तीतुस 2:12 - Halbi

¹² आउर आमके जनाऊन देऊ आय कि आमी अभक्ति आउर संवसार चो मनमानीमन ले मन फिराऊन भाती ऐ जुग ने सहन करू आउर धरम आउर भक्ति ले जीवना बिताऊ;

परमेस्वर को सच्चो वचन ख जाननू

¹² अर हमका जतावा हैं कि हम अभक्ति अर दुनिया की इच्छा से मन ख फेर ख या दुनिया म धीरज अर धरम अऊर नेक पन से जीवन बिताँय;

तीतुस 2:12 Iomraidhean Croise

मत्ती 12:32

जोन कोनी माने चो बेटा चो बिरूद ने काई गोठ बले दे, हुनचो ऐ अपराध छमा करा जायेदे, मान्तर जोन कोनी पवितर आत्मा चो बिरूद ने काई बले दे, हुनचो अपराध ना तो ऐ लोग ने आउर ना उपरपुर ने छमा करा जाये दे।

मत्ती 16:24

तेबे ईशु आपलो चेलामन ले बल्लो, “अगर कोनी मोचो पाट-पाट ऐऊक चाहा ओ, तेबे आपन खुद चो इन्कार करो आउर आपलो कुरूस उठाओ, आउर मोचो पाट-पाट ऐओ।

मत्ती 28:20

आउर हुनमन के सपाय गोठमन जोन मय तुमके हुकुम दिले से, मानुक सिकाआ आउर दका, मय जगत चो आखरी तक हरमेशा तुमचो संगे आंसे।”

लूका 1:6

हुनमन दुनो झान माहापुरू चो पुरे धरमी रवत, आउर परबु चो सपाय हुकुममन आउर बिदीमन थाने दोष नाहलो चलतो बिता रवत।

लूका 1:75

हुनचो पुरे पवितरता आउर धारमिकता ले जीवभर निडर रऊन भाती हुनचो सेवा करते रवां।

यूहन्ना 14:30

मय अदायं तुमचो संगे आउर खुबे गोठमन नी करें दें, कसनबल्लोने ऐ संवसार चो सरदार ऐये से। मोचो उपरे हुनचो काई निआय;

यूहन्ना 6:25

झील चो हुनपाट जिदलदाय हुनमन हुनके मिलला तेबे बल्ला, “हे रब्बी, तुय ऐथा केबे ईलीस?”

प्रेरितो 24:16

ऐचो ले मय खुद बले कोशिश करूं आंय कि माहापुरू चो, आउर मानेमन चो बाटे मोचो बिबक सदा बेकसूर रओ।

प्रेरितो 24:25

जिदलदाय हुन धरम, आउर सहन, आउर ऐतो बिता नियाय चो चरचा करते रलो, तेबे फेलिक्स घबराऊन भाती जबाप दिलो, “ऐबे तो जा; मवका दकुन मय तुके फेर हाग देयें दें।”

रोमियो 12:2

ऐ जगत चो असन नी बना; मान्तर तुमचो मन चो नवा होऊन गेलो ने तुमचो चाल-चलन बले बदल ते जाओ, जेचो ले तुमी माहापुरू चो अच्छा, आउर भावतो, आउर सिद इच्छा ले मालुम करते राआ।

रोमियो 6:12

ऐईकाजे पाप तुमचो नाश होतो बिती देंह ने राज नी करो, कि तुमी हुनचो लालचमन चो आसा ने राआ;

रोमियो 6:19

मय तुमचो देंह चो कमजोरी चो कारन मानेमन चो रीति थाने बलें सें। जसन तुमी आपलो अंगमन के कुकरम चो काजे अशुद्धता आउर कुकरम चो दास करून सोपुन रलास, असने ची अदायं आपलो अंगमन के पवितरता चो काजे धरम चो दास करून सोपुन दिआस।

रोमियो 8:13

कसनबल्लोने अगर तुमी देंह चो अनुसार दिन बिताआ से तो मरा से, अगर आत्मा ले देंह चो काममन के मारा से तेबे जीव राआ से।

2 कुरिन्थियो 1:12

कसनबल्लोने आमी आपलो बिबक चो ऐ गोहई थाने घमण्ड करूं से, कि जगत ने आउर खास करून तुमचो मंजी, आमचो गुन माहापुरू चो लायक असन पवितरता आउर सत संगे रये, जोन शारीरिक गिआन ले नाई मान्तर माहापुरू चो अनुग्रह चो संगे रये।

2 कुरिन्थियो 7:1

आउर हे लाडरामन, जिदलदाय कि ऐ बायदामन आमके मिरली से, तो ईआ, आमी आपन खुद देंह आउर आत्मा चो सपाय मईल ले शुद्ध करूं, आउर माहापुरू चो भय संगाते-संगाते पवितरता के सिद्ध करूं।

गलातियो 1:4

हुन आपन खुद के आमचो पापमन चो काजे देउन दिलो, बल्ले आमचो माहापुरू आउर बुआ चो इच्छा चो अनुसार आमके ऐई समया खराप संवसार ले छंड़ाओ।

गलातियो 5:24

आउर जोन मसीह ईशु चो आत, हुनमन देंह के हुनचो लालचमन आउर मनमानीमन चो संगे कुरूस उपरे चेगाऊन दिला सोत।

इफिसीयो 1:4

जसन हुन आमके जगत चो उपजास ले पयले हुन थाने चुनलो कि आमी हुनचो लगे मया ने पवितर आउर बेकसूर होऊँ।

इफिसीयो 2:2

जोन थाने तुमी पयले ऐ संवसार चो रीति थाने, आउर बादरी चो अधिकार चो हाकिम बल्लोने हुन आत्मा चो अनुसार चलते राआस, जोन ऐबे बले हुकुम नी मानतो बितामन ने कामकरू आय।

कुलुस्सियो 1:22

हुन अदायं हुनचो शारीरिक देंह ने मरना चो कारन तुमचो बले मिलान करलो बल्ले तुमके आपलो पुरे पवितर आउर निसकलंक, आउर बेकसूर बनान भाती हाजिर करो।

1 थिस्सलुनीकियो 4:7

कसनबल्लोने माहापुरू आमके अशुद्ध होतो काजे नाई, मान्तर पवितर होतो काजे हाग दिलो से।

1 थिस्सलुनीकियो 4:9

मान्तर भाईचारा चो मया चो बारे ने ऐ जरूरी नुआय कि मय तुमचो लगे काई लिकेन्दे, कसनबल्लोने आपस ने मया संगातोर तुमनमन खुदे ची माहापुरू ले सिकलासास;

1तीमुथियुस 4:12

कोनी तुचो जुआनी के तुच्छ नी समजुक पाओत; मान्तर बचन, आउर चाल चलन, आउर मया, आउर बिश्वास, आउर पवितरता ने बिश्वासीमन चो काजे नमूना बनुन जा।

1तीमुथियुस 6:17

ऐ संवसार चो सवकारमन के हुकुम देस कि हुनमन घमण्डी नी होओत आउर नी धरा देतो धन उपरे आशा नी संगा ओत मान्तर माहापुरू उपरे जोन आमचो सुक चो काजे सपाय काई खुबे ले खुबे देऊ आय।

1तीमुथियुस 6:9

मान्तर जोन धनी होऊक चाहाय सोत, हुनमन असन परीक्षा आउर फान्दामन आउर खुबे ची फकाहा आउर हानि करू लालचमन ने फसु आत, जोन मानेमन के नशान देऊ आय आउर बिनाश चो समुन्द ने बुड़ाऊन देऊ आय।

2 तीमुथियुस 3:12

मान्तर जितरो मसीह ईशु ने भक्ति चो संगे जीवना बिताऊक चाहाय सोत हुनमन सपाय कन्दराया जादे;

2 तीमुथियुस 4:10

कसनबल्लोने देमास ऐ जगत के लाड़ जानुन भाती मोके छांडुन दिलो से आउर थिस्सलुनीके ने जाते गेलो से। क्रेसकेंस गलातिया ने आउर तीतुस दलमतिया ने जाते गेलो से।

तीतुस 3:3

कसनबल्लोने आमी बले पयले निरबुद्धि, आउर हुकुम नी मानतो बिता आउर भरम ने पडुन आउर नाना परकार चो मनमानीमन आउर सुक बिलास चो गुलामी ने रलु, आउर बईर, आउर डाह करतो ने जीवना बीताते रलु, आउर घिन-घिना रलु, आउर गोटक दुसर ले बईर संगाते रलु।

इब्रानियो 8:11

आउर हरकोनी आपलो देश बितामन के आउर आपलो भाई के ऐ सिक्या नी देये, कि तुय परबु के चिताव, कसनबल्लोने नानी ले बड़े सपाय मोके जान दे।

याकूब 1:27

आमचो माहापुरू आउर बुआ चो लगे शुद्ध आउर निंगल भक्ति ऐ आय कि पोरटामन आउर रान्डीमन चो कलेश ने हुनमन चो सुद्धि धरो, आउर आपन खुद के संवसार ले निसकलंक संगाओ।

2 पतरस 2:9

तेबे परबु भगतमन के परीक्षामन थानले निकरातोर आउर अधरमीमन के नियाय चो दिन ले डण्ड चो दसा ने संगाऊक बले जाने,

2 पतरस 3:11

जसन कि ऐ सपाय तीजमन ऐ रीति ले पिघल तो बिती आय, तेबे तुमके पवितर चाल-चलन आउर भक्ति ने कसन माने होतोर आसे,

1यूहन्ना 2:27

मान्तर तुमचो हुन अभिषेक जोन हुनचो बाटले कराए गेली, तुमचो ने बनुन रऊ आय; आउर तुमके ऐचो जरूरत निआय कि कोनी तुमके सिका ओत, बल्लोने जसन हुन अभिषेक जोन हुनचो बाटले कराए गेली तुमके सपाय गोठमन सिकाऊ आय, आउर ऐ सते आय आउर फंद नुआय; आउर जसन हुन तुमके सिका लो से हुसने ची तुमी हुन थाने बनुन रऊ आहास।

1यूहन्ना 2:6

जोन कोनी ऐ बोलु आय कि मय हुन थाने बनुन रऊँ आय, हुनके जरूरत आय कि खुद बले असने ची चलो जसन हुन चलते रलो।

1यूहन्ना 5:19

आमी जानु से कि आमी माहापुरू ले आंव, आउर सपाय संवसार हुन दुष्ट चो वश ने पढ़ली से।

यहूदा 1:18

हुनमन तुमके बोलते रवत, “पाचे चो दिनमन ने असन मजाक करतो बितामन होदे जोन आपलो अभक्ति चो मनमानीमन चो अनुसार चलदे।”

प्रकाशितवाक्य 14:12

पवितर लोगमन चो धीरज ऐई थाने आसे, जोन माहापुरू चो हुकुममन के मानु आत आउर ईशु उपरे बिश्वास संगाऊ आत।