1 PETER 2:2 - Pathien Lekhabu Inthieng (BSI)

² naute pieng tharhai angin thla- rau tieng nênetui iengkhawm pawl lo chu châk ro, chutaka chun sandamna tling khawpa in inṭhang lien theina dingin.

1 PETER 2:2 Iomraidhean Croise

2 SAMUEL 23:5

Ei sûngkuo chu Pathien kuoma inthawk a ni naw am a nih? Chatuon thuthlung ka kuomah a thlung a; Iengkim fel le suknghet tlatin; Ka sandamna kim le duthusâm kim, Ân der suoktir naw ding maw?

JOB LEKHABU (THE BOOK OF JOB) 17:9

Mi fel chun a lampui chu chel zing a ta, Kut faihai neitu chu hung hrât deu deu a tih.

THUVARHAI 4:18

Mi fel lampui ruok chu zîng khawvar ang a na, Sûn chang lai chena var deu deu ang chu.

HOSEA 14:5

Israel kuoma chun daidaw ang nîng ka ta, Ama chu lili angin hung vul a ta, Lebanon tlânga thing zung angin a zung thlâk dar a tih.

HOSEA 14:7

A hlima chênghai chu hung kîr an ta, Bu ang hring thar an tih, Grêp hrui angin hung inno an ta; A rim inhnikzie chu Lebanon uoin ang nîng a tih.

HOSEA 6:3

LALPA hrietna chu hnawt pei ei tiu khai, hrieng ei tiu; Zîng khawvar anga inkhêl ruol loin ân thawk suok ngei hlak; Ei kuomah ruo angin, ruo nuhnung, hnuoi sukhutu ang elin hung tlung a tih,” tiin.

MALAKI 4:2

Amiruokchu, nangni ka hming ṭituhai chunga ruok chun felna nisa, a thlahaia sukdamna leh hung suok a ta; chuongchun, fe suok in ta, ran ina bâwngtêhai inhnel angin inhnel tâng in tih.

MATTHAI 18:3

“Titakzetin ka ti cheu hi, in inleta naupangte ang in hung ni naw chun, vân ramah lût naw tawp in tih.

MATTHAI 19:14

Isu ruok chun, “Naupangtêhai ka kuomah inhungtir unla, khap naw ro; vân ram chu hieng ang mi ta a ni sih a,” a ta.

MARKA 10:15

Titakzetin ka hril cheu, tû- khawm Pathien ram chu naupang- têin a lâwm anga lâwm naw phawt chu a sûngah lût naw tawp an tih,” a ta.

LUKA 18:17

Titakzetin ka hril cheu hi, tûkhawm Pathien ram chu nau- pangtêin a lâwm anga lâwm naw phawt chu a sûngah lût naw tawp an tih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:4

Chuleiin, a thinaa baptisma ei changin, a kuomah phûmin ei um veh a; Pa ropuinain mithi laia inthawka Krista a keitho ang khan, eini khawm hringna thara ei um theina dingin.

1 KORINTH 14:20

Unauhai, lungril tieng naupang naw ro; nisienlakhawm, suol kawnga chu nautê ang ni unla, lungril tienga chun puitling ro.

EPHESI 2:21

Amaa chun lung rem tum senghai, inremtaka inchuktuokin, Lalpaa chun biekin inthiengah ân chang pei hlak a,

EPHESI 4:15

hmangaia thu diktak hrilin, iengkimah amaah inṭhang lien thei lem ei tih; ama chu Lu a na, Krista chu.

2 THESSALONIKA 1:3

Unauhai, nangni chungthua hin Pathien kuomah lâwmthu hril rawp ding hi kan ni hrim a; chu chu a âwm hrim a nih, in ringna chu nasataka inṭhang lienin, in rênga in inhmangai tuo sengna chu a pung nâwk zuol sih a.

1 PETER 1:23

Chi se theia inthawkin ni loin, Pathien thu hring zing le um zinga chun, chi se thei nawa inthawka pieng thar in ni sih a.

2 PETER 3:18

Amiruokchu, ei Lalpa le San- damtu Isu Krista lunginsietna le hrietnaa chun inṭhang lien ro. Tuta le chatuon chenin ama kuoma chun ropuina um raw se. Amen.