तीतुस 1:10 - Halbi

¹⁰ कसनबल्लोने खुबे लोग पुटुर-पुटुर करतो बिता आउर धोका देऊ बिता आत, खास करून खतना बितामन थानले।

परमेस्वर को सच्चो वचन ख जाननू

¹⁰ काहेकि ढ़ेर सारा अदमी निरंकुस, बहस करन वाला अर धोका देन वाला हैं; खास कर ख खतना वाला वाला म से।

तीतुस 1:10 Iomraidhean Croise

मत्ती 23:14

(हे कपटी शास्तरीमन आउर फरीसीमन, तुमचो उपरे हाय! तुमी रान्डीमन चो घरमन के खाये सास, आउर दकातो काजे बड़े बेर ले पारथना करते रऊ आस: ऐईकाजे तुमके खुबे डण्ड मिरेदे।)

प्रेरितो 11:2

आउर जिदलदाय पतरस यरूशलेम ने ईलो, तेबे खतना करलो लोग हुनचो ले बहस करूक मुरयाला,

प्रेरितो 15:1

फेर कितलो लोग यहूदिया ले ऐऊन भाती भाईमन के सिकाऊक मुरयाला: “अगर मूसा चो रीति थाने तुमचो खतना नी होये तो तुमी मुक्ति नी पावऊक सकास।”

प्रेरितो 15:24

आमी सुनलु से कि आमचो थानले कितलो झान हुता जाऊन भाती, तुमके आपलो गोठमन ले घबराऊन दिला; आउर तुमचो मन उलटाऊन दिला से मान्तर आमी हुनमन के हुकुम नी देऊ रलु।

प्रेरितो 20:29

मय जाने कि मोचो गेलो पाचे चिरतो बिती बिगवामन तुमचो ने ऐ दे जोन गोहड़ी के नी छांड दे।

गलातियो 2:4

ऐ हुन फंदी भाईमन चो लागुन होली जोन खुसराय ओलुन ऐऊ रवत, कि हुन छुटछान्डा चो जोन मसीह ईशु ने आमके मिरली से, भेद धरून आमके दास बना ओ।

गलातियो 3:1

हे निरबुद्धि गलातिमन, कोन तुमके मोहीत करलो से? तुमचो तो माना आँईक चो पुरे ईशु मसीह कुरूस उपरे दकाया गेलो!

इफिसीयो 4:14

तेबे आमी पहिल ले लेका नी रऊँ जोन मानेमन चो ठग-बिदया आउर चलाक ले, हुनमन चो भरम चो फान्दामन चो आउर उपदेश चो हरकोनी लेहरा ले उदलाया आउर ऐ बाटे-हुन बाटे किन्दराया जाऊ आहास।

1तीमुथियुस 1:4

आउर हुन कहनीमन आउर अनंत बंसावलीमन थाने मन नी लगा ओत जेचो ले बिवाद होऊ आय, आउर माहापुरू चो हुन जुगाड़ चो अनुसार नाई, जोन बिश्वास थाने टिकला सोत। असने ची फेर बल्ले बलेंसें।

1तीमुथियुस 1:6

ऐ मन के छांडुन भाती कितलो लोग बकवास चो बाटे भटकुन गेला सोत,

1तीमुथियुस 1:9

ऐ जानुन भाती कि नियम धरमी जन चो काजे नुआय मान्तर अधरमीमन, निरंगकुसमन, भक्तिहिनमन, पापीमन अपवितर आउर अशुद्ध मानेमन, आया बुआ चो घात करतो बितामन, हत्यारामन,

2 तीमुथियुस 3:13

मान्तर दुष्ट आउर गोठ ने फासतो बितामन धोका देते आउर धोका खाते नशते जादे।

2 तीमुथियुस 4:4

आउर आपलो कान सत ले फिरून भाती कथा कहनीमन थाने लगा दे।

तीतुस 1:6

जोन बेकसूर आउर गोटक ची बायले चो मुनुक होओ, जेचो पिलामन बिश्वासी होओत, आउर जोनमन थाने ठग आउर काई दोष नी रओ।

याकूब 1:26

अगर कोनी आपन खुद के भगत समजो आउर आपलो जीब के आपलो अधीन ने नी करे मान्तर आपलो मन के धोका देओ, तो हुनचो भक्ति फकाहा आय।

1यूहन्ना 2:18

हे लेकामन, ऐ आखरी समया आय; जसन तुमनमन सुनलासास कि मसीह चो बिरोधी ऐतो बिता आय, हुनचो अनुसार ऐबे बले खुबे असन मसीह-बिरूदी उठून उबा होला सोत; ऐचो ले आमी जानु से कि ऐ आखरी समया आय।

1यूहन्ना 2:4

जोन कोनी ऐ बोलु आय, “मय हुनके जानले से,” आउर हुनचो हुकुममन के नी माने, हुन फंदी आय आउर हुनचो ने सत निआय;

1यूहन्ना 4:1

हे लाड़रा मन, हरकोनी आत्मा थाने बिश्वास नी करा, मान्तर आत्मामन के परका कि हुनमन माहापुरू चो बाटले आय कि नुआय; कसनबल्लोने खुबे असन फंदी अगम गिआनी जगत ने निकरून उबला सोत।

प्रकाशितवाक्य 2:14

“मान्तर मोके तुचो बिरूद काई गोठमन बोलतोर आसे, कसनबल्लोने तुचो थाने कितलो असन आसोत, जोन बिलाम चो सिक्या के मानु आत, जोन बालाक के इस्राएलीमन चो पुरे ठोकरना चो कारन संगाऊक सिकालो कि हुनमन मुरतीमन थाने चेगालो बिती तीजमन खाओत आउर बेबीचार करोत।”

प्रकाशितवाक्य 2:6

“मान्तर हव, तुचो थाने ऐ गोठ तो आसे, कि तुय नीकुलईमन चो काममन ले घिनाऊ आस, जेचो ले मय बले घिनाऊ आंय।”