JAKOB 3:9 - Pathien Lekhabu Inthieng (BSI)

⁹ Chu chun Lalpa le Pa ei inpâk hlak a, chu bawk chun Pathien anga siem mihriemhai chu ṭawngsie ei inphur bawk hlak a nih.

JAKOB 3:9 Iomraidhean Croise

INṬANNA 5:1

Hi hi Adam thlahai chuongna lekhabu chu a nih. Pathienin thu ngawta mihriem a siem ni khan Pathien angpuiin ama chu a siem a;

INṬANNA 9:6

Tukhawm mihriem thisen in- suotu chu mihriem vêkin ama thisen chu an insuo ve ding a nih: Pathienin ama angpuiin mihriem a siem sih a.

2 SAMUEL 16:5

Chun, lal Davidin Bahurim a tlung chun, ngai ta, Saula sûnghai laia mi Gera naupa a hming Simei a hung suok a, ṭawngsie inphur pum peiin a hung suok a.

2 SAMUEL 19:21

Nisienlakhawm, Zeruia naupa Abisai chun a dawn a, “LALPA hriek- nâl chu ṭawngsie ân phur leiin Simei hi sukhlum ding a ni naw ding am a nih?” a ta.

1 CHANCHIN SUINA 29:10

Chuleichun, David chun mipui inkhâwmhai po po hmaa chun LALPA chu ân pâk a; David chun a hril a, “Aw LALPA, kan thlatu Israel Pathien, chatuon chatuonin nang chu inpâkin um la;

1 CHANCHIN SUINA 29:20

Chun, David chun, mipui in- khâwmhai po po kuoma chun, “Tuhin LALPA in Pathien chu inpâk ro,” a ta. Chuongchun, mipui inkhâwmhai po po chun LALPA an thlatuhai Pathien chu an inpâk a, an luhai an kûn a, lal le LALPA chu chibai an bûk tah a.

INPÂKNA HLABU 10:7

A bau chu ṭawngse inphurna dâm, hlêmna dâm, suknawmnatna dâmin a sip a; A lei hnuoia chun thil suk- suolna le khawhlona a um a.

INPÂKNA HLABU 108:1

Aw Pathien, ka lungril hi adet a nih; Hla sak ka tih, anih, inpâkna hla sak ka tih, ka ropuina ngeiin.

INPÂKNA HLABU 145:1

Aw Laltak, ka Pathien, chawimawi ka ti cheh a, I hming hi kumkhawtluongin inpâk ka tih.

INPÂKNA HLABU 145:21

Ka bau hin LALPA inpâkna thu hril a ta; Chun, tisa po po chun a hming inthieng chu kumkhaw- tluongin inpâk raw se.

INPÂKNA HLABU 16:9

Chuleiin, ka lungril hi a lâwm a, ka ropuina khawm a hlim a; Ka taksa khawm himtakin um a tih.

INPÂKNA HLABU 30:12

Ka ropuina hi to zing loa, nangma inpâka hla a sakna dingin, Aw LALPA ka Pathien, kumkhuoin lâwmthu hril rawp ka ti che.

INPÂKNA HLABU 34:1

Ienglai khawmin LALPA chu inpâk ka ta, Ama inpâkna chu ka bauah suok rawp a tih.

INPÂKNA HLABU 35:28

Chuongchun, ka lei hin i felna thu hril a ta, Nangma inpâkna thu khawm sûnnithlâkin hril bawk a tih.

INPÂKNA HLABU 51:14

Aw Pathien, nang ka sandamna Pathien, thisen insuonahaia inthawk chun mi sanhim rawh; Chuongchun, ka lei hin i felna thu hi hlimtakin hlaah sak a tih.

INPÂKNA HLABU 57:8

Ka ropuina, har rawh, per- khuong le ṭingṭanghai, har ro: Kei chu zîngkâr har ka tih.

INPÂKNA HLABU 59:12

An baua suolna lei le, an hmûra thu suok leiin, An chapona ngeia chun âwk raw se: An thu hril hlak, ṭawngseinphurna le khêlthu lei khawmin.

INPÂKNA HLABU 62:4

A ropuinaa inthawka nam thla ding ngawtin an inrâwn a, Khêl hril hi an lâwm zâwngtak a na, An bauin mal an sâwm a; nisienlakhawm, an lungrilin ṭawngsie an inphur si hlak.

INPÂKNA HLABU 63:4

Chuong ang chun ka dam sûng po po chun inpâk ka ti cheh a, I hmingin ka kuthai phar ka tih.

INPÂKNA HLABU 71:24

Ka lei khawm hin sûnnithlâk i felna thu hril a ta, Ka sietna ding zawngtuhai chu an muolphoin an inzak ta sih a.

THUHRILTU 7:22

nang ngei khawma chuong ang bawk chun mi danghai ṭawngsie în phur rawp hlak ti i lungrilin i hriet rawp sih a.

ISAI 29:13

Chun, LALPA chun, “Hieng mihai hin an mi hung hnai a, an bau le an hmûr hin an mi chawimawi hlak deha chu, an lungril chu keia hlatah an sawn hlak a, an mi ṭina chu mihriemhai thupêk miin an inchûktir el chu a nih;

MATTHAI 26:74

Ama chun, “Chu mihriem chu ka hriet nawh” tîn ṭawngsie inphur rauin ân khâm tah a. Chun âr a khuong nghâl tah a.

MATTHAI 5:44

Kei ruok chun ka hril cheu hi, in hmêlmahai chu hmangai unla; a suk- nawmnatuhai cheu chu ṭawngṭai- pêk ro;

THILTHAWHAI 2:26

Chuleiin, ka lungril a hlim a, Ka lei khawm a lâwm a; Chuleiin, ka tisa khawm beiseitakin um bawk a tih;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:14

An bau chu ṭawngseinphurna le thu khain a sip a.

1 KORINTH 11:7

Pasal ruok chu Pathien angpui le a ropuina a ni leiin, a lu ân khum ding a ni nawh a, nuhmei ruok chu pasal ropuina suklangtu a nih.

EPHESI 1:3

Ei Lalpa Isu Krista Pathien le Pa chu inpâkin um raw se. Ama chun vân hmunhaia thlarau tieng mal- sâwmpêkna tinrêngin Kristaa chun mal a mi sâwm a.

JAKOB 1:27

Ei Pathien le Pa mithmua sakhaw biek dân inthieng le, suol ṭhang naw chu hi hi a nih, fahra le hmeithaihai an rimsik laia kan le, khawvêl inthieng nawna kai loa in- siem hi.

JAKOB 3:10

Bau hmunkhata inthawkin in- pâkna le ṭawngse inphurna a suok hlak. Ka unauhai, chuong thil chu chuong ang chu a ni ding a ni nawh.

1 PETER 1:3

Ei Lalpa Isu Krista Pathien le Pa chu inpâkin um raw se. Ama chun, a lunginsietna nasatak angin, mithi laia inthawka Isu Krista thonâwkna leiin beiseina hring hmu dingin nauvin a mi nei nâwk a,

RORELTUHAI 9:27

Chuongchun, lo tieng an feh a, an grêphai chu an lo a, an chîl a, ruoi an ṭheh a, an pathien inah an lût a, an fâkin an dâwn a, Abimelek chu an deusawh a.