DANIEL 7:4 - Pathien Lekhabu Inthieng (BSI)

⁴ A hmasatak chu sakeibaknei ang a na, mupui thlahai a nei a; a thlahai chu sukthlawnga uma, hnuoia in- thawka dawm kânga uma, mihriem anga ke pahnia inngîrtir a hung na, mihriem lungril a kuoma pêk a ni chen chun ka en zing a.

DANIEL 7:4 Iomraidhean Croise

2 SAMUEL 1:23

Saula le Jonathan umdân chu dit a umin a mâwi a, An thi khawma an inṭhe nawh; Mupuihai nêkin an ṭuonrang lem a, Sakeibakneihai nêkin an hrât lem.

JOB LEKHABU (THE BOOK OF JOB) 25:6

Mihriem, chawkchawnâl el chu, a vân thieng naw nâwk zuol awm de! Mihriem naupa, chawkchawnâl el ni chu!” tiin.

INPÂKNA HLABU 9:20

Aw LALPA, anni chu sukṭi la, Hnam tin chun mihriem el an nih ti inhre raw se.

JEREMIA 25:38

Sakeibaknei angin a chîmbuk a mâksan a, a lunginsen ṭiumna lei le, nêksâwrna kâwlhnâm ṭiumna lei chun an ram chu a se zo ta sih a.

JEREMIA 4:13

Ngai ta, ama chu sûmhai angin a tungin hung a ta, a sakawr tawlai- lîrhai chu thlivir ang nîng an tih, a sakawrhai khawm chu mupuihai nêkin an hrât lem a nih. Ei chung a va rik de! suksietin ei um sih a.

JEREMIA 4:7

Sakeibaknei chu a chîmbuka in- thawk chun a hung suok tah a, hnam- hai sukbohmangtu ding chu; a lam- puia chun a thang mêk a, a hmuna inthawk chun a suok tah a, i ram chu râusana siem ding le, i khawpuihai khawm hluotuhai um loa sukse dingin.

JEREMIA 48:40

“LALPA chun hieng hin a ti sih a: Ngai ta u, mupui angin vuong a ta, Moab chunga chun a thlahai zâr a tih.

JEREMIA 49:19

Ngai ta u, ama chu tlatna hmun pângngaia chun Jordan vadung fâwna inthawk chun sakeibaknei ang elin hung a ta; amiruokchu, ama kuoma inthawk chun intlânsiettir vak ka tih; chun, mi tukhawm thlang- a um chu, ama chunga chun ruot ka ta, tu am keia ang an um a? Tuin am hun mi ruotpêk a ta? Berâmpu ka hmaa ngîr ding chu tu am a na?

ṬAP HLA 4:19

Eini mi hnawttuhai chu vâna mupui nêkin an hrât lem a, Tlânghai chunga chun an mi hnawt a, thlalêra chun eini an mîn chân a.

EZEKIEL 17:3

Lalpa PATHIEN chun hieng hin a tih a, Mupui ropuitak, thla ropuitak le chang seitakhai nei, hmula sip, ze hran hran nei chu Lebanona chun a hung a, sidar thing zîka chun a hung a;

EZEKIEL 28:2

“Mihriem naupa, Tura lal kuoma chun hril la, Lalpa PATHIEN chun hieng hin a ti a nih; i lungril chu chawisângin a um a, Pathien ka na, Pathien ṭhungphaa chun ka ṭhung a, tuisuoriethai lairila chun i ti leiin i lungril chu Pathien lungrilah ngai la khawm, mihriem i ni si a, Pathien ni loin;

EZEKIEL 28:9

Nangma sukhlumtu che hmaa chun, ‘Pathien chu ka nih,’ i la ti rawp ding am a nih? Mihriem chau i ni sih a, Pathien ni lo, nangma inhliemtu che kuta chun.

DANIEL 2:38

mihriem nauhai chêngna ta- phawt le, ramhnuoia ramsahai le chunglêng vatehai umna taphawt chu i kutah a pêk vawng a, an rênga chunga chun rorêl dingin a siem cheh a: chuongchun, nang chu rângkachak lu chu i nih.

DANIEL 4:36

Chu chu huna chun ka hriet- thiemna chu ka kuomah a hung kîr nâwk a; ka ram ropuina le ka înlalna le êngna chu ka kuomah an hung kîr nâwk sih a; chun, ka upahai le ka lalhai chun an mi zawng a; ka rama chun tungdingin ka um a, ropuina nasatak el chu ka kuomah belsain a um tah a.

DANIEL 7:12

Chun, sahrâng danghai ruok kha chu, an ram chu lâkpêk an ni tah a; nisienlakhawm, an hringnahai ruok chu hunbi khat le hun khat chenin suksei a nih.

DANIEL 7:5

Chun, ngai ta, sahrâng dang, a pahnina chu, savawm ang, a sîr khat tienga indawm kâng a na, a baua a hahai kâra chun nâkru pathum a um a; chun a kuoma chun, ‘Tho la, tisa tamtak fa zo vawng rawh,’ an ta.

MATTHAI 24:28

Khâwlaia khawm saruong umna taphawta chun mulukawlhai khawm um khâwm an tih.

DÂN PAHNINA 28:49

Hlataka inthawk, kâwlkaw- dawnga inthawkin nangni thaw ding hnam LALPAIN mupui bir angin hung tir a ta, an ṭawng khawm in hriet naw hnam;

THUPUONGSUO 13:2

Chun, ka Sahrâng hmu chu keitê ang a na, a kehai chu savawm ke ang a nih; a bau chu sakeibaknei bau ang a nih; chun, drakon chun a kuomah a thilthawtheina le a lalṭhungpha le thuneina nasatak a pêk a.