1 JOHAN 2:11 - Pathien Lekhabu Inthieng (BSI)

¹¹ Mâni unau theidatu ruok chu inthimah a um a, inthimah ân vâk bawk a nih; inthimin a mit a sukdel ta leiin a fena khawm a hriet ngai nawh.

1 JOHAN 2:11 Iomraidhean Croise

2 SAMUEL 13:22

Chun, Absalom chun Amnon kuoma chun a sie a ṭha, iengkhawm a hril nuom nawh a; Absalom chun a farnu Tamar chu a lo thawlui lei chun Amnon chu a theida hle a nih.

THUVARHAI 4:19

Mi khawhlohai lampui chu inthimna ang a na, Ieng âm an insui ti khawm an hriet nawh.

THUHRILTU 2:14

Mi var mithai chu a lua chun a um a, mi invêt ruok chu inthimah a lâwn; amiruokchu, an rênga chungah khawrêl angkhat a tlung tho ti ka hmuh a.

LEVI DÂN 19:17

I lungrilin i unau i theida ding a ni nawh, i tuolbâwm chu i kâwk ngei ding a nih, a suolnaa în thiengna dingin.

JOHAN 12:35

Chun, Isûn an kuomah, “Var hi nangni lai sâwt nawte a la um hri hi, var in nei sûng hin lêng ro, inthimin a nang nawna ding cheuin; tûkhawm inthima lêng chun a fena chin a hriet ngai nawh.

JOHAN 12:40

“Amain an mit a sukdel a, An lungril a sukvêt a; Chuong naw chun, an mitin hmu rawi an ta, An lungrilin hre rawi an ta, Ngha kîr nâwk rawi an ta; Keiin anni sukdam rawi ka tih,” ti a hril nâwk lei hin.

2 KORINTH 3:14

An lungril ruok chu sukngarin a um ta lem a; vawisûn chen khawm hin thuthlung hlui chu an tiemin inkhumna pângngai chu hlîm loin a um zing sih a; chu inkhumna chu Kristaa chun sukboin a um tah a.

2 KORINTH 4:4

Krista Pathien angpui, a ropuizie Chanchin Ṭha var chun anni a sunvar thei nawna dingin chuongahai chun khawvêl pathienin awinawhai mit a sukdel tah a.

TITA 3:3

Eini khawm inhma khan invêt tak dâm, thu awi naw dâm, hlêma um dâm, châkna le lâwmna tinrêng rawng bâwl dâm, suol le îtthîk hmanga um dâm, tirdakum dâm, intheida tuo dâm ei ni sih a.

2 PETER 1:9

Tûkhawm chuong thil nei naw chu mitdel a na, hnaitaka mi chau a hmu thei a, hi hmaa a suolhai sâwpfai pêkna chu a theinghil ta sih a.

1 JOHAN 1:6

Inthima um siin, “Ama ka pâwl,” ei ti chun khêl ei hril a nih, thutak khawm chu ei zâwm nawh.

1 JOHAN 2:10

Mâni unau hmangaitu chu vara chun a um zing a, amaa chun tlûkna hrim a um nawh.

1 JOHAN 2:9

Mâni unau theida sih a, “Varah ka um,” titu chu, tu chen khawm hin inthimah a la um zing a nih.

1 JOHAN 3:15

Tûkhawm a unau theida chu tuolthat a nih; tuolthattu tûkhawm chatuona hringna nei zing hrim an um nawh ti in hriet sih a.

1 JOHAN 4:20

Miin, “Pathien ka hmangai,” tiin a unau theida si sienla, ama chu khêlinhlip a nih; a unau a ihmu zing ta hman a hmangai naw chun, Pathien a ihmu ngai naw chu iengtin am hmangai thei a ta?

THUPUONGSUO 3:17

‘Ka hausa a, sum ka hau a, iengkhawm ka tlasam nawh,’ i ti lei le, nang mi rimsi, lungsietum, pasie, mitdel, saruok chu i ni ti în hriet naw leiin,