DANIEL 8:3 - Pathien Lekhabu Inthieng (BSI)

³ Chun, ka mit ka hang meng a, ngai ta, vadung kâwla chun berâmchal ki pahni nei a ngîr ka hmuh a; chu kihai pahni chu ân sâng hleh a; ami- ruokchu, a ki pakhat chu a dang nêk chun ân sâng lem a; ân sâng lem chu a hung suok nuhnung lem chu a na.

DANIEL 8:3 Iomraidhean Croise

1 CHANCHIN SUINA 21:16

Chun, David chu a hung dâk suok a, LALPA vântirko hnuoi le vân kâra ngîr chu a hang hmu tah a; a kâwlhnâm phawi sain, Jerusalem tienga bân pharin a hmuh a. Chun, David le upahai chu saiip puon an sil a, an hmaia hnuoi sikin an bawk tâwl tah a.

EZRA 1:2

“Persia lal Kura chun hieng ang hin a hril, ‘Leihnuoia ram po pohai chu LALPA vâna Pathien chun a mi pêk a; Juda rama Jerusalema chun a ta dinga in bâwl dingin a mi phût bawk a nih.

EZRA 4:5

an thiltum chu khap dingin an chunga rorêltuhai, Persia lal Kura dam sûng le, Persia lal Daria rorêl chen khan an ruoi tah a.

ESTHER 1:3

a rorêl a kum thumnaa chun a mi ṭhahai le a siehlawhai po po ta dingin ruoi a ṭheh a; Media le Persia ram thilthawtheihai, mi ṭhahai le lal nau- hai, chu rambunga mihai chu a hmaa chun an um a;

ISAI 13:17

Ngai ta, Media mihai anni thaw dingin chawktho ka ta, chuonghai chun tangka ngaisak naw ni hai a, rângkachak khawm lâwm naw ni hai.

ISAI 21:2

Inlârna khirkhântak el ka kuomah inhriettir a ni tah; vervêktaka thawtu chun vervêktakin a thawh a, rawktu chun a rawk a. Aw Elam mihai, hang fe ro; aw Media mihai, inhuol ro; an inrûmna po po chu ka sukbo vawng tah.

ISAI 44:28

Kura chungchâng thua, ‘Ama chu ka berâm vêngtu a nih, Jeru- salem chungchâng thua, siemin um nâwk a tih, ti le, Pathien biekin kuoma, I lungphûm chu remin um nâwk a tih, ti hiel khawpin ka dit zâwng po po chu thâwng a tih,’ titu ka nih,” tiin.

JEREMIA 51:11

Thalhai chu tâtngei unla, phawhai chu chel det ro; LALPA chun Media lalhai lungril chu a hung chawktho ta sih a; a remruot chu Babulon do le suksiet chu a na, LALPA phuba lâkna, a biekin phuba lâkna chu a ni sih a.

DANIEL 10:5

ka mithai vân tieng ka hang inlên a, ka en a, mi pakhat puon zai inhmia inthuom, a kâwnga Uphaz rângka- chak inthienga inkhit hi ka hmuh a;

DANIEL 2:39

Chun, nanga hnunga hin ram dang nanga nêka chîn lem la hung suok a ta; chun, ram pathumna dârsen chun khawvêl chung po poa rorêlna chu nei a tih.

DANIEL 5:31

Chun, Media mi Daria chun ram chu a nei tah a, ama chu kum sâwmruk pahnia upa a nih.

DANIEL 6:28

Chuongchun, Daniel chu Daria rorêl sûng le Persia mi Kura rorêl sûng po chu a hung hlawtling ta hleh a.

DANIEL 7:5

Chun, ngai ta, sahrâng dang, a pahnina chu, savawm ang, a sîr khat tienga indawm kâng a na, a baua a hahai kâra chun nâkru pathum a um a; chun a kuoma chun, ‘Tho la, tisa tamtak fa zo vawng rawh,’ an ta.

DANIEL 8:2

Chun, thil hmulâwka chun ka hmuh a; Hieng ang hi a lo nih a, thilhmulâwk ka hmu lai chun, Elam rama lal in, Susaa chun ka lo um a; thil hmulâwka chun ka hmuh a; Ulai vadung kâwlah ka lo um a.

DANIEL 8:20

Berâmchal ki pahni nei i hmu kha Media le Persia lalhai an na.

ZEKARIA 1:18

Chun, ka mithai ka hang inlên a, ka en a; chun, ki pali hi ka hmu a. Chun, vântirko a mi betu kuoma chun, “Hieng hi ieng am an nih a?” ka tih a.

ZEKARIA 2:1

Chun, ka mithai chu ka hang inlên a, ka en a, mi a kuta inkhina hmawl chawi hi ka hmuh a.

ZEKARIA 5:1

Chun, ka mithai chu ka hang inlên nâwk a, lekha zuol vuong lai ka hmuh a, ka en zing a. Chun, ama chun ka kuomah, “Ieng am i hmuh a?” a ta.

ZEKARIA 5:5

Chun, vântirko a mi betu chu a fe suok a, ka kuomah, “Tuhin i mit hang inlên la, hi a fe suok hi ieng am a na en ta,” a ta.

ZEKARIA 5:9

Chun, ka mithai ka hang inlên a, nuhmei pahni hung suok hi ka hmuh a, ka en zing a, an thlahaia chun thli hi a um a; anni chun vakâwl thlahai ang hi thla an nei a; chun, vân le hnuoi inkâra chun bâwm chu an khai a.

ZEKARIA 6:1

Chun, ka mithai ka hang inlên nâwk a, tlâng pahni inkâra sa- kawr tawlailîr pali hung suok hi ka hmuh a, ka en zing a; chu tlânghai chu dârsen tlâng an nih.

NAMBAR 24:2

Chun, Balaam chu vântieng a tang a, Israel mihai chu a hnam hnama um chu a hmuh a, chun, Pathien thlarau a chungah a hung tlung a.

JOSUA 5:13

Chun, Josua chu Jeriko khaw bula a la um lai chun a dâk a, a hang en a; a hma zâwn ela chun mi pakhat a kâwlhnâm phawisa chawia lo ngîr zing hi a hmuh a. Josua chun a hang pan a, a kuoma chun, “Keini tienga ṭhang am i ni, kan hmêlmahai tieng?” a ta.

THUPUONGSUO 13:11

Chun, Sahrâng dang hnuoia hung suok ka hmuh a; berâmte kî ang ki pahni a nei a, drakon ṭawng angin a ṭawng a.

THUPUONGSUO 5:6

Chun, lalṭhungpha le thilhring pali hai inkârah, upahai laia chun, Berâmte that ta hnung ang, ki pasari le mit pasari nei, ngîr ka hmuh a, chuong mit pasari chu Pathien Thlarau pasari, hnuoi chung po poa tir suokhai chu an nih.