DANIEL 11:2 - Pathien Lekhabu Inthieng (BSI)

² “Chun, tuhin thudik chu inentir ka ti che. Ngai ta, Persiaa hin lal pathum la hung ngîrsuok an ta; a palina chu anni po po nêk chun nasatakin hausa lem a tih: chun, a hausakna leia a hung hrât chun, Grik ram do dingin mi po po chawktho a tih.

DANIEL 11:2 Iomraidhean Croise

EZRA 4:24

Chuongchun, Jerusalema um, Pathien in sinthaw chu a lo tâwp tah a; Persia lal Daria rorêl kum hnina chen chun châwlsan a ni tah a.

EZRA 4:7

Chun, Artazerzia hun laiin, Bislam hai, Mithredath hai, Tabeel hai le a ruol danghaiin Persia lal Artazerzia kuoma chun lekha an ziek a, chu lekha chu Suria lekhaa ziek, Suria ṭawnga ziek a na.

ESTHER 1:1

Ahasuer hun lai chun hieng hi a hung na, (hi Ahasuer hi Indiaa inthawka Ethiopia chena, rambung za sâwmhni pasari chunga rorêltu a nih),

THUVARHAI 22:21

Thutak thuhai a ni chiezie chu inhriettir ding chein, Nangma tirtuhai che kuoma thutak thuhai chu i phurkîr nâwk theina dingin.

DANIEL 10:1

Persia lal Kura inlal kum thumnaa chun a hming Belte- sazzar inbûk, Daniel kuomah thil suklangin a um a, chu thil chu thil indik, indona ropuitak a na, chu thil chu a hriet a, thilhmulâwk chu hriet- thiemna a nei bawk a.

DANIEL 11:25

Chun, sipai ropuitak leh a thilthawtheina le a huoina chu simtieng lal chunga chun chawktho a ta; simtieng lal chun ama chu sipai hrâttak le ropuitak el le chun indonaa chun do a ta; nisienlakhawm, ngîr zo naw nih, ama chunga chun rem chu a lo ruot ding a ni leiin.

DANIEL 7:5

Chun, ngai ta, sahrâng dang, a pahnina chu, savawm ang, a sîr khat tienga indawm kâng a na, a baua a hahai kâra chun nâkru pathum a um a; chun a kuoma chun, ‘Tho la, tisa tamtak fa zo vawng rawh,’ an ta.

DANIEL 8:21

Kêlchal nunsetak kha Grik ram lal a nih; chun, a mithai kâra ki ropuitak kha lal hmasatak chu a nih.

DANIEL 8:26

Chun, zântienghai le zîngtieng- hai thilhmulâwka thil hril chu ân dik a nih; nisienlakhawm, thil hmulâwk chu la khâr hri phawt rawh; ni la hung tlung ding tamtakhai ta ding chu a ni sih a,” a ta.

DANIEL 8:4

Berâmchal chu thlangtieng le, hmârtieng le, simtieng chu panin ka hmuh a; a hmaa hrim hrim chun ramsa dang ngîr thei an um nawh a, a kuta inthawka la dawk thei hrim hrim khawm tukhawm an um nawh a; chuongchun, a nuom ang angin a thawh a, ama le ama chu ân chawi- mawi tah a.

AMOS 3:7

Indiktakin Lalpa PATHIEN chun a rawngbâwltu, a zâwlneihai kuoma a thurûk hril loin iengkhawm thaw naw ni.

JOHAN 10:35

Pathien thu tlungnahai hman pathienhai an ti chun, (Pathien Lekha thu bân thei a ni si nawh a)

THUPUONGSUO 21:5

Chun, lalṭhungphaa ṭhung chun, “Ngai ta, thil iengkim ka siem thar ie,” a ta. Chun, “Ziek rawh, hieng thu hi ring a umin â n dik sih a,” a ti bawk a.