1 JOHAN 4:1 - Pathien Lekhabu Inthieng (BSI)

¹ Dittakhai, thlarau nazawng chu ring naw ro, amiruokchu, thlarauhai chu Pathiena inthawk an ni le ni naw infie ro; thuhriltu tehlêm tamtak khawvêlah an hung suok ta leiin.

1 JOHAN 4:1 Iomraidhean Croise

1 LALHAI 13:18

Chun, ama chun a kuomah, “Kei khawm nanga ang bawka zâwlnei ka ni annâwm, vântirkoin, LALPA thuin, ‘Bei dâm fah a, tui dâm dâwn dingin i in tieng ṭhuoikîr nâwk raw khai,’ tiin a mi biek i sawnnaw,” a ta. Nisienlakhawm, a kuoma chun khêl a hril a nih.

THUVARHAI 14:15

Mi mâwl chun thu tinrêng el hi a ring a, Mi var ruok chun a fena chu a en ngun hlak.

JEREMIA 14:14

chun, LALPA chun ka kuomah a hril a, “Zâwlneihai chun ka hmingin thukhêlhai an hril a; anni chu ka tir nawh a, thu khawm ka pêk nawh a, an kuoma khawm thu ka hril bawk nawh; in kuoma chun thil hmulâwk indik nawhai, khawhri zâwl thuhai, thil iengkhawm ni lo, an lungrila thukhêl chu an hril lem hlak a.

JEREMIA 23:16

Sipaihai LALPA chun hieng hin a tih: “In kuoma thuhriltu zâwlneihai thuhai chu ngai naw unla, anni chun teplo mei mei an inchûktir cheu a nih, an lungrila thil hmulâwk chu an hril a, LALPA baua inthawka mi chu ni loin.

JEREMIA 5:31

zâwlneihai chun indik lotakin an lo hrillâwk a, thiempuhai hlak chun anni thu ang angin ro an lo rêl tah a, ka mihai hlak chun, chuong chu nei an lo châk bawk sih a: a tâwpa chun ieng am thâw tâng i ta?

MARKA 13:21

“Chun, chu phâle chun, tû- khawmin in kuomah, ‘En ta, Krista chu hiva hin a um,’ amanih, ‘En ta, sawva saw,’ amanih an ti chun awi naw ro.

LUKA 12:57

“Iengdinga nangnîn a fel chu in ngaituo naw am a na?

LUKA 21:8

Chun, ama chun, “An hlêm nawna ding cheuin fîmkhur ro. Mi tamtakin, ‘Krista chu ka nih,’ ‘Ahun a tlung ding a ni tah,’ tiin keia hming sâlin an hung ding a nih; chuonghai chu zui naw ro.

THILTHAWHAI 17:11

Chutaka mihai chu Thes- salonika mihai nêk chun an lo ṭha lem a, chuongchun, lungril lâwmtakin thu chu an pawm a, an thu hril chu ân dik le ân dik naw hrietna dingin ni tin Pathien Lekhaah an zawng hlak a.

THILTHAWHAI 20:29

Ka fe hnungin satene hrânghai nangni lai hung lût an ta, pâwlruol chu hla naw ni hai ti ka hriet.

1 KORINTH 12:10

mi dang kuomah thilmak thaw- theina pêk a nih; mi dang kuomah thuhril theina pêk a nih; mi dang kuomah thlarauhai hriet dik theina pêk a nih; chun, mi dang kuomah ṭawng hrietlo chi dang danghaia thuhril theina pêk a nih; mi dang kuomah ṭawng hrietlohai hrilfie theina pêk a ni sih a;

1 KORINTH 14:29

Thuhriltuhai khawmin, pahniin amanih, pathumin amanih, hril sienla, mi danghai chun nguntakin ngaituo raw hai se.

1 THESSALONIKA 5:20

Thu hrilhai hmusit naw ro;

1 THESSALONIKA 5:21

iengkim infie lem unla, a ṭha ṭha chu pawm tlat ro.

2 THESSALONIKA 2:2

“Lalpa Ni chu a tlung zing tah,” tina thlarau leiin amanih, thu leiin amanih, kan kuoma inthawka lekha- thawn ang leiin amanih, in lungril inhnîng el nawna ding le in buoi bawk nawna dingin kan ngên cheu a nih.

1 TIMOTHE 4:1

Nisienlakhawm, Thlarau chun chiengtakin a hril: nakie pha chun mi ṭhenkhathai chun ṭhuoi hmangna thlarauhai le khawhrihai inchûktirna thu ngaisakin ringna chu la bânsan an tih, mi khêlhliphai vervêkna leiin ti hi.

2 TIMOTHE 3:13

Mi suol le hlêmtuhai ruok chu mihai hlêmin le hlêma umin suol zuol deu deu an tih.

2 PETER 2:1

Nisienlakhawm, mihai lai chun zâwlnei tehlêmhai khawm an hung suok kha, chuong ang bawkin nangni lai khawm inchûktirtu tehlêmhai la hung um an tih, anni chun anni inchawtu Lalpa meu chu inphatsanin, mi sukse thei ringna tumhai inrûkin la hung lûtpui an ta, mâni chungah kârloa bohmangna intlungtir an tih.

1 JOHAN 2:18

Nauhai, hun nuhnung tak chu a ni tah, Krista kaltu hung a tih ti in hriet ang khan, tu khawm hin Krista kaltu tamtak an hung suok tah; chuleichun, hun nuhnung tak a ni tah ti ei hriet.

1 JOHAN 2:7

Dittakhai, thupêk thar chu in kuomah ka ziek nawh a; thupêk hlui a tira inthawka in nei kha, ka ziek lem a nih. Chu thupêk hlui chu in thu hriet ta hnung kha a nih.

2 JOHAN 1:7

Hlêmtu tamtak — Isu Krista chu tisain a hung ti ṭan nawtuhai kha — khawvêla hin an hung suok ta sih a. Chuong ang mi chu an nih, hlêmtu le Krista kaltu chu.

3 JOHAN 1:11

Dittak, suol chu inchûk naw la, ṭhat chu inchûk lem rawh. Thil ṭha thawtu chu Pathiena inthawk a na, thil suol thawtu chun Pathien a hmu ngai nawh.

THUPUONGSUO 2:2

I thilthawzie dâm, i sininrimzie dâm, i selzie dâm, mi suolhai i ngaitheinawzie dâm ka hriet. Tirko ni si loa tirko intihai chu I fie bawk a, khêlhlip an nih ti i lo hriet tah a.