DANIEL 7:10 - Pathien Lekhabu Inthieng (BSI)

¹⁰ Chun, tuihnâr ṭiumtak a hung suok a, A hma bula inthawk chun a hung suok a, Sâng sânga sângin a rawng an bâwl a, Sang sâwm sâwma vawi sâng sâwm a hmaa chun an ngîr a; Rorêlna chu ṭan a ni tah a, Lekhabuhai chu hawngin a um tah a.

DANIEL 7:10 Iomraidhean Croise

1 LALHAI 22:19

Chun, Mikaia chun, “Chuleiin, LALPA thu hi lo ngai ta u, LALPA chu a lalṭhungphaa ṭhung ka hmuh a, vâna mipuihai po po, a changtieng le vawitienga ngîrhai leh.

2 CHANCHIN SUINA 18:18

Chun, Mikaia chun a hril a, “Chuleichun, LALPA thu chu ngai rawh. LALPA chu a lalṭhungphaa chun ṭhung a, vân sipaihai po po chu a changtieng le a vawitienga ngîr ka hmu a nih.

JOB LEKHABU (THE BOOK OF JOB) 25:3

A sipaihai chu iengzât tawp am an ni leh? Anni chunga chun a var chu a suok naw am a nih?

INPÂKNA HLABU 103:21

A sipaihai, LALPA chu inpâk ro, A dit zâwng thawh a, a rawng bâwltuhai,

INPÂKNA HLABU 18:8

A hnâra inthawk chu meikhu ân tung ta ngut ngut a, A baua suok mei chun a kâng ta dur dur a; Chu chun meihawl khawm chu a sukchawk ta hum hum a.

INPÂKNA HLABU 50:3

Ei Pathien chu hung a ta, to zing naw nih: A hmatieng chun mei kâng dur dur a ta, A vêla chun thlipui nasatak hrâng bawk a tih.

INPÂKNA HLABU 68:17

Pathien tawlailîr chu a sînga sîng, a sânga sâng tamtak a nih. LALPA chu Sinai tlânga a um ang khan, chuong laia chun hmun inthiengah a um tah.

ISAI 30:27

Ngai ta, LALPA hming chu, a lunginsennaa chawk hlut hlut meikhu sâmup intung lui lui lai chun, hlataka inthawkin a hung ie; a hmûr- hai chu lungninawnain a sip a, a lei chu thil kânghmang mei ang a na;

ISAI 30:33

Topheth pakhat chu inhma daia lo buotsai tah a ni sih a, anih, lal ta ding chun siem zosa hieu a nih; inthûktak le lientakin a siem a, a thil sêkkhâwl chu mei le thing tamtak a nih; LALPA thuok, kât vadung luong ang chun a sukkâng dur dur a.

DANIEL 12:1

“Chu pha chun lal naupa ropuitak Mikael, i mihai ta dinga ngîr chu ngîrsuok a ta; chun, buoina hun chu a hung um ding a nih, hnam um tira inthawka chu chu hun chena khawm la um ngai hrim hrim lo chu; chu pha chun, i mihai, lekha- bua zieka hmu taphawthai chu sanhim nîng an tih.

DANIEL 7:22

Tienlai mi chu a hung a, Achunghnungtak mi inthienghai chu rorêlna chu a pêk a, mi inthienghaiin ram chu an chang hun a tlung hmakhat chun.

DANIEL 7:26

Nisienlakhawm, rorêlna chu um a ta, a tâwp chena suksiet a, sukbohmang dingin a ram chu lâkpêk an tih.

ZEKARIA 14:5

Chun, ka tlânghai ruoma chun tlânsieng in ta; tlânghai ruom chun Azel a tlung rak ding a ni sih a: anih, Juda lal Uzzia inlal laia simkhaw- leihnuoi inhnînga in tlânsiet ang khan, tlânsieng in tih; chun, LALPA ka Pathien chu hung a tih, a kuoma mi inthienghai po po leh.

MATTHAI 25:31

“Mihriem naupa ruok chu a vântirkohai po po leh a ropuinaa inthuoma a hung phâ chun, a ropuina ṭhungphaah ṭhung a ta;

DÂN PAHNINA 33:2

“Sinaia inthawkin LALPA chu a hung a, Seira inthawkin an kuomah a tho a, Paran tlânga inthawkin a var a suok a; Mi inthieng sângsâwm laia inthawkin a hung; A kut changtieng chun an ta dingin dân chawk thei a um a.

HEBRAIHAI 1:14

Anni po po chu rawngbâwlna thlarauhai, sandamna rohluotu ding- hai ta dinga rawngbâwl dinga tirsuok an ni naw am a nih?

HEBRAIHAI 12:22

Zion tlâng dâm, Pathien hring khuo, vân Jerusalem dâm, tiem sêng nawhai vântirko inkhâwmpui dâm,

JUDA 1:14

Chuong mihai chungthu chu Enok, Adama inthawka pasarina chun a hrillâwk a, “Ngai ta u, Lalpa chu a mi inthieng sîng khathai leh a hung:

THUPUONGSUO 11:18

Hnamhai chu an lunginsen a, chun, i lunginsenna chu a hung tlung ve thung a, mithi rorêlpêk hun le, i suok zâwlneihai kuoma dâm, mi in- thienghai kuoma dâm, i hming inza mi lien le mi chînhai kuoma dâm, an lâwmman pêk hun le, hnuoi sukse- tuhai suksiet ve thung hun chu a hung tlung bawk a,” tiin.

THUPUONGSUO 5:11

Chun, ka hang en a, lalṭhung- pha le thilhringhai le upahai vêla chun vântirko tamtak rawl ka hriet a; an tam tieng chu a sînga sîng hmun sîng tamtak le a sânga sâng hmun sâng tamtak an nih;