a nih; tuolthattu tûkhawm chatuona hringna nei zing hrim an um nawh ti in hriet sih a.