रोमियो 9:1 - Halbi

¹ मय मसीह ने सत बलेंसें, झूठ नी बलें आउर मोचो बिबक बले पवितर आत्मा ने गोहई देऊ आय।

परमेस्वर को सच्चो वचन ख जाननू

¹ मी मसी म सच कहूँ हैं, मी झूठ नी कह रयो मोरो विवेक भी सुध्द आत्मा मी गवाही दे हे।

रोमियो 9:1 Iomraidhean Croise

रोमियो 1:9

माहापुरू जेचो सेवा मय आपलो आत्मा ले हुनचो बेटा चो नगतखबर चो बारे ने करेंसे, हुनी मोचो गोहई आय कि मय तुमके कसन परकार सरलगा सुरता करते रऊ आंय,

रोमियो 2:15

हुनमन नियम चो गोठमन आपलो-आपलो मन ने लिकलोर दकाऊ आत आउर हुनमन चो बिबक बले गोहई देऊ आय, आउर हुनमन चो बिचार गोटक दुसर थाने दोष लगाऊ नाहले हुनमन के बेकसूर ठेबाऊ आय।

रोमियो 8:16

आत्मा खुद ची आमचो आत्मा चो संगे गोहई देऊ आय, कि आमी माहापुरू चो पिला आंव;

रोमियो 9:2

कि मोके बड़े दुक आसे, आउर मोचो मन सदा दुकते रऊ आय,

2 कुरिन्थियो 1:12

कसनबल्लोने आमी आपलो बिबक चो ऐ गोहई थाने घमण्ड करूं से, कि जगत ने आउर खास करून तुमचो मंजी, आमचो गुन माहापुरू चो लायक असन पवितरता आउर सत संगे रये, जोन शारीरिक गिआन ले नाई मान्तर माहापुरू चो अनुग्रह चो संगे रये।

2 कुरिन्थियो 1:23

मय माहापुरू के गोहई करून बलेंसें कि मय ऐबे ले कुरिन्थुस ने ऐईकाजे नी ईले, कि मोके तुमचो उपरे तरस ऐते रये।

2 कुरिन्थियो 11:10

अगर मसीह चो सत मोचो ने आसे तो अखाया देश ने कोनी मोके ऐ घमण्ड ले नी ठेबा दे।

2 कुरिन्थियो 11:31

परबु ईशु चो माहापुरू आउर बुआ जोन हरमेशा धन्य आय, जाने से कि मय झूठ नी बलें।

2 कुरिन्थियो 12:19

तुमी ऐबले समजेसास होती कि आमी तुमचो पुरे जबाप उपरे जबाप देऊँ से। आमी तो माहापुरू के हाजिर जानुन भाती मसीह ने बोलु से, आउर हे लाड़रामन, सपाय गोठमन तुमचो उन्नती चो काजे बोलूं से।

गलातियो 1:20

जोन गोठमन मय तुमके लिके से, दका, माहापुरू चो हाजिर जानुन भाती बलें सें कि हुनमन झूठा नुआय।

फिलिप्पियो 1:8

ऐ थाने माहापुरू मोचो गोहई आसे कि मय मसीह ईशु चो लाड़ करून तुमी सपाय चो आशा करें से।

1 थिस्सलुनीकियो 2:5

कसनबल्लोने तुमी जानेसास कि आमी ना तो केबीई चापलुसी चो गोठमन करा करते रऊँ, आउर ना लोभ चो काजे बाहना करते रऊँ, माहापुरू गोहई आसे;

1तीमुथियुस 1:5

हुकुम चो सारांश ऐ आय कि शुद्धमन आउर अच्छा बिबक, आउर कपट रहित बिश्वास ले मया उपजास होओ।

1तीमुथियुस 2:7

मय सत बलेंसें, झूठ नी बोलें कि मय ऐई बिचार ले परचारक आउर पठालोबिता आउर दुसर जातिमन चो काजे बिश्वास आउर सत चो उपदेशक ठेबाय गेलो।

1तीमुथियुस 5:21

माहापुरू, आउर मसीह ईशु आउर चुनलो बितामन सरग दूतमन चो हाजिर जानुन भाती मय तुके जनाऊन देयें से कि तुय मन खोलुन भाती ऐ गोठमन के माना कर, आउर कोनी काम भेदभाव ले नी कर।