तीतुस 1:4 - Halbi

⁴ तीतुस चो नाव, जोन बिश्वास चो संगती चो बिचार ले मोचो सत बेटा आय: माहापुरू बुआ आउर आमचो मुक्तिकरू मसीह ईशु चो बाटले तुके अनुग्रह आउर शान्ति मिरते रओ।

परमेस्वर को सच्चो वचन ख जाननू

⁴ तीतुस को नाम, जो भरोसा कि घड़ी म सहभागी को विचार से मोरो सच्चो पोरिया आय: परमेस्वर बाप अर हमारो उध्दार करन वालो मसी यीसु की तरफ से तोखा दया अर सान्ति मिलती रैय।

तीतुस 1:4 Iomraidhean Croise

लूका 2:11

कि आजी दाऊद चो नंगर ने तुमचो काजे गोटक मुक्तिकरू जनम लो से, आउर ऐई ची मसीह परबु आय।

यूहन्ना 4:42

आउर हुन बायले लेकी के बल्ला, “अदायं आमी तुचो बोलतोर ची ले बिश्वास नी करू; कसनबल्लोने आमी खुदे ची सुनलु, आउर जानु से कि ऐई सते जगत चो मुक्ति करू आय।”

रोमियो 1:12

बल्लोने ऐ कि जिदलदाय मय तुमचो मंजी ने होयें, तेबे आमी हुन बिश्वास चो बाटले जोन मोचो ने आउर तुमचो ने आसे, गोटक दुसर ले होसला पाऊँ।

रोमियो 1:7

हुन सपाय चो नाव जोन रोम ने माहापुरू चो लाड़रा आत आउर पवितर होतो काजे हाग दिया गेला सोत आमचो बुआ माहापुरू आउर परबु ईशु मसीह चो बाटले तुमके अनुग्रह आउर शान्ति मिरते रओ।

2 कुरिन्थियो 12:18

मय तीतुस के समजाऊन भाती हुनचो संगे हुन भाई के पठाले, तेबे काय तीतुस छंद करून तुमचो ले काई धरलो? काय आमी गोटक ची आत्मा चो चलालोर नी चललु? काय गोटक ची बाट थाने नी चललु?

2 कुरिन्थियो 2:13

तेबे मोचो मन ने आराम नी मिरली, ऐईकाजे कि मय आपलो भाई तीतुस के नी पावले; ऐईकाजे हुनमन ले बिदा होऊन मय मकिदुनिया ने जाते गेले।

2 कुरिन्थियो 4:13

ऐईकाजे कि आमचो थाने हुनी बिश्वास चो आत्मा आसे, जेचो बारे ने लिकलोर आसे, “मय बिश्वास करले, ऐईकाजे मय बल्ले।” आउर आमी बले बिश्वास करू आंव, ऐईकाजे बोलु आंव।

2 कुरिन्थियो 7:6

तेबले बले दिनमन के शान्ति देतो बिता माहापुरू तीतुस चो ईलो ले आमके शान्ति दिलो;

2 कुरिन्थियो 8:16

माहापुरू चो धन्यबाद होओ, जोन तुमचो काजे हुनी उदुम तीतुस चो मन ने डालुन दिलो से।

2 कुरिन्थियो 8:23

अगर कोनी तीतुस चो बारे ने पचार दे, तेबे हुन मोचो संगवारी आउर तुमचो काजे मोचो संगे कामकरू आय; आउर अगर आमचो भाईमन चो बारे ने पचारो, तेबे हुनमन कलीसियामन चो पठालोबिता आउर मसीह चो महिमा आत।

2 कुरिन्थियो 8:6

ऐईकाजे आमी तीतुस के समजालु कि जसन हुन पयले मुरयाऊ रलो, असने ची तुमचो मंजी ने ऐ दान चो काम के पुरा बले करोत।

गलातियो 2:3

मान्तर तीतुस के बले जोन मोचो संगे रये आउर जोन यूनानी आय, खतना करातो काजे बेबस नी करा गेलो।

गलातियो 3:26

कसनबल्लोने तुमी सपाय हुन बिश्वास चो लागुन जोन मसीह ईशु थाने आसे, माहापुरू चो पिला आहास।

गलातियो 3:28

अदायं ना कोनी यहूदी रला आउर ना यूनानी, ना कोनी दास ना छुटछाड़ा, ना कोनी नर ना नारी, कसनबल्लोने तुमी सपाय मसीह ईशु ने गोटक आहास।

इफिसीयो 1:2

आमचो बुआ माहापुरू आउर परबु ईशु मसीह चो बाटले तुमके अनुग्रह आउर शान्ति मिरते रओ।

कुलुस्सियो 1:2

मसीह ने हुन पवितर आउर बिश्वासी भाईमन चो नाव जोन कुलुस्से ने रऊ आत। आमचो बुआ माहापुरू चो बाटले तुमके अनुग्रह आउर शान्ति मिरते रओ।

1तीमुथियुस 1:12

मय आपलो परबु मसीह ईशु चो जोन मोके सामरत दिलो से, धन्यबाद करें से कि हुन मोके बिश्वास लायक समजुन भाती आपलो सेवा चो काजे ठेबालो।

2 तीमुथियुस 1:1

पौलुस चो बाटले जोन, हुन जीवन चो बायदा चो असन जोन मसीह ईशु ने आसे, माहापुरू चो इच्छा ले मसीह ईशु चो पठालोबिता आय,

2 तीमुथियुस 1:2

लाड़रा बेटा तीमुथियुस चो नाव। माहापुरू बुआ आउर आमचो परबु मसीह ईशु चो बाटले तुके अनुग्रह आउर दया आउर शान्ति मिरते रओ।

2 तीमुथियुस 4:10

कसनबल्लोने देमास ऐ जगत के लाड़ जानुन भाती मोके छांडुन दिलो से आउर थिस्सलुनीके ने जाते गेलो से। क्रेसकेंस गलातिया ने आउर तीतुस दलमतिया ने जाते गेलो से।

तीतुस 1:3

मान्तर ठीक समया थाने आपलो बचन के हुन परचार चो बाटले परकट करलो, जोन आमचो मुक्तिकरू माहापुरू चो हुकुम चो अनुसार मोके सोपाय गेली।

तीतुस 2:13

आउर हुन धन्य आशा चो बल्लोने आपलो माहान माहापुरू आउर मुक्ति करू ईशु मसीह चो महिमा चो परकट होतोर बाट टाकते रओत।

2 पतरस 1:1

शिमोन पतरस चो बाटले, जोन ईशु मसीह चो दास आउर पठालोबिता आय, हुन लोगमन चो नाव जोनमन आमचो माहापुरू आउर मुक्ति करू ईशु मसीह चो धारमिकता ले आमचो असन बड़े मोल बिश्वास परापत करला से।

2 पतरस 1:11

मान्तर ऐई रीति ले तुमी आमचो परबु आउर मुक्ति करू ईशु मसीह चो अमर राज ने बड़े ईजीत चो संगे ओलुक सका से।

2 पतरस 2:20

जिदलदाय हुनमन परबु आउर मुक्तिकरू ईशु मसीह चो पयचान चो दुवारा संवसार चो नाना परकार चो अशुद्धता ले बाचुन निकरला, आउर फेर हुन थाने फसुन भाती हारला, तेबे हुनमन चो पाचे चो दशा पयले ले बले खराप होऊन गेली से।

2 पतरस 3:18

मान्तर आमचो परबु आउर मुक्तिकरू ईशु मसीह चो अनुग्रह आउर पयचान ने बड़ते जाआ। हुनचेई महिमा ऐबे बले होओ, आउर जुग-जुग होते रओ। आमीन।

2 पतरस 3:2

कि तुमी हुन गोठमन के जोन पवितर अगम गिआनीमन पयले बल्ला सोत, आउर परबु आउर मुक्तिकरू चो हुन हुकुम के सुरता करा जोन तुमचो पठालोबितामन चो दुवारा दिया जाऊ रली।

1यूहन्ना 5:14

आउर आमके हुनचो पुरे जोन साआस होऊ आय, हुन ऐ आय; कि अगर आमी हुनचो इच्छा चो अनुसार काई मांगु आंव तेबे हुन आमचो सुनु आय।

यहूदा 1:3

हे लाडरामन, जिदलदाय मय तुमके हुन मुक्ति चो बारे ने लिकतो ने खुबे मसागत ले तिआर करते रले जोन थाने आमी सपाय शामिल आंसु, तेबे मय तुमके ऐ समजातोर जरूरी जानले कि हुन बिश्वास चो काजे पुरा तिआर करा जोन पवितर लोगमन के गोटक ची हार सोपा जाऊ रली।