1 SAMUEL 8:3 - Pathien Lekhabu Inthieng (BSI)

³ Nisienlakhawm, a nauhai chun a umdân chu an lâk ve nawh a, sum le pai tieng an hnawt a, thamnahai an lâk a, indik nawtakin ro an rêl a.

1 SAMUEL 8:3 Iomraidhean Croise

2 SAMUEL 15:4

Chun, Absalom ma chun, “Mi tin thupawi hril ding nei amanih, hni ding nei amani taphawt chu ka kuoma an hung theina dingin; kei hi hi ram rorêltua hin mi siem sien ka va ti deh aw! chuongchun, feltakin ka rêlpêk hlak ding bah,” dâm a lo ti bawk hlak a.

INPÂKNA HLABU 15:5

A pung um dinga tangka inpûktir ngailo, A thiem lem thiemnaw inchangtir dinga thamna khawm la ngailo mi chu: Chuong thilthawtu chu iengtik khawm inhnîng naw ni.

INPÂKNA HLABU 26:10

An kuta chun ngaituona suol a um a, An kut changtieng chu thamnain a sip a;

FESUOKNA 18:21

Chunawa khawm mipui laia inthawk mi thei thei, Pathien ṭi mi, mi indikhai, hlêpna felnaw theida mihai thlang suok la, anni chu sâng khat chunga rorêltu, za khat chunga rorêltu, sâwmnga chunga rorêltu, sâwm chunga rorêltuhai ni dingin sie rawh.

FESUOKNA 23:6

“I mi pasie thubuoi rêlnaah indikna în hmang ding a ni nawh.

FESUOKNA 23:8

Chun, thamna i lâk ding a ni nawh, thamna chun hmutheina nei- hai khawm an mit a sukdel a, mi fel thuhai khawm a keikâwi hlak sih a.

THUHRILTU 2:19

Chun, mi invêt a ni ding le mi var a ni ding tuin am hrieng a ta? Nisa hnuoia ka varna hmanga ka sininrimna po po ra neitu a la ni ding a ni si a. Hi khawm hi teplo bawk a nih.

ISAI 1:23

I mi lienhai chu mi hel hmang, inru hmanghai ruolhai an nih, mi tinin tham an nuom a, lâwmman an hnawt hlak; pa bohai ro an rêlpêk ngai nawh a, hmeithai thu hlak an kuom a tlung ngai nawh.

ISAI 33:15

Feltaka um a, indiktaka hril hlaktu; nêksâwrnahai hlâwkpuina hrim hrim theida a, thamna la nuom loa, kut thin san a, thisen insuo thu ngai nuom loa na hup a, suolna hrim hrim en nuom loa insîm hlaktu chu;

MIKA 3:11

Chutaka hotuhai chun lâwm- man beiseiin ro an rêl a, chutaka thiempuhai chun hlaw beiseiin an inchûktir a, chutaka zâwlneihai chun tangka beiseiin ai an sân a nih: Chuong sa khawm chun, “LALPA chu eini lai a um naw am a nih? Thil ṭha naw ei chungah hung tlung naw nih,” tiin LALPA chungah an innghat a nih.

DÂN PAHNINA 16:19

Indik nawtakin ro in rêl ding a ni nawh, tukhawm ditsak bîk in nei ding a ni nawh; thilpêk in lâk ding a ni bawk nawh; thilpêk chun mi varhai mit a sukdelpêk a, mi felhai thu a sukkhawhlopêk hlak si a.

1 TIMOTHE 3:3

uoin inrui hmang naw, mi vuo hmang naw, mi nunnêmtak ni lem ding, mi kâwmaw ni lo, tangka sum ngaina naw mi,

1 TIMOTHE 6:10

Tangka sum ngainat hi suol tinrêng bul a ni sih a; chu chu ṭhenkhatin an inhnar a, ringna chu an fe hmang san a, anni le anni lungngaina tamtakin an insun tlang ta nghuon a.

1 SAMUEL 12:2

Tuhin, ngai ta u, lal chun a lo keihruoi ta cheu a, kei chu ka hung tarin ka lu khawm ân ṭuok tah a; chun, ngai ta u, ka naupasalhai chu nangni lai an um a, ka tleirâwla inthawkin tu chen hin ka keihruoi cheu a.

1 SAMUEL 2:35

Chun, thiempu ringumtak ka ta dingin indin ṭha nâwk ka ta, ama chun chu ka lungril le ka lung tuok- zâwngin thâwng a tih. Chun, sûng- kuo dettakah inngîr ka ta, kum- khuoin ka hriek nâl hmaa chun um a tih.