1 JOHAN 3:10 - Pathien Lekhabu Inthieng (BSI)

¹⁰ Hitaka hin Pathien nauhai le Diebol nauhai ân hriet a nih; tû- khawm felna thaw naw chu Pathiena inthawka suok a ni nawh a, a unau hmangai naw khawm chu Pathiena inthawka suok a ni bawk nawh.

1 JOHAN 3:10 Iomraidhean Croise

2 SAMUEL 13:22

Chun, Absalom chun Amnon kuoma chun a sie a ṭha, iengkhawm a hril nuom nawh a; Absalom chun a farnu Tamar chu a lo thawlui lei chun Amnon chu a theida hle a nih.

MATTHAI 13:38

Lo chu khawvêl hi a na; chi ṭhahai chu Ram nauhai an na; bu tehlêmhai chu suol nauhai an nih.

LUKA 6:35

Amiruokchu, in hmêlmahai hmangai unla, an ṭhatna ding thaw unla, inpûktir ro, beidawng dêr loin; chuongchun, in lâwmman tam a ta, Achunghnungtak nauhai ni bawk in tih; ama chun mi lâwmnachâng hre lohai le mi suolhai a lunginsiet hlak.

JOHAN 1:12

Nisienlakhawm, ama lâwm taphawt chu, an kuomah Pathien nauhai ni theina ding a pêk, a hming ringtuhai chu.

JOHAN 11:52

Chuhai chihai ai chau chun a ni nawh, Pathien nau khawvêla indarhai po po pâwl khata a ṭhuoi khâwmna dingin a ni bawk.)

JOHAN 8:44

Nangni chu in pa diebola inthawka suok in na, in pa dit zâwng thaw in nuom a nih. Ama chu a tîra inthawk tuolthattu a nih, thutakah a um nawh, a sûngah thutak hrim a um naw leiin. Khêl thu a hrilin ama suksuok a hril a ni hlak, khêlhlip a ni si; thukhêl pa khawm a nih.

JOHAN 8:47

Pathien kuoma inthawka suok chun Pathien thu a pawm hlak; hi lei hin in pawm naw a nih, Pathien kuoma inthawka suok in ni naw leiin,” a ta.

THILTHAWHAI 13:10

“Nang mi hlêm le theidaum tinrênga sippa, nang diebol naupa, nang felna tinrêng kawp nawpa, Lalpa kawng feltakhai hi suksiet ma naw ti ni maw?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:8

Inhmangai tuona ngawt naw chu tû iengkhawm bat naw ro; mâni mihriempui hmangaitu chun dân chu a zâwm famkim ta sih a.

EPHESI 5:1

Chuongchun, a nau dittakhai angin Pathien umdân latuhai ni ro.

KOLOSSA 3:14

Chun, chuong po po chunga chun hmangaina inbel ro, chu chu khuop famkimna a nih.

1 TIMOTHE 1:5

Nisienlakhawm, kâwkna san chu lungril inthieng le, sie le ṭha hrietna inthieng le, ringna taktaka inthawka hung suok hmangaina chu an nei theina dingin a nih;

1 JOHAN 2:29

Ama chu mi fel a nih ti in hriet chun, mi tûkhawm felna thaw chu ama inei a ni ti in hriet.

1 JOHAN 3:1

Ngai ta u, Pain a mi hmangaina chu a va nasa de! “Pathien nauahai,” a mîn bûk ta chu; chuong ang chu ei ni hrim a nih. Hi hi lei hin khawvêlin a mi hriet naw a nih, ama chu an hriet naw leiin.

1 JOHAN 3:2

Dittakhai, tuhin Pathien nauhai ei na, iengtin am ei um ding ti chu a lân lang hri nawh a; ama a hung inlang pha chun ama angin ei um ding a nih ti chu ei hriet, ama chu a um pângngai angtakin ei hmu ding a ni sih a.

1 JOHAN 4:21

Ama kuoma inthawkin hi thupêk hi ei nei “Tukhawmin Pathien a hmangai chun a unau khawm a hmangai bawk ding a nih,” ti hi.

1 JOHAN 4:6

Eini Pathiena inthawk ei na; Pathien hretu chun ei thu a ngai hlak a, Pathiena inthawka mi ni lo chun ei thu a ngai ngai nawh. Chuonga chun thlarau indiktak le indiknaw ei hriet a nih.

1 JOHAN 4:8

Hmangaina nei naw chun Pathien a hriet nawh; Pathien chu hmangaina a ni sih a.

1 JOHAN 5:19

Chun, Pathiena inthawk ei nih ti le, khawvêl pumpui hi Mi Suol thu thuin a um ti ei hriet.

1 JOHAN 5:2

Hitaka hin Pathien nauhai ei hmangai ti ei hriet, Pathien ei hmangai a, a thupêkhai ei zâwm hin.

3 JOHAN 1:11

Dittak, suol chu inchûk naw la, ṭhat chu inchûk lem rawh. Thil ṭha thawtu chu Pathiena inthawk a na, thil suol thawtu chun Pathien a hmu ngai nawh.