तीतुस 1:3 - Halbi

³ मान्तर ठीक समया थाने आपलो बचन के हुन परचार चो बाटले परकट करलो, जोन आमचो मुक्तिकरू माहापुरू चो हुकुम चो अनुसार मोके सोपाय गेली।

परमेस्वर को सच्चो वचन ख जाननू

³ पर ठीक बखत पा अपनो वचन ख उ परचार को दुवार परघट करो, जो हमारो उध्दार करन वालो परमेस्वर को नेम को अनुसार मोखा सोपियो गयो।

तीतुस 1:3 Iomraidhean Croise

मरकुस 1:15

आउर बल्लो, “समया पुरा होली से, आउर माहापुरू चो राज लगे ईली से; मन फिराआ आउर नगतखबर थाने बिश्वास करा।”

मरकुस 13:10

मान्तर जरूरी आय कि पयले नगतखबर सपाय जातिमन ने परचार करा जाओ।

मरकुस 16:15

आउर हुन हुनमन ले बल्लो, “तुमी सपाय जगत ने जाऊन भाती पुईतराय बरमाण्ड चो लोगमन के नगतखबर परचार करा।

लूका 1:47

आउर मोचो आत्मा मोचो मुक्ति करतो बिता माहापुरू ले हरिक होली,

प्रेरितो 10:36

जोन बचन हुन इस्राएलीमन चो लगे पठालो, जिदलदाय हुन ईशु मसीह चो बाटले (जोन सपाय चो परबु आय) शान्ति चो नगतखबर सुनालो,

प्रेरितो 17:26

हुन गोटक ची मुर ले मानेमन चो सपाय जातिमन पुईतराय धरतनी थाने रतो काजे बनालो से; आउर हुनमन चो थेबालो बिती समया आउर डेरा चो संदीमन के ऐईकाजे बान्दलो से,

रोमियो 15:19

आउर चिनामन, आउर भयंकर काममन चो सामरत ले, आउर पवितर आत्मा चो सामरत ले मोचो ची बाटले करला, ऐथा ले कि मय यरूशलेम ले धरून भाती चारो बाटे इल्लुरिकुम ले मसीह चो नगतखबर चो पुरा-पुरा परचार करले।

रोमियो 16:25

अदायं जोन तुमके मोचो नगतखबर आउर ईशु मसीह चो खबर चो परचार चो अनुसार थीर करूक सके, हुन भेद चो उजर चो अनुसार जोन हरमेशा ले लुकु रली,

रोमियो 16:26

मान्तर अदायं उजागर होऊन भाती जुग-जुग चो माहापुरू चो हुकुम ले अगम गिआनीमन चो किताबमन चो दुवारा सपाय जातिमन के सांगा गेली से कि हुनमन बिश्वास ले हुकुम मानतो बिता होऊन जाओत,

रोमियो 5:6

कसनबल्लोने जिदलदाय आमी कमजोर ची रलु, तेबे मसीह ठीक समया थाने बिश्वास नी करतो बितामन काजे मरलो।

1 कुरिन्थियो 9:17

कसनबल्लोने अगर आपलो इच्छा ले ऐ करें से तेबे भुती मोके मिरे से, आउर अगर आपलो इच्छा ले नी करे तेबले बले भण्डारीपन मोके सोपा गेली से।

गलातियो 4:4

मान्तर जिदलदाय समया पुरा होली, तेबे माहापुरू आपलो बेटा के पठालो जोन बायले लेकी ले जनम लो आउर नियम चो अधीन पयदा होलो,

इफिसीयो 1:10

कि समयामन चो पुरा होतोर असन जुगाड़ होओ कि जोन काई सरग ने आसे आउर जोन काई धरतनी थाने आसे, सपाय काई हुन मसीह ने रूंडा करो।

इफिसीयो 2:17

हुन ऐऊन भाती तुमके जोन लापी रवत आउर हुनमन के जोन लगे रवत, दुनो के मेल मिलाप चो नगतखबर सुनालो।

फिलिप्पियो 1:13

ऐथा ले कि राजा चो राज महल चो पुईतराय पलटन आउर बाकी सपाय लोगमन ने ऐ परकट होऊन गेली से कि मय मसीह चो काजे बन्दी आसे;

कुलुस्सियो 1:23

अगर तुमी बिश्वास चो पाया थाने जमखम बनुन राहा आउर हुन नगतखबर चो आशा के जोन के तुमी सुनलासास नी छांडा, जेचो परचार बादरी चो खाले चो पूईतराय बरमाण्ड ने कराय गेली, आउर जेचो मय, पौलुस, सेवक बनले।

कुलुस्सियो 1:6

जोन तुमचो लगे पहुँचली से, आउर जसन जगत ने बले फर आनुन आउर बाड़ते जाऊ आय, असने ची जोन दिन ले तुमी हुनके सुनलास आउर सत ले माहापुरू चो अनुग्रह चितालासास, तुमचो ने बले असने ची करू आय।

1 थिस्सलुनीकियो 2:4

मान्तर जसन माहापुरू आमके लायक ठेबाऊन भाती नगतखबर सोपलो, आमी असने ची वर्णन करूं से, आउर ऐ थाने मानेमन के नाई, मान्तर माहापुरू के, जोन आमचो मन-मन के जाचु आय, हरिक करूं आंव।

1तीमुथियुस 1:1

पौलुस चो बाटले जोन आमचो मुक्तिकरू माहापुरू आउर आमचो आशा चो आधार मसीह ईशु चो हुकुम ले मसीह ईशु चो पठालोबिता आय,

1तीमुथियुस 1:11

ऐई परमधन्य माहापुरू चो महिमा चो हुन नगतखबर चो अनुसार आय जोन मोके सोपाय गेलीसे।

1तीमुथियुस 2:3

ऐ आमचो मुक्तिकरू माहापुरू के अच्छा लागु आय आउर भाऊ बले आय,

1तीमुथियुस 4:10

कसनबल्लोने आमी मसागत आउर कोशिश ऐईकाजे करूं आंव कि आमचो आशा हुन जीवता माहापुरू थाने आसे, जोन सपाय मानेमन चो आउर नीज करून बिश्वासीमन चो मुक्तिकरू आय।

2 तीमुथियुस 4:17

मान्तर परबु मोचो संगे रलो आउर मोके सामरत दिलो, बल्ले मोचो कारन पुरा-पुरा परचार होओ आउर सपाय दुसर जातिमन सुनोत। मय डुरका चो मुंह ले छंडाया गेले।

तीतुस 2:10

चोरी चलाकी नी करोत, मान्तर सपाय परकार ले पुरा बिश्वासी निकरोत कि हुनमन सपाय गोठमन ने आमचो मुक्तिकरू माहापुरू चो उपदेश चो शोभा बड़ा ओत।

तीतुस 2:13

आउर हुन धन्य आशा चो बल्लोने आपलो माहान माहापुरू आउर मुक्ति करू ईशु मसीह चो महिमा चो परकट होतोर बाट टाकते रओत।

प्रकाशितवाक्य 14:16

आउर जोन बादरी थाने बसुन रये हुन धरतनी थाने आपलो हिरा लगालो, आउर धरतनी चो कटीई करा गेली।