DANIEL 11:6 - Pathien Lekhabu Inthieng (BSI)

⁶ Kum iengzât amani hnunga chun anni chu hung inzawm khâwm an ta, simtienga lal naunu chu hmârtienga lal kuoma chun inremna siem dingin hung a tih; nisienlakhawm, a kut hrâtna chu nei sawng naw nih; amapa chu ngîr naw nih a, a kut khawm châng bawk naw ni; nisien- lakhawm, chuong nihaia amanu lo sukhrâttu le amanu lo thlatupa le, ama hung ṭhuoituhai chu amanu le chun bânsanin um an tih.

DANIEL 11:6 Iomraidhean Croise

JOB LEKHABU (THE BOOK OF JOB) 38:15

Mi riloa inthawkin an var chu cheltângin a um a, Kut insâng khawm chu sukthliekin a um bawk a.

INPÂKNA HLABU 10:5

A umdânhai chu ieng lai khawmin a det zing a, I rorêlnahai chu chungtieng hlatakah, a hmu phâk nawah a um dai a: Ama dotuhai po po hlak chu a nuisan el a.

EZEKIEL 30:21

“Mihriem naupa, Aigupta lal Pharao bân chu ka suktliek tah a; ngai ta, kâwlhnâm chawi ding tâwka hrât dingin, ngar khuoa tuom dingin, sukdamna damdawihai nâl dinga tuom a ni nawh a.

DANIEL 11:13

Hmâr tieng lal chu hung kîr nâwk a ta, a hmasa nêka mi tam lem chu hung ṭhuoi a ta; chun, kumhai tâwpah, hunhai tâwpa chun sipai nasatak le hausakna tamtak leh hung a tih.

DANIEL 11:15

Chun, hmârtieng lal chu hung a ta, tlâng hung siem a ta, khawpui kulnei khawm chu hung lâng a tih; simtieng kuthai chun dangkîr naw nih a, a mi thlanghai khawmin, a dang kîr zo ding hrâtna hrim hrim um naw ni.

DANIEL 11:40

Chun, hun tâwpa chun simtieng lal chun ama chu nawr a ta; hmâr- tieng lal chun lawng tamtakhai leh, sakawr chung chuong mihai leh, sakawr tawlailîrhai leh phaivaw hrâng ang elin ama chu hung rûn a tih; chun, ramhaia chun hung lût a ta, palzêl a ta, fe thleng a tih.

DANIEL 11:7

Nisienlakhawm, a zunghai puok- suoka inthawkin mi pakhat a hmuna chun hung ngîrsuok a ta, ama chu sipai pâwl leh hung a ta, hmârtieng lal kula chun hung lût a ta, anni chu do a ta, hne bawk a tih;

ZEKARIA 11:16

En ta, rama chun Berâmpu pei thlâka umhai chu kankuo ngailo ding le, sukdara um chu zawng ngailo ding le, suktlieka um khawm chu sukdam ngailo ding chu, ka tungding nâwk ding a ni sih a; ama chun a hliem le a hrisêl khawm chu châwm chuong naw nih a, a thâu thâu sa chu fa lem a ta, an tinhai chu nawi tamtakin kei nawi a tih,” a ta.