1 JOHAN 2:16 - Pathien Lekhabu Inthieng (BSI)

¹⁶ Khawvêla thil um po po, tisa châkna dâm, mit châkna dâm, dam sûng ropuina tehlêm dâm hi Paa inthawka suok a ni nawh a, khawvêla suok a ni lem sih a.

1 JOHAN 2:16 Iomraidhean Croise

INṬANNA 3:6

Chuongchun, nuhmei chun thing ra chu fâk mi a nih ti le, mitlatak a nih ti le, mi sukvar dingin thing ra inhnarumtak a nih ti a hriet chun a ra ṭhenkhat chu a lo a, a fâk tah a; chun a pasal kuoma chun a pêk a, ama khawm chun a fâk tah a.

INṬANNA 6:2

Pathien naupasalhai chun mi- hriem naunuhmeihai chu hmêl ṭhatakin an hmuh a; chuongchun, an dit zâwng taphawthai chu nuhmeiah an nei tâwl hlak a.

JOB LEKHABU (THE BOOK OF JOB) 31:1

“Ka mit leh thuthlung ka siem a, Iengtin am nunghâk chu en tâng ka ta?

INPÂKNA HLABU 73:6

Chuleiin, chapona chun khai- diet angin an rîng a zem a, Nunsietna chun silfên angin a tuom a.

INPÂKNA HLABU 78:18

An châkna sukre dinga fâk ding hniin, An lungrilin Pathien an fieh a.

INPÂKNA HLABU 78:30

An châk a la re nawh a, An bu chu an bauah a la um a.

THUVARHAI 27:20

Seol le Abaddon chu an khawp ngai nawh a, Mihriem mithai khawm chu an lungawi ngai nawh.

THUVARHAI 6:25

I lungrila chun a mawina chu châk naw la, A mitsîrhai chun nang chu kuoi bawk naw raw se che.

DANIEL 4:30

Lal chun a hril a, “Hi hi Babulon ram ropuitak, ka thilthawtheina hrât nasatak chun, lal chêngna ding le, ka în lalna ropuina dinga ka siem chu a ni naw am a nih?” a ta.

NAMBAR 11:34

Chu hmun hminga chun Ki- broth-hattaava an ta; chutaka chun châkna neituhai chu an phûm leiin.

NAMBAR 11:4

Anni laia hnam danghai le innei pawlhai chun châkna nasatak an hung nei ta a; Israel thlahai khawm an ṭap nâwk a, “Tuin am sa fâk ding mi pêng a ta?

MATTHAI 4:8

Chun, diebol chun tlâng insâng- takah a ṭhuoi nâwk a, khawvêl ram po po le a ropuina chu ân entir a.

MATTHAI 5:28

Kei ruok chun, tukhawm nu- hmei dit ena en taphawt chun, a lungrilah a uire zing a nih ti ka hril cheu hi.

LUKA 4:5

Diebol chun a ṭhuoi tung a, mit khap kâr loin khawvêl ram po po ân entir a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:14

Lalpa Isu Krista chun inthuom lem unla, in tisa inhâwkna puitlin dingin iengkhawm insiem naw ro.

1 KORINTH 10:6

Chun, chuong chu eini ta dingin inentirna a nih, thil suol an châk ang bawk khan ei châk ve nawna dingin.

GALATI 5:17

Tisa hin Thlarau dona tieng ân hâwk hlak, Thlarau khawmin tisa dona tieng ân hâwk bawk si hlak a, thil thaw in itumhai chu in thaw thei nawna dingin chuonghai chu an inkal sih a.

GALATI 5:24

Chun, Krista Isu mihai chun tisa chu a suol ngaituona le a châknahai pumin an hemde tah.

EPHESI 2:3

Chuong ringnaw nauhai laia chun, eini khawm inhma chun tisa le lungril nuomzâwng thawin, ei tisa châknahai angin ei um vawng a, mi danghai angin lunginsenna naua insieng hrim ei ni kha.

TITA 2:12

Pathien ngaisak nawna le, khawvêl châknahai bânsanin, tulai khawvêla hin insûm le feltak le Pathien ngaisakin ei um ding a nih ti mîn chûktirin,

TITA 3:3

Eini khawm inhma khan invêt tak dâm, thu awi naw dâm, hlêma um dâm, châkna le lâwmna tinrêng rawng bâwl dâm, suol le îtthîk hmanga um dâm, tirdakum dâm, intheida tuo dâm ei ni sih a.

JAKOB 3:15

Chu varna chu chung tienga inthawka hung thla chu a ni nawh a, khawvêl le taksa châkna le khawhria inthawk a ni lem.

JAKOB 4:16

Nisienlakhawm, in uongnahai hi in suong lem sih a; chuong ang suongna po po chu suol a nih.

JOSUA 7:21

râllâk laia mi Babulon ram puon ṭhatak le, tangka shekel za hni le, rângkachak tlang shekel sâwmnga bûk ka hmuh a, kân hnar êm a, ka lâk el a nih; chun, ngai ta, ka puon in sûngah hnuoiah thuphmang a na, tangka chu chu hnuoia chun a um,” a tih a.

1 PETER 1:14

nau tiawihai angin, in hriet naw laia in tienlai châknahai anga um loin;

1 PETER 2:11

Dittakhai, mikhuol le khuolfe in ni leiin, thlarau do hlaktu tisa châknahai bânsan dingin ka ngên cheu.

2 PETER 2:10

châkna inthieng naw kawnga tisa anga um le, rorêlpêkna hmusit- tuhai lem lem chu rorêl nia dingin hrem puma khêk dân a hriet nâwk zuol a nih. Invêthuoi le kâwmaw an na, ropuinahai an hrilsiet khawmin an inthin ngai nawh.

2 PETER 2:18

Thu teplo uortak taka hrilin, suola umhai laia inthawka tlân suok zinghai chu tisa châknaa hurnain an thlêm thlûk hlak sih a.