JAKOB 4:10 - Pathien Lekhabu Inthieng (BSI)

¹⁰ Lalpa mithmuin inngaitlâwm ro, chuongchun, chawimawi a ti cheu.

JAKOB 4:10 Iomraidhean Croise

2 CHANCHIN SUINA 7:14

ka mihai, ka hming chawia kohai chu an insukhnuoi a, an ṭawngṭai a, an lampui rilohai chu nghatsan a ka hmêl an hung zawng chun, vâna inthawk chun lo hrieng ka ta, an suol chu ngaidam ka ta, an ram khawm chu sukhrisêl bawk ka tih.

JOB LEKHABU (THE BOOK OF JOB) 22:29

Pathienin mi chapo chu a sukhnuoi a, Mi inngaitlâwm ruok chu a sandam a.

JOB LEKHABU (THE BOOK OF JOB) 5:11

Mi inhnuoihai chu a dawm sâng a; Thlainvaihai chu himnaah a sie kai hlak.

INPÂKNA HLABU 113:7

Ama chun rimsi chu pilvuta inthawk chun a keitho hlak a, Pasie chu êkthlia inthawk chun a dawm kâng hlak;

INPÂKNA HLABU 147:6

LALPA chun thuhnuoirawlhai chu a chel zing a, Mi rilohai chu hnuoiah a pei thlâk hlak.

INPÂKNA HLABU 27:6

Tuhin chu a mi dotu, a mîn huolvêltuhai chungtieng ka lu hi dawm kângin um a tih, Chuongchun, a puon ina chun hlimna inthâwinahai inhlân ka tih; Hla sak ka ta, anih, LALPA inpâkin hla sak ka tih.

INPÂKNA HLABU 28:9

I mihai chu sandam la, i rochan chu malsâwm rawh: Anni chu châwm la, kumkhuoin pawm rawh.

INPÂKNA HLABU 30:1

Aw LALPA, chawimawi ka ti che, nangin i mi dawm sâng sih a; A mi dotuhai chu mi diriem dingin i siem nawh a.

FESUOKNA 10:3

Chun, Mosie le Aron chu Pharao kuomah an va lût a, a kuomah, “Hebraihai Pathien LALPA chun hieng hin a tih: ‘Ka hmaa insiehnuoi ieng chen am i nuom naw ding a nih a? Ka rawng an bâwl theina dingin ka mihai chu infetir rawh.

THUVARHAI 29:23

Mi chu a chapona chun ama chu sukhnuoi a ta, Lungrila inngaitlâwm ruok chun chawimawina hmûng a tih.

EZEKIEL 21:26

Lalpa PATHIEN chun hieng hin a tih: Lallukhum chu sawn la, lallukhum chu la hmang rawh; hi hi a pângngai zing ni ta naw ni; ân hnuoi chu chawimawi la, ân sâng chu sukhnuoi rawh.

MATTHAI 23:12

Tukhawm ân ngaihlu phawt chu tlâwm a ta, tukhawm ân ngaitlâwm phawt chu chawimawiin um a tih.

LUKA 1:52

An ṭhungphaa lal inṭhunghai chu a hnûk thlâk a. Mi inhnuoihai chu a dawm sâng tah a.

LUKA 14:11

Inngaihlu taphawt chu tlâwm an ta; inngaitlâwm chu chawimawiin um an tih,” a ta.

LUKA 18:14

Ka hril cheu hi, a hmasa nêkin ama lem chu thiem changin a inah a fe thla ta lem a. Inngaihlu taphawt tlâwm an ta, inngaitlâwm taphawt chu chawimawiin um an tih,” a ta.

1 PETER 5:6

Chuleiin, a huntaka chun a chawimawi theina ding cheuin, Pathien kut hrâttak hnuoia chun insukhnuoi unla,

1 SAMUEL 2:7

LALPA chun a sukpase hlak a, a sukhausa bawk hlak, A suktlâwm hlak a, a chawisâng bawk hlak.

1 SAMUEL 2:9

A mi inthieng ke chu vêng a ta, Mi suolhai ruok chu inthim hnuoiah sukdei ṭhapin um an tih; Hrâtna chun tukhawma an ngam âwm si nawh a.