JAKOB 1:10 - Pathien Lekhabu Inthieng (BSI)

¹⁰ Hausa ruok chu suktlâwma a um leiin lâwm lem raw se; hlohna pâr angin a la bo el ding a ni sih a.

JAKOB 1:10 Iomraidhean Croise

JOB LEKHABU (THE BOOK OF JOB) 14:2

Pâr angin a hung suok a, a vuoi hlak, Hlim angin a tlân a, a um zing ngai nawh.

INPÂKNA HLABU 102:11

Ka dam sûng nihai hi hlim bo tieng intung ta ang a na, Hlobet angin ka vuoi tah a.

INPÂKNA HLABU 103:15

Mihriem chu, a dam sûng nihai chu hlobet ang a na, Phûl pâr ang hin a vul hlak a.

INPÂKNA HLABU 37:2

Hlohna angin ât thlukin um vak an ta, Hna hring angin an vuoi ding a ni sih a.

INPÂKNA HLABU 39:6

Mi tin hi hlim angin an lêng takmeu a, An buoi thlâwn takmeu a nih. Ro ân khâwl khâwm hlak a, a hluotu ding a hriet si nawh a.

ISAI 40:6

Râwl chun, “Khêk rawh,” a tih a. Chun, kei chun, “Ieng thu hrilin am khêk ka ta?” ka ta.

ISAI 40:7

“Mi po po hlohna ang an na, an ropuina po po khawm phûl pâr ang a nih: LALPA thuok chun a mût leiin hlohna chu a vuoi a, a pâr chu a ṭuoi hlak; mihai chu hlohna ang an ni ngei el.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti sih a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

ISAI 66:2

Hieng thil iengkim hi ka kutin ka siem a ni sih a, chuongchun, hieng thil iengkim hi a hung um tah a nih, LALPAIN a tih; amiruokchu, hi mi rimsitaka um, lungrila insîr ngawi ngawi, ka thua inthin hlaktu tieng hi en lem ka tih.

MATTHAI 5:3

“Thlaraua pasiea inhriehai chu an hamṭha; vân ram an ta a ni sih a.

MATTHAI 6:30

Chuongchun, ram hlohna, vawi- sûn anga hringa, a zînga thuka ti nâwk el ding hman Pathienin chuong ang lâwma a chei chun, aw! nangni ringna tlâwmhai, silfên a pêk lem hman hman ding cheu a ni naw am a nih?

1 KORINTH 7:31

khawvêl hmangtuhai chu hmang taluo loa an um theina dingin; hi khawvêl umdan hi a bohmang mêk a nih.

PHILIPPI 3:8

A ni takzet el, ka Lalpa Isu Krista hrietna ropui bîk leiin, thil tinrêng khawm chânnaah ka ngai a nih; ama lei chun thil po po ka chân ta vawng a, chuongchu hnephnâwl ang chauah ka ngai a nih.

1 TIMOTHE 6:17

Hi khawvêla hausahai hi chapo naw ding le sum ringum nawah an beiseina innghat loa, thil po po lâwm- na dinga mi petu Pathien chunga chun innghat lem dingin kâwk rawh.

JAKOB 4:14

zînga chun ieng am a hung um ding in hriet si nawh. In hringna chu ieng am a na? Sûm sâwt nawtê hung inlanga, bo nâwk el hlak ang hi in ni sih a.

1 PETER 1:24

“Mi po po hlohna ang an nih, An ropuina po po khawm Hlo pâr ang a nih. Hlo chu a vuoi a, A pâr chu a tla a,

1 JOHAN 2:17

Khawvêl hi a châkna pumin a bohmang zing a nih, Pathien dit- zawng thawtu ruok chu kumkhuoin um zing a tih.