DANIEL 7:5 - Pathien Lekhabu Inthieng (BSI)

⁵ Chun, ngai ta, sahrâng dang, a pahnina chu, savawm ang, a sîr khat tienga indawm kâng a na, a baua a hahai kâra chun nâkru pathum a um a; chun a kuoma chun, ‘Tho la, tisa tamtak fa zo vawng rawh,’ an ta.

DANIEL 7:5 Iomraidhean Croise

2 LALHAI 2:24

Chun, a hnungtieng a hei en chun anni chu a hmu tah a, chuong- chun, LALPA hmingin anni chu ṭawngsie ân phur tah a. Chun, ram- hnuoia inthawk chun savawmpui pa- hni an hung suok a, anni laia nau- pang sâwmli le pahni chu an hung sê tah a.

THUVARHAI 17:12

Invêt ân vêt laia intuokpui nêk chun, Savawmpui a tehai inrûkpêka um intuokpui nuom a um lem.

ISAI 56:9

Ram sa po pohai, anih, ram- hnuoia sa um po pohai, fa dingin hung ro.

DANIEL 11:2

“Chun, tuhin thudik chu inentir ka ti che. Ngai ta, Persiaa hin lal pathum la hung ngîrsuok an ta; a palina chu anni po po nêk chun nasatakin hausa lem a tih: chun, a hausakna leia a hung hrât chun, Grik ram do dingin mi po po chawktho a tih.

DANIEL 2:39

Chun, nanga hnunga hin ram dang nanga nêka chîn lem la hung suok a ta; chun, ram pathumna dârsen chun khawvêl chung po poa rorêlna chu nei a tih.

DANIEL 5:28

PERES chu ‘I ram chu ṭhe a ni tah a, Media le Persia mihai kuom- a chun pêk a ni tah,’ tina a nih,” tiin.

DANIEL 7:4

A hmasatak chu sakeibaknei ang a na, mupui thlahai a nei a; a thlahai chu sukthlawnga uma, hnuoia in- thawka dawm kânga uma, mihriem anga ke pahnia inngîrtir a hung na, mihriem lungril a kuoma pêk a ni chen chun ka en zing a.

DANIEL 7:6

Hi hnunga hin, ngai ta, a dang keitê ang, a ruongzânga vate thlahai ang thla pali nei chu ka hmuh a; chu sahrâng chun lu pali khawm a nei bawk a, a kuoma chun rorêlna chu pêk a ni tah a.

HOSEA 13:8

Savawm a tê chân angin anni chu thâwng ka ta, An lung tuomtuhai chu keithlêr vawng ka ta, Chu hmuna chun sakeibaknei angin Anni fa zo ka tih; Ramsain a kei dar zo ding ang chun.

THUPUONGSUO 13:2

Chun, ka Sahrâng hmu chu keitê ang a na, a kehai chu savawm ke ang a nih; a bau chu sakeibaknei bau ang a nih; chun, drakon chun a kuomah a thilthawtheina le a lalṭhungpha le thuneina nasatak a pêk a.