JAKOB 3:10 - Pathien Lekhabu Inthieng (BSI)

¹⁰ Bau hmunkhata inthawkin in- pâkna le ṭawngse inphurna a suok hlak. Ka unauhai, chuong thil chu chuong ang chu a ni ding a ni nawh.

JAKOB 3:10 Iomraidhean Croise

INṬANNA 20:9

Chuongchun, Abimelek chun Abraham a ko a, a kuomah, “Kan chunga i thil thaw hi iengtizie am a nih a? Ieng kawng âm i chungah thil kan suksuola kei le ka khuoletui- hai chunga hin thil suol nasatak i hung intlungtir hi? Thil thaw âwm naw tak ka chungah i thaw ta hi,” a tih a.

2 SAMUEL 13:12

Ama chun a dawn a, “Ni lo ve, ka ṭapa, mi thawlui naw rawh, Israelhai lai hin hieng ang thil hi thaw ding a ni nawh ie, hi thil suol invêtthlâktak hi thaw naw raw khai.

MIKA 3:11

Chutaka hotuhai chun lâwm- man beiseiin ro an rêl a, chutaka thiempuhai chun hlaw beiseiin an inchûktir a, chutaka zâwlneihai chun tangka beiseiin ai an sân a nih: Chuong sa khawm chun, “LALPA chu eini lai a um naw am a nih? Thil ṭha naw ei chungah hung tlung naw nih,” tiin LALPA chungah an innghat a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:14

A suknawmnatuhai cheu chu malsâwmpêk unla, ṭawngsie chu in phur naw ro.

1 KORINTH 3:3

Nangni laia inthîkna le insêlna a um hlak leiin tisa mi la niin mihriem angin in la um zing a ni naw am a nih?

1 TIMOTHE 5:13

Chu naw khawm chu, in tinah an lêng lâwr a, thabo khawm an chîng hlak a, thabo chau khawm ni loin, thu hril naw ding ding hrilin, bau tam le mihai thil thaw dempêk an hmang bawk a nih.

JAKOB 1:16

Ka unau dittakhai, hlêmin um naw ro.

JAKOB 1:19

Unau dittakhai, chuong chu in hriet; nisienlakhawm, mi tinin ngai inchu sienla, thu hril inchu loin, lungril sukuoi raw se;

JAKOB 3:1

Ka unauhai, nangni laia mi tamtak hi inchûktirtuahai hung um naw ro, inchûktirtu chun rorêlna nasa lem kan tuok ding a nih ti kan hriet sih a.

JAKOB 3:11

Tuikhur hin hnâr hmunkhatah tui inhnik le tui inhnik naw a suksuok hlak am a nih?

JAKOB 3:9

Chu chun Lalpa le Pa ei inpâk hlak a, chu bawk chun Pathien anga siem mihriemhai chu ṭawngsie ei inphur bawk hlak a nih.

1 PETER 3:9

Suol suolin thung naw unla, halna halna bawkin thung naw ro; malsâwm hlau lem ro. Hi hi lei hin ko in ni si, malsâwmna chang dingin.