1 JOHAN 1:7 - Pathien Lekhabu Inthieng (BSI)

⁷ Amiruokchu, ama chu vara a um angin eini khawm vara um ei ni chun, ei inpâwl tlâng a nih, chun, a Naupa Isu thisenin ei suol po po a mi sâwpfai pêk hlak a nih.

1 JOHAN 1:7 Iomraidhean Croise

INPÂKNA HLABU 104:2

Nang chun var chu puon angin în bel a, Vânhai khi puon in chung angin i kei phar a.

INPÂKNA HLABU 51:2

Ka rîtlonahai hi mi sâwpfaipêk var la, Ka suol hi mi sâwpfaipêk rawh.

INPÂKNA HLABU 56:13

Ka hringna hi thinaa inthawk i sanhim sih a, Ka kehai hi tlu lo dingin i sanhim a ni naw am a nih? Mi hring vara hin, Pathien hmaa ka lêng theina dingin.

INPÂKNA HLABU 89:15

Ri hlimum hre hlak hnam chu an hamṭha ie, Aw LALPA, anni chu i hmêl varah an um hlak,

INPÂKNA HLABU 97:11

Mi fel ta ding chun var hi thêpêk a ni hlak, Lungril indiktak puttu ta ding chun lâwmna thêpêk a ni bawk hlak.

ISAI 2:5

Aw Jakob sûnghai, hung unla, LALPA vara hin lêng ei tiu khai.

ISAI 33:24

Chu khuoa um chun, “Ka damnaw ie,” ti naw nih a, a sûnga mi umhai chu suol ngaidamin um an tih.

ISAI 6:7

ka bau a hang bel a, “Ngai rawh, hi hin i hmûr a tâwk tah; chuong- chun, i khawhlona lâk hmang a ni tah a, i suol khawm tlêngfai a ni tah,” a ta.

AMOS 3:3

An inrem chau naw chun mi pahni chu an intlawn ding am a nih?

ZEKARIA 13:1

“Chu ni chun inthieng nawna le suolnaa dingin, David sûng- kuo le Jerusalema chêngtuhai ta dingin tuikhur hawngpêk nîng a tih,”

MATTHAI 6:12

Kan bathai hi mi ngaidamla, Keini khawmin kan iengkhat battuhai kan ngaidam ang khan.

JOHAN 1:29

Chun, a zînga chun Johanin Isu a kuoma hung ding a hmuh a. Chun, a hril a, “En ta u, Pathien Berâmte khawvêl suol fepuitu ding saw!

JOHAN 12:35

Chun, Isûn an kuomah, “Var hi nangni lai sâwt nawte a la um hri hi, var in nei sûng hin lêng ro, inthimin a nang nawna ding cheuin; tûkhawm inthima lêng chun a fena chin a hriet ngai nawh.

JOHAN 5:4

Akâr po leh dîla chun vântirko a zu feh a, tui chu a sukfâwn hlak a; mi tukhawm ieng ang natna nei khawm ni hai sien, tuifâwn zu pal hmasatak taphawt chu an dam pei hlak sih a.]

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:12

Zân hi a bo vâng vâng tah a, khuo a var ding a ni tah, chuleiin inthimna thilthawhai chu pei inla, var thuomin inthuom ei tiu khai.

1 KORINTH 6:11

Chun, nangni ṭhenkhat chuong ang mi in ni hlak kha; nisienla- khawm, Lalpa Isu Krista hminga le ei Pathien Thlaraua sâwpfai in ni tah a, sukthieng in ni tah a, thiemchang in ni tah.

EPHESI 1:7

A thisen leiin amaa chun ei intlanna ei nei a nih — a lunginsietna hauzie ang peia ei bawsietnahai ngaidamna chu.

EPHESI 5:8

Inhma khan inthim in na, tu ruok hin chu Lalpaa chun var in hung ni ta hi, var nauhai angin um ro,

1 TIMOTHE 6:16

Ama chau chun thi thei nawna a nei a, var hnai thei ruol loa chun a um a, ama chu tûkhawmin an hmu ngai nawh a, hmu khawm an hmu thei naw bawk a, ama kuoma chun chatuona chawimawina le thilthawtheina chu um raw se. Amen.

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭha- hnemngaia, ama ta dinga a sukthieng theina dingin ei aiin ân pêk kha.

HEBRAIHAI 9:14

Krista, chatuona Thlarau hmêl- hem loa Pathien kuoma inhlân thisen chun Pathien hring rawng bâwl dingin in sie le ṭha hrietna chu thilthaw thihaia inthawk chun a va sukthieng nasa âwm de!

JAKOB 1:17

Thilpêk ṭha le thilpêk famkim po po chu chung tienga inthawkin, varhai Pa kuoma inthawkin a hung ṭum hlak a nih, amaa chun dang- lamna le inherna hlim hrim hrim a um thei nawh.

1 PETER 1:19

berâmte hmêlhem lo le inthieng nawna kai lo thisen anga, Krista thisen hlu chun intlan in ni lem ti in hriet sih a.

1 JOHAN 1:3

chu kan ihriet le kan ihmu chu in kuomah kan hril ve cheu a ni hi, nangni khawma in mi pâwl ve theina dingin; anih, keini pâwlna chu Pa le a Naupa Isu Krista pâwlna a nih.

1 JOHAN 1:5

Chun, thuincha a kuoma in- thawka kan hriet a, in kuoma kan hril sâwng ding cheu chu hi hi a nih:— Pathien chu var a nih, amaa chun inthim hrim a um nawh.

1 JOHAN 5:6

Hi hi a nih tui le thisena hung chu, Isu Krista hi; tui chauah ni loin, tuia le thisenah a ni lem. Inhriettirtu chu Thlarau hi a nih. Thlarau chu thutak a ni leiin.

1 JOHAN 5:8

Thlarau le tui le thisen chu: chuong pathum chu an inthuruol a nih.

2 JOHAN 1:4

Pa kuoma inthawka thupêk ei hmu ang khan i nau tuhai amanih thutaka umin ka hmu leiin ka lâwm hle a nih.

3 JOHAN 1:4

Ka nauhai thutakah an um ti ka hriet nêka lâwmna nasa lem hrim ka nei nawh.

THUPUONGSUO 1:5

Isu Krista, thu hretu ringumtak, mithi laia inthawka tho hmasatak le hnuoia lalhai rorêltu kuoma inthawk dâm chun, lunginsietna le inremna in kuomah um raw se. A mi hmangai a, a thisenin ei suolhaia inthawkin a mîn tlan suok a,

THUPUONGSUO 12:11

Berâmte thisen lei le an in- hriettirna thu leiin, ama chu an hne a nih; thi ngam khawpin an hringna an ngainêp bawk a.

THUPUONGSUO 7:14

Kei chun a kuomah, “Pu, nangin i hriet annâwm,” ka ta. Ama chun ka kuomah, “Hieng hi rinum nasataka inthawka suokhai kha an nih, an puonhai Berâmte thisena sâwpin an sukvâr tah a.