रोमियो 8:6 - Halbi

⁶ देंह थाने मन लगातोर तो मरना आय, मान्तर आत्मा उपरे मन लगातोर जीवन आउर शान्ति आय;

परमेस्वर को सच्चो वचन ख जाननू

⁶ सरीर पर मन लगानो ते माऊत हैं, पर आत्मा पर मन लगानो जिन्दगी अर सान्ति हैं।

रोमियो 8:6 Iomraidhean Croise

यूहन्ना 14:27

“मय तुमके शान्ति देऊन जायें सें, आपलो शान्ति तुमके देंयें से; जसन संवसार देऊ आय, मय तुमके नी देंयें: तुमचो मन बाय बिकाल नी होओ आउर नी डरो।

यूहन्ना 14:6

ईशु हुनचो ले बल्लो, “बाट आउर सत आउर जीव मय ची आंय; बिना मोचो नाहालो कोनी बुआ चो लगे नी पहुँचुक सके।

यूहन्ना 17:5

अदायं हे बुआ, तुय आपलो संगे मोचो महिमा हुन महिमा ले कर जोन जगत चो रचलोर ले पयले, मोचो तुचो संगे रये।

रोमियो 13:14

मान्तर परबु ईशु मसीह के पिन्दा, आउर देंह चो मनमानीमन के पुरा करतोर उपाय नी करा।

रोमियो 14:17

कसनबल्लोने माहापुरू चो राज खातोर-पिवतोर नुआय, मान्तर धरम आउर मिला-मिसा आउर हुन हरिक आय जोन पवितर आत्मा ले हऊ आय।

रोमियो 5:1

आउर जिदलदाय आमी बिश्वास ले धरमी ठेबलु, तेबे आपलो परबु ईशु मसीह चो कारन माहापुरू चो संगे मेल संगाऊ,

रोमियो 5:10

कसनबल्लोने बयरी होतोर हाल ने हुनचो बेटा चो मरना चो कारन आमचो मेल माहापुरू चो संगे होली, तेबे फेर मेल होऊन गेलो ने हुनचो जीवन चो कारन आमी मुक्ति कसन नी पाऊँ दें?

रोमियो 6:21

आउर जोन गोठमन ले अदायं तुमी लाजे होऊ आहास, हुनमन ले हुन समया तुमी काय फल पावते राआस? कसनबल्लोने हुनमन चो आखरी तो मरना आय।

रोमियो 6:23

कसनबल्लोने पाप चो भुती तो मरना आय, मान्तर माहापुरू चो बर आमचो परबु मसीह ईशु थाने अमर जीवन आय।

रोमियो 7:11

कसनबल्लोने पाप मवका पाऊन हुकुम चो बाटले मोके बहकालो, आउर हुनचेई बाटले मोके मारून बले दिलो।

रोमियो 7:5

कसनबल्लोने जिदलदाय आमी देंह चो हिसाब ने चलते रलु, तेबे पापमन चो इच्छा जोन नियम चो बाटले रली, मरना चो फल पयदा करतो काजे आमचो अंगमन ने काम करते रली।

रोमियो 8:13

कसनबल्लोने अगर तुमी देंह चो अनुसार दिन बिताआ से तो मरा से, अगर आत्मा ले देंह चो काममन के मारा से तेबे जीव राआ से।

रोमियो 8:27

आउर मनमन चो जाचतो बिता जाने कि आत्मा चो मनसा काय आय? कसनबल्लोने हुन पवितर लोगमन चो काजे माहापुरू चो इच्छा चो अनुसार बिनती करू आय।

रोमियो 8:7

कसनबल्लोने देंह थाने मन लगातोर तो माहापुरू ले बईर संगातोर आय, कसनबल्लोने ना तो माहापुरू चो नियम चो लगे आसे आउर ना होऊक सके;

गलातियो 5:22

मान्तर आत्मा चो फल मया, हरिक, शान्ति, धीरज, किरपा, भलाई, बिश्वास,

गलातियो 6:8

कसनबल्लोने जोन आपलो देंह चो काजे बुनु आय, हुन देंह चो बाटले बिनाश चो कटनी काटे दे; आउर जोन आत्मा चो काजे बुनु आय, हुन आत्मा चो बाटले अमर जीवना चो कटनी काटे दे।