तीतुस 2:11 - Halbi

¹¹ कसनबल्लोने माहापुरू चो हुन अनुग्रह परकट आसे, जोन सपाय मानेमन चो मुक्ति चो कारन आय,

परमेस्वर को सच्चो वचन ख जाननू

¹¹ काहेकि परमेस्वर कि वा दया परघट हैं, जो सब अदमी हुन को उद्धार को कारन आय,

तीतुस 2:11 Iomraidhean Croise

मत्ती 28:19

ऐईकाजे तुमी जाआ, सपाय जातिमन चो लोगमन के चेला बनाहा; आउर हुनमन के बुआ, आउर बेटा, आउर पवितर आत्मा चो नाव ले डूबन दिआस,

मरकुस 16:15

आउर हुन हुनमन ले बल्लो, “तुमी सपाय जगत ने जाऊन भाती पुईतराय बरमाण्ड चो लोगमन के नगतखबर परचार करा।

लूका 24:47

आउर यरूशलेम ले धरून सपाय जातिमन ने मन फिराव चो आउर पापमन चो छमा चो परचार, हुनचेई नाव ले करा जायेदे।

लूका 3:6

आउर हर प्राणी माहापुरू चो मुक्ति के दक दे’।”

यूहन्ना 1:14

आउर बचन देंह चो रूपधरली; आउर अनुग्रह आउर सत ले समपूरन होऊन भाती आमचो मंजी ने डेरा करलो, आउर आमीमन हुनचो असन महिमा दकलु, जसन बुआ चो एकला बेटा चो महिमा।

यूहन्ना 1:9

सत उजर जोन सपाय माने के उजर करू आय, जगत ने ऐतो बिती रये।

प्रेरितो 11:23

हुन हुता अमरून भाती आउर माहापुरू चो अनुग्रह के दकुन भाती हरिक होलो, आउर सपाय के उपदेश दिलो कि तन-मन लगाऊन भाती परबु ले लेपटून राहा।

प्रेरितो 13:43

जिदलदाय आराधना सभा उठून गेली तेबे यहूदीमन आउर यहूदी दल ने ईलो भगतमन थानले खुबे असन पौलुस आउर बरनबास चो पाट-पाट होला; आउर हुनमन-हुनमन चो ले गोठमन करून समजाला कि माहापुरू चो अनुग्रह ने बनु राहा।

प्रेरितो 13:47

कसनबल्लोने परबु आमके ऐ हुकुम दिलो से, मय तुके दुसर जातिमन चो काजे उजर थेबाले से, बल्ले तुय धरतनी चो कोनया मुक्ति चो बाट हो।

प्रेरितो 17:30

ऐईकाजे माहापुरू अगिआनता चो समयामन थाने धिआन नी दिलो, मान्तर अदायं हर जगा सपाय मानेमन के मन फिरातोर हुकुम देऊ आय।

प्रेरितो 20:24

मान्तर मय आपलो जीव के काई नी समजे कि हुनके लाड़ जाने, मान्तर ऐ कि मय आपलो परानी के आउर हुन सेवा के पुरा करें दें, जोन मय माहापुरू चो अनुग्रह चो नगतखबर थाने गोहई देतो काजे परबु ईशु ले पावले से।

रोमियो 10:18

मान्तर मय बलेंसें, काय हुनमन नी सुनला? सुनला तो जरूर आय; कसनबल्लोने लिकलोर आसे, “हुनमन चो राग सपाय धरतनी थाने, आउर हुनमन चो बचन जगत चो आखरी तक अमरली से।”

रोमियो 5:15

मान्तर जसन अपराध चो हाल आय, असने ची अनुग्रह चो बर चो नाई, कसनबल्लोने जिदलदाय गोटक माने चो अपराध ले खुबे लोग मरला, तेबे माहापुरू चो अनुग्रह आउर हुनचो जोन दान गोटक माने चो, बल्लोने ईशु मसीह चो, अनुग्रह ले होली खुबे असन लोगमन उपरे जरूर ची जादा ले जादा होली।

रोमियो 5:2

जेचो कारन बिश्वास चो लागुन हुन अनुग्रह ले जोन थाने आमी बनलु से, आमचो पहुँच बले होली, आउर माहापुरू चो महिमा चो आशा थाने घमण्ड करू।

2 कुरिन्थियो 6:1

आमी जोन माहापुरू चो संगे कामकरू आंव ऐ बले समजु आंव कि हुनचो अनुग्रह जोन तुमचो उपरे होली, हुनके फकाहा नी जाऊक दिआस।

गलातियो 2:21

मय माहापुरू चो अनुग्रह के फोकाहा नी ठेबा ये; कसनबल्लोने अगर नियम चो बाटले धारमिकता होती, तेबे मसीह चो मरतोर फोकाहा होती।

इफिसीयो 2:5

जिदलदाय आमी अपराधमन चो लागुन मरून रलु तेबे आमके मसीह चो संगे जिआ लो (अनुग्रह ची ले तुमचो मुक्ति होली से),

इफिसीयो 2:8

कसनबल्लोने बिश्वास चो दुवारा अनुग्रह ची ले तुमनमन चो मुक्ति होली से; आउर ऐ तुमचो बाटले नुआय, मान्तर माहापुरू चो दान आय,

कुलुस्सियो 1:23

अगर तुमी बिश्वास चो पाया थाने जमखम बनुन राहा आउर हुन नगतखबर चो आशा के जोन के तुमी सुनलासास नी छांडा, जेचो परचार बादरी चो खाले चो पूईतराय बरमाण्ड ने कराय गेली, आउर जेचो मय, पौलुस, सेवक बनले।

कुलुस्सियो 1:6

जोन तुमचो लगे पहुँचली से, आउर जसन जगत ने बले फर आनुन आउर बाड़ते जाऊ आय, असने ची जोन दिन ले तुमी हुनके सुनलास आउर सत ले माहापुरू चो अनुग्रह चितालासास, तुमचो ने बले असने ची करू आय।

2 थिस्सलुनीकियो 2:16

आमचो परबु ईशु मसीह खुद ची, आउर आमचो बुआ माहापुरू, जोन आमचो ले मया संगालो आउर अनुग्रह ले अमर शान्ति आउर अच्छा आशा दिलोसे,

1तीमुथियुस 1:14

आउर आमचो परबु चो अनुग्रह हुन बिश्वास आउर मया चो संगे जोन मसीह ईशु ने आसे, खुबे ले खुबे होली।

1तीमुथियुस 2:4

जोन ऐ चाहाऊं आय कि सपाय मानेमन चो मुक्ति होओ, आउर हुनमन सत के नुकु-नुकु चिता ओत।

2 तीमुथियुस 1:10

मान्तर अदायं आमचो मुक्तिकरू मसीह ईशु चो परकट होतोर लागुन परकाशीत होली, जोन मरना चो नाश करलो आउर जीवन आउर अमरता के हुन नगतखबर चो लागुन परकाशमान करून दिलो।

2 तीमुथियुस 4:17

मान्तर परबु मोचो संगे रलो आउर मोके सामरत दिलो, बल्ले मोचो कारन पुरा-पुरा परचार होओ आउर सपाय दुसर जातिमन सुनोत। मय डुरका चो मुंह ले छंडाया गेले।

इब्रानियो 12:15

धिआन ले दकते राहा, असन नी होओ कि कोनी माहापुरू चो अनुग्रह ले लापी रऊन जाओ, नाहले कोनी पीता चेर फुटुन भाती दुख देओ, आउर हुनचो लागुन खुबे असन लोग अशुद्ध होऊन जाओत।

इब्रानियो 2:9

मान्तर आमी ईशु के जोन सरग दूतमन ले खिन्डिक ची कम करा जाऊ रलो, मरना चो दुख उठातोर लागुन महिमा आउर ईजीत चो मुकुट पिन्दलोर दकुं से, बल्ले माहापुरू चो अनुग्रह ले हुन हरकोनी माने चो काजे मरना चो सुआद चाको।