तीतुस 2:13 - Halbi

¹³ आउर हुन धन्य आशा चो बल्लोने आपलो माहान माहापुरू आउर मुक्ति करू ईशु मसीह चो महिमा चो परकट होतोर बाट टाकते रओत।

परमेस्वर को सच्चो वचन ख जाननू

¹³ अर वा भलो आसा कि एकोमतलब अपनो महान परमेस्वर अर उध्दार करन वालो यीसु मसी की सक्ति को परघट होन कि रस्ता देखते रैय।

तीतुस 2:13 Iomraidhean Croise

मत्ती 16:27

माने चो बेटा आपलो सरग दूतमन चो संगे आपलो बुआ चो महिमा ने ऐये दे, आउर हुन समया ‘हुन हरकोनी के हुनचो काम चो पुरती करलो फल देयेदे।’

मत्ती 25:31

“जिदलदाय माने चो बेटा आपलो महिमा ने ऐये दे आउर सपाय सरगदूत हुनचो संगे ऐ दे, तेबे हुन आपलो महिमा चो सिंघासन थाने बिराजमान होये दे।

मत्ती 26:64

ईशु हुनचो ले बल्लो, “तुय खुद बललीस; मान्तर मय तुमचो ले ऐ बले बलें सें कि अदायं ले तुमी माने चो बेटा के सर्वशक्तिमान चो उजा बाटे बसलोर, आउर बादरी चो कुमरामन उपरे ऐतोर दका से।”

मरकुस 14:62

ईशु बल्लो, “मय आंय: आउर तुमी माने चो बेटा के सर्वशक्तिमान चो उजा बाटे बसलोर, आउर बादरी चो कुमरामन चो संगे ऐतोर दका से।”

मरकुस 8:38

जोन कोनी ऐ बेबीचारी आउर पापी जाति चो मंजी मोचो ले आउर मोचो गोठमन ले लाज होये दे, माने चो बेटा बले जिदलदाय हुन पवितर सरग दूतमन चो संगे आपलो बुआ चो महिमा संगे ऐये दे, तेबे हुनचो ले बले लाज होये दे।”

प्रेरितो 24:15

आउर माहापुरू ले आशा संगाऊ आंय जोन हुनमन खुद बले संगाऊ आत, कि धरमी आउर अधरमी दुनो चो जीव उठतोर होये दे।

रोमियो 15:13

माहापुरू जोन आशा चो देऊ बिता आय तुमके बिश्वास करतो ने सपाय परकार चो हरिक आउर शान्ति ले भरपूर करो, कि पवितर आत्मा चो सामरत ले तुमचो आशा बाड़ते जाओ।

रोमियो 5:5

आउर आशा ले लाज नी होये, कसनबल्लोने पवितर आत्मा जोन आमके दिआय गेली से हुनचो कारन माहापुरू चो मया आमचो मन ने डालाय गेली से।

रोमियो 8:18

कसनबल्लोने मय समजे से कि ऐ समया चो दुक आउर कलेश हुन महिमा चो पुरे, जोन आमचो उपरे उजागर होतो बिती आय, काई बले नुआय।

1 कुरिन्थियो 1:7

ऐथा ले कि कोनी बर ने तुमके घाटा निआय, आउर तुमी आमचो परबु ईशु मसीह चो परकट होतोर बाट टाकते रऊ आहास।

2 कुरिन्थियो 4:4

आउर हुन बिश्वासिमन काजे, जेचो अकल ऐ संवसार चो ईश्पर आन्दा करून दिलो से, बल्ले मसीह जोन माहापुरू चो सवरूप आय, हुनचो तेजमय नगतखबर चो उजर हुनमन उपरे नी बरो।

2 कुरिन्थियो 4:6

ऐईकाजे कि माहापुरू ची आय, जोन बल्लो, “अंधार थानले उजर बरो,” आउर हुनी आमचो मन-मन ने बरली कि माहापुरू चो महिमा चो पयचान चो उजर ईशु मसीह चो थोमना ले उजर होओ।

कुलुस्सियो 1:23

अगर तुमी बिश्वास चो पाया थाने जमखम बनुन राहा आउर हुन नगतखबर चो आशा के जोन के तुमी सुनलासास नी छांडा, जेचो परचार बादरी चो खाले चो पूईतराय बरमाण्ड ने कराय गेली, आउर जेचो मय, पौलुस, सेवक बनले।

कुलुस्सियो 1:27

जोन थाने माहापुरू परकट करतोर चाह लो कि हुनमन के मालुम होओ कि दुसर जातिमन ने हुन भेद चो महिमा चो किमत काय आय, आउर हुन ऐ आय कि मसीह जोन महिमा चो आशा आय तुमचो ने रऊ आय।

कुलुस्सियो 1:5

हुन आशा करलोर बिती तीज चो लागुन जोन तुमचो काजे सरग ने संगालोर आसे, जेचो बरनन तुमी हुन नगतखबर चो सत बचन ले सुनुन चुकलासास,

कुलुस्सियो 3:4

जिदलदाय मसीह जोन आमचो जीव आय, परकट होये दे, तेबे तुमी बले हुनचो संगे महिमा संगे परकट कराय जाहा।

2 थिस्सलुनीकियो 2:16

आमचो परबु ईशु मसीह खुद ची, आउर आमचो बुआ माहापुरू, जोन आमचो ले मया संगालो आउर अनुग्रह ले अमर शान्ति आउर अच्छा आशा दिलोसे,

2 थिस्सलुनीकियो 2:8

तेबे हुन अधरमी परकट होयेदे, जोन के परबु ईशु आपलो टोंड चो फुक ले मारून पकाये दे, आउर आपलो ऐतो दाय चो तेज ले भसम करेदे।

1तीमुथियुस 1:1

पौलुस चो बाटले जोन आमचो मुक्तिकरू माहापुरू आउर आमचो आशा चो आधार मसीह ईशु चो हुकुम ले मसीह ईशु चो पठालोबिता आय,

2 तीमुथियुस 1:2

लाड़रा बेटा तीमुथियुस चो नाव। माहापुरू बुआ आउर आमचो परबु मसीह ईशु चो बाटले तुके अनुग्रह आउर दया आउर शान्ति मिरते रओ।

2 तीमुथियुस 4:1

माहापुरू आउर मसीह ईशु के गोहई करून जोन जीवतामन आउर मरलो बितामन चो नियाय करे दे, आउर हुनचो परकट होतोर आउर राज चो सुद्धि दियाऊन भाती मय तुके हुकुम देयें से

2 तीमुथियुस 4:8

अगम ने मोचो काजे धरम चो हुन मुकुट संगालोर आसे, जेके परबु जोन धरमी आउर नियायी आय, मोके हुन दिने देये दे, आउर मोके ची नाई मान्तर हुन सपाय के बले जोन हुनचो परकट होतो के लाड़ जानु आत।

तीतुस 1:2

हुन अमर जीवना चो आशा थाने जेचो बायदा माहापुरू, जोन झूठ बोलुक नी सके जुग-जुग ले करलो से,

तीतुस 1:4

तीतुस चो नाव, जोन बिश्वास चो संगती चो बिचार ले मोचो सत बेटा आय: माहापुरू बुआ आउर आमचो मुक्तिकरू मसीह ईशु चो बाटले तुके अनुग्रह आउर शान्ति मिरते रओ।

तीतुस 3:4

मान्तर जिदलदाय आमचो मुक्तिकरू माहापुरू चो किरपा आउर मानेमन उपरे हुनचो मया परकट होली,

इब्रानियो 9:28

असने ची मसीह बले खुबेमन चो पापमन के उठाऊन धरतो काजे गोटक हार बलिदान होलो; आउर जोन लोग हुनचो बाट टाके सोत हुनमन चो मुक्ति चो काजे दुसरहार बिना पाप उठाऊन भाती दका देये दे।

1 पतरस 1:3

आमचो परबु ईशु मसीह चो माहापुरू आउर बुआ चो धन्यबाद होओ, जोन ईशु मसीह चो मरलो थानले जीव उठलोर दुवारा, आपलो बड़े दया ले आमके जीव आशा चो काजे नवा जनम दिलो,

1 पतरस 1:7

आउर ऐ ऐईकाजे आय कि तुमचो परकलो बिती बिश्वास, जोन आईग ले तपालो बिती नाश होतो बिती सोना ले बले कितलो आगर बड़े मोल आय, ईशु मसीह चो परकट होलो ने परशंसा आउर महिमा आउर मान चो कारन ठेबला।

2 पतरस 1:1

शिमोन पतरस चो बाटले, जोन ईशु मसीह चो दास आउर पठालोबिता आय, हुन लोगमन चो नाव जोनमन आमचो माहापुरू आउर मुक्ति करू ईशु मसीह चो धारमिकता ले आमचो असन बड़े मोल बिश्वास परापत करला से।

2 पतरस 3:18

मान्तर आमचो परबु आउर मुक्तिकरू ईशु मसीह चो अनुग्रह आउर पयचान ने बड़ते जाआ। हुनचेई महिमा ऐबे बले होओ, आउर जुग-जुग होते रओ। आमीन।

1यूहन्ना 4:14

आमी दकलु से बले आउर गोहई देऊ आंव कि बुआ बेटा के जगत चो मुक्तिकरू करून पठालो से।

यहूदा 1:21

आपन खुद के माहापुरू चो मया ने बनान संगाहा; आउर अमर जीवना चो काजे आमचो परबु ईशु मसीह चो दया चो बाट टाकते राहा।

प्रकाशितवाक्य 1:7

दका, हुन बादरी चो संगे ऐतो बिता आय, आउर हरकोनी आँईक हुनके दकेदे, मान्तर जोनमन हुनके भेदु रवत हुनमन बले हुनके दकदे, आउर धरतनी चो पुईतराय कुल हुनचो कारन छाती पेटदे। हव। आमीन।