रोमियो 8:8 - Halbi

⁸ आउर जोन देंह चो दसा ने आसे, हुनमन माहापुरू के हरिक नी करूक सकोत।

परमेस्वर को सच्चो वचन ख जाननू

⁸ अर जे सारीरिक मजबूरी म हैं, वी परमेस्वर ख खुसी नी कर सक हैं।

रोमियो 8:8 Iomraidhean Croise

मत्ती 3:17

आउर ऐ आकाशबानी होली, “ऐ मोचो लाड़रा बेटा आय, जेचो ले मय खुबे हरिक आंसे।”

यूहन्ना 3:3

ईशु हुनके जबाप दिलो, “मय तुचो ले सते-सते बलें सें, अगर कोनी नवा ढंग ले नी जनमे तो माहापुरू चो राज दकुक नी सके।”

यूहन्ना 8:29

मोचो पटाऊ बिता मोचो संगे आसे; हुन मोके ऐकला नी छांडलो कसनबल्लोने मय सबुदाय हुनी कामकरू आंय जेचो ले हुन हरिक होऊ आय।”

रोमियो 1:21

ऐई कारन कि माहापुरू के जानलो ने बले हुनमन माहापुरू चो लायक बड़ाई आउर धन्यबाद नी करला, मान्तर फकाहा बिचार करूक मुरयाला, ऐथा ले कि हुनमन चो बेअकल मन अंधार होली।

रोमियो 7:5

कसनबल्लोने जिदलदाय आमी देंह चो हिसाब ने चलते रलु, तेबे पापमन चो इच्छा जोन नियम चो बाटले रली, मरना चो फल पयदा करतो काजे आमचो अंगमन ने काम करते रली।

रोमियो 8:9

मान्तर जिदलदाय कि माहापुरू चो आत्मा तुमीमन ने बसु आय, तेबे तुमी देंह दसा ने नाई मान्तर आत्मिक दसा ने आसास। अगर काचीई ने मसीह चो आत्मा निआय तो हुन हुनचो लोग नुआय।

1 कुरिन्थियो 7:32

आउर मय ऐ चाहाऊं आंय कि तुमके चिन्ता नी होओ। ठेंगवा माने परबु चो गोठमन चो चिन्ता ने रऊ आय कि परबु के कसन हरिक संगायदे।

फिलिप्पियो 4:18

मचो लगे सपाय काई आसे, मान्तर खुबे ले खुबे बले आसे; जोन तीजमन तुमी इपफ्रुदीतुस चो हाथ ले पटाऊन रलास हुनमन के पाऊन भाती मय संतुष्ट होऊन गेले से, हुन तो सुख देतो बिती बास, धरतो लायक बलिदान आय, जोन माहापुरू के भाऊ आय।

कुलुस्सियो 1:10

बल्ले तुमचो चाल-चलन परबु चो लायक होओ, आउर हुन सपाय परकार ले हरिक होओ, आउर तुमचो ने हर परकार चो बड़ीया काममन चो फर धरो, आउर तुमी माहापुरू चो पयचान ने बाड़ते जाहा,

कुलुस्सियो 3:20

हे पिलामन सपाय गोठमन ने आपलो-आपलो आया-बुआ चो हुकुम चो पालन करा, कसनबल्लोने परबु ऐचो ले हरिक होऊ आय।

1 थिस्सलुनीकियो 4:1

ऐईकाजे हे भाईमन, आमी तुमके गुहार करूं से आउर तुमके परबु ईशु ने समजाऊँ से कि जसन तुमी आमचो ले लायक चाल चलतोर आउर माहापुरू के हरिक करतोर सिकलासास, आउर जसन तुमी चलेसास बले, असने ची आउर बले बड़ते जाहा।

इब्रानियो 13:16

भलाई करतोर आउर उदारता दकातोर नी भुलका, कसनबल्लोने माहापुरू असन बलिदानमन ले हरिक होऊ आय।

इब्रानियो 13:21

तुमके हरकोनी अच्छा गोठ ने सिद्ध करोत, जेचो ले तुमी हुनचो इच्छा पुरा करा, आउर जोन काई हुनके भाऊ आय हुनके ईशु मसीह चो लागुन आमचो ने उपजास करोत। हुनचेई महिमा जुग-जुग होते रओ। आमीन।

1यूहन्ना 3:22

आउर जोन काई आमी मांगु आंव, हुन आमके हुनचो ले मिरू आय, कसनबल्लोने आमी हुनचो हुकुममन के मानु आंव आउर जोन हुनके भाऊ आय हुनी करू आंव।