1 JOHAN 1:9 - Pathien Lekhabu Inthieng (BSI)

⁹ Ei suolhai thupha ei chawi chun, ei suolhai ngaidam ding le, ei felnaw- na po po sâwpfai dingin ama chu ring a umin a fel a nih.

1 JOHAN 1:9 Iomraidhean Croise

1 LALHAI 8:30

Chun, i siehlaw le i mi Israelhai hin hi hmun tieng nghaa an ṭawngṭai pha chun an hninahai chu lo ngaipêk hlak la, anih, i chêngna hmun vâna inthawk chun lo ngai la; chun, lo ngaiin ngaidam la.

1 LALHAI 8:47

sala an ṭhuoina rama an inngaituo suok a, an insîr a, ‘Thil ei lo suksuol a, indiknawtak le suoltakin ei lo thaw a ni tah,’ tia an hung ngên cheh a,

NEHEMIA 1:6

Israel thlahai suolna, i chunga kan suolna thupha ka chawi sûng hin i na lo sit la; i mit lo meng la, i siehlaw ṭawngṭaina, i kuoma a sûn a zâna i siehlaw Israel thlahai ka ngênpêkna hi lo ngaithlapêk la; kei le ka pa sûnghai chu kan lo suol ta sih a.

INPÂKNA HLABU 19:12

Tuin am mâni suksuolhai hre thei a ta? Suol inthuphaia inthawk hin mi sukkieng rawh.

INPÂKNA HLABU 32:5

Ka suolna chu i kuomah ka phuong a, Ka rîtlona chu ka ip ta nawh a, “Ka bawsietna chu LALPA kuomah thupha châwi tâng ka tih,” ka tih a; Chuongchun, ka suol rîtlona chu i lo ngaidam ta kha.

FESUOKNA 34:7

sâng tamtak chunga hmangai- naa sip, khawhlona le bawsietna le suolna ngaidam hlak, thiemnawa ngaihai ruok chu iengti khawma inthla el ngailo, pahai rîtlona nauhai, nauhai nauhai nâwk le suon thumna le suon lina chen chunga thung hlaktu a nih,” tiin a phuong tah a.

THUVARHAI 28:13

Mi a bawsietna inkhumtu chu hlawtling naw nih a, Thupha chawia, nghatsan hlaktu ruok chun zângaina hmûng a tih.

ISAI 45:21

Hril unla, hung suksuok ro, anih, inrâwn tâwl raw hai se; inhmaa inthawk tah tuin am ân hriettir a? Tienlaia inthawk tah tuin am a hril a? Kei LALPA hin ka thaw a ni naw am a nih? Keima naw chu Pathien dang hrim an um nawh. Keima naw chu a dang hrim an um nawh; Pathien fel le sandamtu ka nih.

JEREMIA 3:13

I suolna chu hre phawt phawt la, LALPA i Pathien chunga chun i lo bawsiet tah a, thing hring tin hnuoia chun hmêlmakhai kuomah i lo inphal tah a, ka râwl khawm chu i awi bawk ta nawh a, LALPA chun a tih.

JEREMIA 33:8

An suolna po po, ka chunga an lo suksuolnahaia inthawk khan anni chu sukthieng ka ta, an bawsietnahai po po chu ngaidam ka ta, ka chunga an lo suksuolnahai le, ka chunga an lo bawsietnahai chu.

ṬAP HLA 3:23

Zîng tinin an thar a; i ringumna chu a ropui a nih.

EZEKIEL 36:25

Tui inthieng chu thinkhum ka ti cheu a, inthieng tâng in tih; in in- thiengnawna po poa inthawk le in milimhai po poa inthawkin sukthieng ka ti cheu.

EZEKIEL 37:23

Anni chu an milimhai chun insukpawrche ta ngai naw ni hai a, an thil pawrchehai hrim hrim khawm chun, an bawsietnahai chun insuk- pawrche ta bawk naw ni hai; an umna hmun po po, an hnungtawlna, an lo suol tâkna hmunhaia chun anni chu sandam ka ta, sukthieng bawk ka tih; chuongchun, ka mihai nîng an ta, kei khawm an Pathien nîng ka tih.

ZEKARIA 9:9

Aw Zion naunu, nasatakin hlim rawh; aw Jerusalem naunu, inring- takin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngai- tlâwmtakin, sabengtung chungah, sabengtungtê chung ngeia hung chuongin.

MATTHAI 3:6

an suolhai thupha chawiin Jordan vadungah ama kuomah Baptisma an chang tâwl a.

MARKA 1:5

Chun, Judai rama mi po po le Jerusalema mi po pohai chu a kuomah an feh a, an suolhai thupha chawiin Jordan vadungah a kuomah baptisma an chang tâwl a.

LUKA 22:57

Ama ruok chun, “Nuhmei, ama chu ka hriet nawh,” tiin ân phat a.

JOHAN 17:25

Aw Pa feltak, khawvêl chun an hriet naw cheh a, kei ruok chun ka hriet che kha, hienghai khawm hin nangin kei i mi tir ti an hriet kha.

THILTHAWHAI 19:18

Chun, ringnawhai khawm chu a ṭhen tamtak an hung a, an thilthaw- hai thupha an chawi a, an inphuong tah a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:26

Ama ngei chu mi fel a nizie le Isua ringna nei taphawt thiem inchangtirtu a ni zie tulaia inentirna dingin a nih.

1 KORINTH 1:9

Pathien a Naupa ei Lalpa Isu Krista pâwlnaa ko lûttu cheu kha ring a um a nih.

1 KORINTH 6:11

Chun, nangni ṭhenkhat chuong ang mi in ni hlak kha; nisienla- khawm, Lalpa Isu Krista hminga le ei Pathien Thlaraua sâwpfai in ni tah a, sukthieng in ni tah a, thiemchang in ni tah.

EPHESI 5:26

kohran chu tuia sâwpa, thu chun sukfaia ân thieng theina dingin;

DÂN PAHNINA 7:9

Chuleiin, LALPA in Pathien chu Pathien a nih ti hre ro; Pathien ringum, ama hmangaia a thu zâwmtu chunga suon sâng chena thuthlung le lunginsietna innghat zing a,

1 TIMOTHE 1:15

“Krista Isu mi suolhai sandam dingin khawvêla hin a hung,” ti hi ring a umin, pawm tlâk tak a nih; anni laia mi suol tak ka ni hi.

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭha- hnemngaia, ama ta dinga a sukthieng theina dingin ei aiin ân pêk kha.

HEBRAIHAI 10:23

Inhnîng lovin ei beisei thuring hi pawm tlat ei tiu; thutiemtu chu ring a um sih a.

HEBRAIHAI 11:11

Ringnain Sara ngei khawmin, a tiemtu chu ringuma a ruot leiin tar ta hnungin chi pai theina a hmuh a.

HEBRAIHAI 6:10

In sin thaw le a hming leia hmangaina in inlangtir, mi inthieng- hai rawng in ibâwl, tu chen khawma in ila bâwl rawp chu theinghil dingin Pathien chu mi fel naw a ni si nawh a.

1 JOHAN 1:7

Amiruokchu, ama chu vara a um angin eini khawm vara um ei ni chun, ei inpâwl tlâng a nih, chun, a Naupa Isu thisenin ei suol po po a mi sâwpfai pêk hlak a nih.

THUPUONGSUO 15:3

Chun, Pathien suok Mosie le Berâmte hla an sak a, “Aw Lalpa Pathien Iengkimthawthei, I thilthawhai chu a ropuiin a mak a; Nang, hnam tin Laltak, I lampuihai chu a felin ân dik a nih.