1 JOHAN 4:9 - Pathien Lekhabu Inthieng (BSI)

⁹ Hitaka hin Pathien hmangaina ei chungah a hung inlang tah, ama leia ei hring theina dinga Pathienin a Naupa nei sun khawvêla a hung tira hin.

1 JOHAN 4:9 Iomraidhean Croise

INṬANNA 22:2

Chun, Pathien chun, “I naupa, i naupasal nei sun, i lunginsiettak, Isak ngei kha ṭhuoi la, Moria rama chun fe la, chutaka chun tlâng pakhat hril ka ti cheh a, pumrawhmang inhlânah inhlân rawh,” a tih a.

INPÂKNA HLABU 2:7

Thuruot chu ka hril ding a nih: LALPA chun ka kuomah, “Nang chu ka naupa i nih; Vawisûn hin ka nei che a nih.

MARKA 12:6

Chun, pakhat, naupa dittak chu a la nei a, ‘Ka naupa hi chu inza êm naw ni hai am,’ tiin ama chu a nuhnungtakah an kuomah a tir a.

LUKA 4:18

“Riengvaihai kuoma Chanchin Ṭha hril dinga a mi ruot leiin, Lalpa Thlarau chu ka chungah a um; Ama chun salhai kuoma suokna thu le, Mitdelhai kuoma mitvar nei nâwkna thu hril ding dâm, Suknawmnat tuorhai insuoktirna ding dâm,

JOHAN 10:10

Inruhmang chu, inru ding le, sukhlum ding le sukse ding naw chun a hung nawh; kei chu hringna an neina dingin, tamtaka an neina dinga hung ka nih.

JOHAN 14:6

Isûn a kuomah, “Kei hi lampui le thutak le hringna ka nih; keimaa fe naw chu tukhawm Pa kuom an tlung ngai nawh.

JOHAN 3:16

Pathienin khawvêl a hmangai bêk bêk a, chuongchun, a Naupa khât nei sun chu a pêk a, ama chu tûkhawm a ring taphawt chu an bohmang nawh a, chatuona hringna an nei lemna dingin.

JOHAN 3:18

“Tûkhawm ama ring chu inthiemloin um naw ni hai, tukhawm a ring naw chu tuta inthawkin in- thiemloin an um nghâl a nih, Pathien Naupa khât nei hming an ring naw leiin.

JOHAN 5:23

mi po poin Pa an inza angin Naupa khawm an inzana dingin. Tûkhawm Naupa inza naw chu Pa, ama tirtu inza naw a nih.

JOHAN 6:29

Isu chun an kuomah, “Pathien sin thaw chu hi hi a nih, a mi tir hi ring unla,” a ta, a dawn a.

JOHAN 6:51

Kei hi vâna inthawka bei hring hung ṭum chu ka nih, tûkhawmin hi bei hi a fâk chun chatuonin hring zing a tih, anih, khawvêl hringna dinga ka ipêk ding bei chu, ka taksa hi a nih,” a ta.

JOHAN 6:57

Pa hring chun a mi tir a, Pa zâra hring ka ni ang bawkin, tûkhawm a mi fa chu keia zârin hring vêng a tih.

JOHAN 8:29

A mi tirtu chu ka kuomah a um, a mi thlâthlam nawh; a thil lâwm zâwng taphawt ka thaw pei hlak leiin,” a ta.

JOHAN 8:42

Isûn an kuomah, “Pathien in Pa a ni chun nangnîn mi hmangai naw ti niu am; Pathien kuoma inthawka suok le a kuoma inthawka hung ka ni sih a; keima thua hung ka ni bawk nawh, ama chun a mi tir lem a nih.

JOHAN 9:3

Isûn, “Hi mipa hin a suksuol nawh, a nu le a pain an suksuol bawk nawh, Pathien sinthaw a chunga ân langna dingin a ni lem.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:32

Ama naupa ngei khawm hla loa, ei rênga aia petu chun, thil dang po po khawm a thlâwnin a mi pêk sa naw ding am a nih?

HEBRAIHAI 1:5

Vântirko hai laia tu kuom am hi thu hi a hril hlak a? “Nang chu ka Naupa i nih, Vawisûn hin ka nei che a nih,” ti le, “A ta dingin Pa ning ka ta, Ama chu keia ta dingin Naupa ning a tih,” ti hi.

1 JOHAN 3:16

Hitaka hin hmangaina chu ieng am a ni ei hriet, ama chun ei ta dingin a hringna a pêk ta leiin, eini khawmin unauhai ta dingin ei hring- na ei pêk ve ding a nih.

1 JOHAN 4:10

Hitaka hin hmangaina a um, einin Pathien ei hmangai ka ti a ni nawh a, amain a mi hmangai a, ei suolhai thuphachawina ni dingin a Naupa a hung tir ka ti lem a nih.

1 JOHAN 4:16

Pathienin einia hmangaina a inei chu ei hriet a, ei awi bawk a nih. Pathien chu hmangaina a nih, hmangainaa um zing chu Pathienah a um zing a, Pathien khawm amaah a um zing a nih.

1 JOHAN 5:11

Inhriettirna chu hi hi a nih, Pathienin chatuona hringna a mi pêk a, chu hringna chu a Naupaah a um a nih.

1 JOHAN 5:13

Chatuona hringna in nei ti in hriet theina dingin, nangni Pathien Naupa hming ringtuhai kuomah hieng thu hi ka ziek a nih.