1 JOHAN 4:10 - Pathien Lekhabu Inthieng (BSI)

¹⁰ Hitaka hin hmangaina a um, einin Pathien ei hmangai ka ti a ni nawh a, amain a mi hmangai a, ei suolhai thuphachawina ni dingin a Naupa a hung tir ka ti lem a nih.

1 JOHAN 4:10 Iomraidhean Croise

DANIEL 9:24

Hapta sâwm sarihai chu i mihai le khaw inthieng ta dinga bawsiet- nahai insûmna ding le suolnahai bân- sanna ding le, khawhlona ta dinga inremna siema, kumkhuoa felna chu insuona ding le, thilhmulâwk le hrillâwkna chu khârkhumna ding le, Hmun Inthiengtak chu hriek nâlna hun dinga pêk a nih.

JOHAN 13:34

“Thupêk thar ka pêk cheu hi, inhmangai tuo unla; keiin ka hma- ngai ang cheu hin, nangni khawm inhmangai tuo ro.

JOHAN 15:16

Nangnîn in mi thlang nawh a, keiin ka thlang lem cheu a, va ra ding le in ra chu um zing dingin ka ruot bawk cheu a nih; ka hminga Pa kuoma in hni taphawt a pêkna ding cheuin.

JOHAN 3:16

Pathienin khawvêl a hmangai bêk bêk a, chuongchun, a Naupa khât nei sun chu a pêk a, ama chu tûkhawm a ring taphawt chu an bohmang nawh a, chatuona hringna an nei lemna dingin.

JOHAN 6:51

Kei hi vâna inthawka bei hring hung ṭum chu ka nih, tûkhawmin hi bei hi a fâk chun chatuonin hring zing a tih, anih, khawvêl hringna dinga ka ipêk ding bei chu, ka taksa hi a nih,” a ta.

HEBRAIHAI 2:17

Chuongchun, mihai ta dingin suol thuphachawina siempêk dingin, Pathien tieng thilhaia chun, Thiem- pu Laltak, mi lâinatthei le ringum tak a ni theina dingin, iengkima a unauhai anga hung um chu a ṭûl hrim a nih.

1 PETER 2:24

Suol tiengahai thi tain felna tienga ei hring theina dingin, ama ngeiin a taksain thinga khan ei suolhai a phur a, ama vuokna invuol- hai chun sukdamin in um tah a.

1 PETER 3:18

Pathien kuoma a mi ṭhuoi theina dingin Krista chun suolhai leiin vawikhat a tuor bawk sih a, mi fel chun mi fel naw aiin a tuor a, tisaa sukhlumin a um a, thlaraua ruok chun sukhringin a um tah.

1 JOHAN 2:2

Ama chu ei suolhai thupha- chawina a nih; eini suol chau ni loin, khawvêl po po suol thuphachawina khawm a nih.

1 JOHAN 3:1

Ngai ta u, Pain a mi hmangaina chu a va nasa de! “Pathien nauahai,” a mîn bûk ta chu; chuong ang chu ei ni hrim a nih. Hi hi lei hin khawvêlin a mi hriet naw a nih, ama chu an hriet naw leiin.

1 JOHAN 4:19

Amain a mi hmangai hmasak leiin ei hmangai a nih:

1 JOHAN 5:11

Inhriettirna chu hi hi a nih, Pathienin chatuona hringna a mi pêk a, chu hringna chu a Naupaah a um a nih.