1 JOHAN 3:6 - Pathien Lekhabu Inthieng (BSI)

⁶ Tûkhawm amaa um zing chun thil a suksuol nawh; tûkhawm thil suksuol chun ama chu a hmu nawh a, hriet khawm a hriet bawk nawh.

1 JOHAN 3:6 Iomraidhean Croise

2 KORINTH 3:18

Chuongchun, keini chu kan rêngin hmai inkhum loin, hlimen anga Lalpa ropuina sunvarin, ropui- naa inthawka ropui peiin, chu angpui ngeia um dingin, sukdanglamin kan um hlak, Lalpaa (Thlaraua) inthawk- a kan hmu ang peiin.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta sih a.

1 JOHAN 2:28

Chuongchun, nauhai, amaah um zing ro; chuongchun, ama chu hung inlâr sien khawm, a hungin a hmaah inzak loin huoitakin um thei ei tih.

1 JOHAN 2:3

Chun, a thupêkhai pawm ei ni chun, chutaka chun ama chu ei hriet ti ei inhriet.

1 JOHAN 2:4

A thupêkhai pawm si loin, “Ama ka hriet,” titu chu mi khêlhlip a nih, thutak amaah a um nawh.

1 JOHAN 3:2

Dittakhai, tuhin Pathien nauhai ei na, iengtin am ei um ding ti chu a lân lang hri nawh a; ama a hung inlang pha chun ama angin ei um ding a nih ti chu ei hriet, ama chu a um pângngai angtakin ei hmu ding a ni sih a.

1 JOHAN 3:9

Tûkhawm Pathien inei chun, Pathien chi amaa a um zing leiin thil a suksuol ngai nawh; Pathien inei a ni leiin thil a suksuol thei bawk nawh.

1 JOHAN 4:8

Hmangaina nei naw chun Pathien a hriet nawh; Pathien chu hmangaina a ni sih a.

1 JOHAN 5:18

Tûkhawm Pathien inei chun thil a suk suol nawh ti ei hriet; Pathien inei khan ama chu a hum zing a. Mi suol chun tâwk khawm a tâwk thei naw hrim a nih.

3 JOHAN 1:11

Dittak, suol chu inchûk naw la, ṭhat chu inchûk lem rawh. Thil ṭha thawtu chu Pathiena inthawk a na, thil suol thawtu chun Pathien a hmu ngai nawh.