DANIEL 7:2 - Pathien Lekhabu Inthieng (BSI)

² Daniel chun a hril a, “Zâna hin ka thil hmulâwkna chun, ngai ta, vân thli hai pali chu tuisuoriet ropui- tak chunga an lo hrâng hi ka hmuh a.

DANIEL 7:2 Iomraidhean Croise

ISAI 17:12

A mipui tamtak inri dur dur, tuisuoriethai inri dur dur anga inri dur durhai le hnam tin inri hum hum, tui nasatak inri hum hum anga inri hum humhai chu aw!

JEREMIA 49:36

Chun, Elam chunga chun vân hmun palihaia inthawka thli palihai chu hung inhrângtir ka ta, chu thli fena tienga chun anni chu sukdar vawng ka tih, Elama inthawka hnaw dawkhai tlung nawna hnam hrim hrim um naw ni hai.

JEREMIA 51:42

Babulon chunga chun tuisuo- riet chu a hung luong a, tuifâwn tamtakhai chun a hung inkhum tah a.

DANIEL 11:4

A hung ngîrsuok phingle chun a ram chu sukkhawi nîng a ta, kawlkil palihai anga chun sem dar nîng a tih; a thlahai amani le a rorêlna ram dungzui chun ni chuong naw nih a, a ram chu hieng mihai titâk lo khawm mi danghai ta ding khawma suk- thlawng a ni ding a ni sih a.

DANIEL 2:19

Chun, zâna thilhmulâwkin Daniel kuoma chun chu thurûk chu phuongin a um tah a. Chun, Daniel chun vâna Pathien chu ân pâk tah a.

DANIEL 7:13

Zâna thil hmulâwkhai ka hmuh a, chun, ngai ta, Mi pakhat mihriem naupa ni âwm tak vân sûmhai le um a hung a, Tienlai mi kuoma ngei chun a hung a, Ama hmaa chun an hung ṭhuoi a.

DANIEL 7:7

Hi hnunga hin zâna thil hmu- lâwkhai chu ka hmuh a, sahrâng palina chu, ngai ta, hrât êm êm el, thilthawtheitak, ṭiumtak el hi a na; thîr ha ropuitakhai chu a nei a; a fâk zo a, a suknâwiin a suknâwi a, a mahlahai chu a kehaiin a sirdeh a, a hmaa sahrânghai po poa inthawk khan danglamtak a na; chun, ki sâwm a nei bawk a.

DANIEL 8:2

Chun, thil hmulâwka chun ka hmuh a; Hieng ang hi a lo nih a, thilhmulâwk ka hmu lai chun, Elam rama lal in, Susaa chun ka lo um a; thil hmulâwka chun ka hmuh a; Ulai vadung kâwlah ka lo um a.

DANIEL 8:8

Chun, kêlchal chu ama le ama nasatakin ân chawimawi a, a hrât hle lai chun a ki ropuitak chu a tliek tah a; a aia chun vân thli palihai tienga chun ki maktak pali a hung suok a.

ZEKARIA 6:5

Vântirko chun a mi dawn a, ka kuomah, “Hieng hi vân thlarau pali, leihnuoi po po Lalpa hmaa ngîr hlaka, fe suok hlakhai chu an nih.”

MATTHAI 24:31

Chun, a vântirkohai chu taw- tawrâwt ri nasatak leh tir suok a tih. Anni chun a ithlanghai chu kâwl kil lia inthawkin, vân tâwpa inthawka a tâwp khing tieng chenin lâwr khâwm an tih.

THUPUONGSUO 17:15

Chun, ama bawk chun ka kuomah, “Nawchizawr ṭhungna tui i hmuhai kha, mi dâm, mipui dâm, hnam dâm, ṭawng dâm a nih.

THUPUONGSUO 7:1

Chu hnunga chun khawmuola le tuisuorieta le, thing hrim hrima chun thli hrim a hrâng nawna dingin, hnuoi thli pali chu chelin hnuoi kil lia ngîr vântirko pali ka hmuh a.